Biblia Todo Logo
Bib sou entènèt

- Piblisite -




Danié 6:26 - Tupanaarü Ore

26 Rü pemaxã nüxü̃ chixu rü pexü̃ chamu rü guxü̃ma i ñaa naane i chomax namaxã ichacuáxü̃wa rü chanaxwa̱xe i nüxü̃ pengechaü̃ rü nüxü̃ picua̱xüü̃gü ya yimá Daniéarü Tupana. Erü yimá Tupana rü maxü̃cü nixĩ, rü guxü̃guma nangẽxmaecha. Rü ngẽma nüma nax ãẽ̱xgacü yixĩxü̃ rü taguma inarüxo, rü ngẽma norü pora rü taguma inayagu̱x.

Gade chapit la Kopi




Danié 6:26
39 Referans Kwoze  

—Rü yexguma marü yanguxgu ga gumá 7 ga taunecü nax Tupana choxü̃ poxcuxü̃, rü choma ga Nabucudonochó rü dauxü̃gu chadawenü rü nüxü̃ chicua̱xãchi nax cha̱u̱xca̱x mea yataanexü̃ nawa ga nax chaxãũãẽxü̃. Rü ñu̱xũchi mexü̃ nachigaxü̃ chixu ya yimá Tupana ya Guxãétüwa Ngẽxmacü ya guxü̃guma maxü̃cü. Rü ñaa dexamaxã nüxü̃ chicua̱xüxü̃ rü ñachagürü: “Pa Tupanax, curü pora rü taguma inayacua̱x rü cuma rü guxü̃gutáma ãẽ̱xgacü quixĩ.


Rü nüma rü guxü̃gutáma Acóbutanüxü̃arü ãẽ̱xgacü nixĩ. Rü tagutáma ínanguxuchi nax norü ãẽ̱xgacü yixĩxü̃ —ñanagürü.


Rü nüma ga guma Ãẽ̱xgacü rü namaxã nataãxẽ rü pora nüxna naxã nax ñoma i naanemaxã inacuáxü̃ca̱x. Rü guxü̃ma i ñoma i naanecüã̱x i duü̃xü̃gü i to i nagawa idexagüchigüxü̃ rü tá nüxü̃ nicua̱xü̃gü. Rü nüma rü guxü̃guma Ãẽ̱xgacü nixĩ rü tagutáma inayacua̱x nax Ãẽ̱xgacü yixĩxü̃.


Rü nataxüchi i ngẽma mexü̃gü i norü poramaxã naxüxü̃ rü ngẽma cua̱xruü̃gü i tüxü̃ nawéxü̃. Rü nüma rü guxü̃guma ãẽ̱xgacü nixĩ, rü ngẽma norü pora rü tataagüwa ninguchigü.


Rü ngẽmaca̱x i ñu̱xma rü chanaxunagü rü ngexerüxüxe ya duü̃xẽ ya nachiga chixri idexaxe ya norü Tupana i ñaa tomaepü̱x i ngextü̱xüxü̃gü rü noxtacüma ãgümücügu tá tüxü̃ tarüchexte, rü tümapata rü tá nagu napogü rü natüchixica tá ngéma ninuagü. Rü nüetama ega woo ngexnerüxünemare ya ĩanecüã̱x tixĩxgu, rü ngexü̃rüüxü̃ i nachixü̃anecüã̱x tixĩxgu, rü ngexü̃rüüxü̃ i nagawa tidexagux. Erü nataxuma i to i tupana i ngẽmaãcü norü duü̃xü̃güxü̃ ípoxü̃xü̃ —ñanagürü.


Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.


Rü nüma ya Cori ya Tupana rü pucümaxã inacua̱x. Rü guxü̃guma guxarü ãẽ̱xgacü nixĩ.


¡Rü taãxẽãcü rü nüxü̃ pengechaü̃güãcü nüxü̃ picua̱xüxü̃gü ya Cori ya Tupana! ¡Rü nüxü̃ pemuü̃eãcüma nape̱xegu pecaxã́pü̱xügü, rü naga pexĩnüe nax tama pemaxã nanuxü̃ca̱x, rü ngẽmaãcü namagu peyuexü̃ca̱x! Erü ngürüãchi tá nanu rü tá pexü̃ nadai. Natürü tataãxẽgü ya yíxema naxme̱xwa tügü ngẽxmaxẽẽgüxe.


Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.


Rü noxri ga Tupana rü yema duü̃xü̃gü ga tama Yudíugü ixĩgüxü̃maxã nüxü̃ nixu, rü ñanagürü nüxü̃: ‘Pema rü tama chorü duü̃xü̃gü pixĩgü’, ñanagürü nüxü̃. Natürü yematama nachica ga ngextá nüxü̃ íyemañaxü̃wa, rü wenaxarü yema duü̃xü̃gü ga tama Yudíugü ixĩgüxü̃maxã nidexa ga Tupana ya Maxẽxẽẽruxü̃, rü ñanagürü nüxü̃: ‘Pema rü chauxacügü tá pixĩgü’, ñanagürü nüxü̃”. Rü yema nixĩ ga Tupanaarü ore ga Ochéa ümatüxü̃.


Rü ñanagürü: —Choma nixĩ ya Cori ya Tupana chixĩxü̃. Rü taguma naxüchicüxü i chorü uneta. Rü ngẽmaca̱x i pemax, Pa Acóbutanüxü̃x, rü tama iperüxo.


Natürü wüxi i ngunexü̃gu i ngẽma Iraétanüxü̃ rü tá namuxũchi ñoma naxnecü i márpechinüwa ngẽxmacürüxü̃. Rü ngẽmaca̱x taxucürüwa texé tayaxugü nax ñuxre yixĩxü̃. Rü woo noxri pemaxã nüxü̃ chixu nax tama chorü duü̃xü̃gü pixĩgüxü̃, natürü wüxi i ngunexü̃ rü choma ya Tupana ya Maxü̃cü tá pemaxã nüxü̃ chixu nax chorü duü̃xü̃gü pixĩgüxü̃.


Rü nüma ya Tupana ya Guxãétüwa Ngẽxmacü rü tá norü duü̃xü̃güna nanaxã i pora nax guxü̃ma i ñoma i naanemaxã inacua̱xgüxü̃ca̱x. Rü ñoma i naanecüã̱x i duü̃xü̃gü rü norü ãẽ̱xgacügü rü tá nüxü̃ nicua̱xüü̃gü. Rü guxü̃ma i duü̃xü̃gü i ñoma i naanewa maxẽxü̃ rü guxü̃gutáma Tupanaarü duü̃xü̃güme̱xẽwa tá nangẽxmagü rü tá naga naxĩnüxẽ”, ñanagürü.


Natürü, Pa Corix, cuma nixĩ ya aixcüma Tupana ixĩcü. Rü cuma nixĩ ya Tupana ya Maxü̃cü ya guxü̃guma ãẽ̱xgacü quixĩxü̃. Rü ngẽxguma cunuxgu rü nidu̱xru i ñoma i naane. Rü ngẽma nachixü̃anecüã̱xgü rü tama namaxã naporae ega cunuxgu —ñanagürü.


Rü yema ãgümücü ga daxũcüã̱x ga maxẽxü̃ rü ñanagürügü: “Ngẽmaãcü yixĩ”, ñanagürügü. Rü yema 24 ga ãẽ̱xgacügü rü inacaxã́pü̱xügü rü nüxü̃ nicua̱xüü̃gü.


Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.


Erü tórü Tupana, rü wüxi ya üxü ya guxü̃ma ixaxẽẽcü nixĩ.


¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.


Rü yexguma nüma ga ãẽ̱xgacü marü ngaicamana nanguxgu rü nangechaü̃gaãcü Daniéna naca rü ñanagürü: —¿Pa Danié ya Tupana ya Maxü̃cüarü Duü̃xü̃x, rü yimá curü Tupana ya aixcümama naxca̱x cumaxü̃cü rü marü cuxü̃ ínapoxü̃xü̃ natanüwa i ngẽma leóü̃gü? —ñanagürü.


Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.


Pa Chióü̃x, rü nüma ya Cori ya Tupana rü guxü̃gutáma ãẽ̱xgacü nixĩ. Rü yimá curü Tupana rü gucü ya taunecügu rü tá pemaxã inacua̱x. ¡Rü ngĩxã nüxü̃ ticua̱xüü̃gü ya Cori ya Tupana!


Rü cupe̱xewa i choma rü chorü muü̃maxã chidu̱xrux rü aixcüma nagu chixũxchaü̃ i ngẽma curü mugü. -16-


Rü choma i curü duü̃xü̃, Pa Ãẽ̱xgacüx, rü woo leóü̃ yixĩxgu rüe̱xna osu i düraxü̃ yixĩxgu rü chayama̱x. Rü ñaa Firitéu i tama Tupanaxü̃ cuáxü̃ rü ngẽmaãcü tá namaxã chanaxü, erü Tupana ya Maxü̃cüarü churaragüxü̃ naxãũxũne.


Rü yexguma ga Dabí rü yema naxü̃tawa yexmagüxü̃na naca rü ñanagürü: —¿Ta̱xacümaxã tá nüxü̃́ naxãtanü ya yimá yatü ya ñaa Firitéuxü̃ imácü rü naxoxẽẽcü nax ngẽma Iraéanecüã̱xgümaxã ta̱xacü nax yaxugüxü̃? ¿Erü ta̱xacü nixĩ i ñaa Firitéu i tama Tupanaxü̃ cuáxü̃ rü ngẽmaca̱x Tupana ya Maxü̃cüarü churaragüxü̃ naxãũxũnexü̃? —ñanagürü.


¿Rü ta̱xacürü yatü rü tama nayu ega nüxü̃ naxĩnügu i naga ya Tupana ya Maxü̃cü i ngẽxguma üxüemaarü ngãxü̃wa yadexaxgu ngẽma toma nüxü̃ taxĩnüexü̃rüxü̃?


Yerü nümagütama ga yema duü̃xü̃gü rü marü nüxü̃ nixugügü nax mea toxü̃ peyauxgüxü̃ ga yexguma petanüwa taxĩxgu. Rü nüxü̃ nixugügü nax nüxü̃ perüxoexü̃ ga perü tupananetachicüna̱xãgü nax Tupanaxü̃chi ya maxü̃cü rü ixaixcümacüwe perüxĩxü̃ca̱x nax nüxü̃́ pepuracüexü̃ca̱x.


Rü nüma ya Tupana rü taxuca̱xma nanaxwa̱xe i texéarü ngü̃xẽxẽ erü taxuxü̃ma nüxü̃́ nataxu. Rü nüma nixĩ i guxãna naxããxü̃ i maxü̃, rü buanecü ya namaxã ingü̃ãtanücüücü rü guxü̃ma i ta̱xacü i togü ñu̱xma ngẽxmagüxü̃.


Natürü pemaxã tá nüxü̃ chixu nax texéxü̃ penaxwa̱xexü̃ nax pemuü̃exü̃. Rü name i nüxü̃ pemuü̃e ya Tupana, erü nüma nüxü̃́ nangẽxma i pora nax yamáaxü̃ i pexene, rü nawena nax pepoxcueãxü̃ nagu ya yimá üxü ya taguma ixoxü̃ne. ¡Rü yimá Tupanaxü̃ tá nixĩ i pemuü̃exü̃!


¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.


Rü ngẽmaca̱x i guxãma i pema ya Iraéanecüã̱xgü ixĩgüxe, rü name nixĩ nax Yudáanewa ngẽxmane ya ĩane ya Yerucharéü̃ca̱x pewoeguxü̃ nax wena penaxügüxü̃ca̱x ya napata ya taxü̃ne ya yimá perü Tupana. Rü nüma tá pexü̃́ nanatauxchaxẽxẽ nawa i ngẽma puracü.


Rü pemax, Pa Ãẽ̱xgacügüx i Taxtü i Eufrátearü Oéstewaama Ngẽxmagüxe i Diẽrumaxã Icua̱xgüxex, rü choma i Pérchiaanearü ãẽ̱xgacü i Artayére rü pexca̱x chayamupane i ñaa mugü: “¡Rü nüxna penaxã i guxü̃ma i ta̱xacü i pexü̃tawa naxca̱x ínaca̱xü̃ ya yimá chacherdóte ya ngu̱xẽẽtaeruxü̃ ya Édra i meama Tupana ya daxũcüã̱xarü mugüxü̃ cuácü!


Rü choxü̃́ nangúchaü̃ nax namaxã chaxãmücüxü̃ ya Tupana ya maxü̃arü yora. ¿Rü ñuxgu tá napatawa chaxũxü̃ nax ngéma nape̱xewa changexmaxü̃ca̱x?


Swiv nou:

Piblisite


Piblisite