Danié 7:15 - Tupanaarü Ore

¹⁵ Rü choma i Danié rü poraãcü muü̃ choxna nangu. Rü poraãcü chaxoegaãxẽ naxca̱x ga guxü̃ma ga yema nüxü̃ chadauxü̃.

Danié 7:15 Referans Kwoze

Danié 7:28

Rü yexma nixĩ ga yacuáxü̃ ga guxü̃ma ga yema chaunegüwa nüxü̃ chadauxü̃. Rü choma i Danié rü poraãcü naxca̱x chaxoegaãxẽ rü chanachoxõchi. Natürü taxúemaxãma nüxü̃ chixu nachiga ga yema chaunegüwa Tupana choxü̃ wéxü̃ —ñanagürü ga Danié.

Norü taxre ga popera ga Pedru ümatüxü̃ 1:14

Rü pemaxã nüxü̃ chixu i ngẽma, erü tórü Cori ya Ngechuchu ya Cristu choxü̃ nüxü̃ nacua̱xẽxẽ nax paxa tá chayuxü̃.

Abacú 3:16

Rü yexguma nüxü̃ chaxĩnügu ga yema ãũcümaxü̃ i tá cuxüxü̃ rü chamuü̃, rü poraãcü chidu̱xruchicüra. Rü taxucürüwa ichachi rü guxü̃ma i chauxune rü ínayaturaãchi. Natürü woo ngẽmaãcü nax yixĩxü̃ rü mea tá íchananguxẽxẽ i ngẽma ngunexü̃ ya Tupana tá nagu guxchaxü̃ naxca̱x íngu̱xẽẽxü̃ i ngẽma churaragü i chixexü̃ tamaxã ügüxü̃.

Danié 8:27

Rü choma i Danié rü chaugüca̱x changearü poraã̱x ga yexguma. Rü ñuxre ga ngunexü̃ chida̱xawe. Rü yemawena ícharüda rü wenaxarü chanaxü ga guma nachixü̃anearü ãẽ̱xgacü nagu choxü̃ muxü̃ ga puracü. Natürü ga choma rü poraãcü naxca̱x chaxoegaãxẽ ga yema chaunegüwa nüxü̃ chadauxü̃, yerü tama nüxü̃ chacua̱xéga nax ta̱xacüchiga yixĩxü̃.

Danié 7:1

Rü wüxi ga chütaxü̃ ga yexguma marü wüxi ga taunecü Babiróniaanewa ãẽ̱xgacü yixĩxgu ga Berchachá, rü Danié rü naxãnegü rü nango̱xetü. Rü yexguma naba̱i̱xãchigu rü nanaxümatü ga yema nagu naxãnegüxü̃. Rü ñaa nixĩ ga yema naxümatüxü̃:

Danié 4:5

Natürü wüxi ga chütaxü̃gu ga yexguma marü chapexgu rü chaxãnegü. Rü namaxã chaba̱i̱xãchi ga yema nagu chaxãnegüxü̃ yerü yema chaunegüwa nüxü̃ chadauxü̃ rü naxãũcümaxü̃chi, rü yemaca̱x poraãcü chamuü̃.

Danié 2:3

Rü nüma ga ãẽ̱xgacü rü ñanagürü: —Ngewa̱x rü chaxãnegü rü ngẽmaca̱x poraãcü chaxoegaãxẽ. Rü nüxü̃ chacuáxchaü̃ nax ta̱xacüchiga yixĩxü̃ i ngẽma —ñanagürü.

Danié 2:1

Rü yexguma taxre ga taunecü marü ãẽ̱xgacü yixĩxgu ga Nabucudonochó rü ñuxree̱xpü̱xcüna naxãnegü. Rü yemaca̱x naxoegaãxẽ rü taguma mea na̱xcha̱xwa nape.

Yeremía 17:16

Natürü i choma rü tama cuxna naxca̱x chaca nax curü duü̃xü̃güca̱x ícunanguxẽẽxü̃ i wüxi i taxü̃ i guxchaxü̃, rü bai nax chanaxwa̱xexü̃ nax guxchaxü̃gü naxca̱x íngugüxü̃. Cuma rü meama nüxü̃ cucua̱x ga yema nüxü̃ chixuxü̃, yerü cupe̱xewa nixĩ ga nüxü̃ chixuxü̃ ga yema.

Naanearü ügüchiga 41:8

Rü moxü̃ãcü ga pa̱xmama rü poraãcü naxoegaãxẽ naxca̱x ga yema nanegü. Rü naxca̱x nangema ga guxü̃ma ga yema iyuüxü̃ rü duü̃xü̃gü ga nüxü̃ cua̱xüchigüxü̃ ga Equítuanecüã̱x. Rü nüma ga Faraóü̃ rü namaxã nüxü̃ nixu ga nanegü. Natürü taxuxü̃ma ga yema yuüexü̃ nüxü̃ nacua̱x nax ta̱xacüchiga yixĩxü̃ ga yema nanegü.

Danié 4:19

Rü yexguma ga nüma ga Danié ga Betachámaxã naxugüãcü rü paxaãchi yexma narüchiane yerü poraãcü namuü̃ naxca̱x ga yema ĩnü ga naãẽwa nguxü̃. Natürü chomax i ãẽ̱xgacü rü ñachagürü nüxü̃: “Pa Betacháx ¡taxṹ i cuxoegaãẽxü̃ naxca̱x i ngẽma chaunegü rü ta̱xacüchiga yixĩxü̃!” ñachagürü. Rü nüma ga Betachá rü nanangãxü̃ rü ñanagürü choxü̃: “Pa Ãẽ̱xgacüx, chierüx guxü̃ma ga yema cunegüwa nüxü̃ cudauxü̃, rü curü uanügüca̱x yixĩxgux.

Danié 8:2

Rü yema chaunegüwa rü Chúchaarü ĩanewa chayexma ga Eráü̃anewa ga natü ga Uráipechinüwa.

Danié 10:16

Rü ngürüãchi wüxi ga naduü̃xü̃raxü̃xü̃ cha̱u̱a̱xgu ningõgü. Rü yexguma chicho rü chidexa rü ñachagürü nüxü̃ ya yema chopexegu chíxü̃: —Pa Chorü Corix, ngẽma nüxü̃ chadauxü̃ rü poraãcü choxü̃ nangechaü̃xẽxẽ rü choxü̃ nangearü poraã̱xẽxẽ.