Danié 6:25 - Tupanaarü Ore

²⁵ Rü yexguma ga nüma ga ãẽ̱xgacü ga Daríu rü wüxi ga popera naxümatü naxca̱x ga guxü̃ma ga nachixü̃anecüã̱xgü rü ngẽma to ga nagawa idexagüxü̃ ga duü̃xü̃gü. Rü yema poperawa rü nüma ga ãẽ̱xgacü rü ñanagürü: —Chanaxwa̱xe nax petaãẽgüxü̃ rü mea pexü̃ nangupetüxü̃.

Danié 6:25 Referans Kwoze

Danié 4:1

—Choma i ãẽ̱xgacü i Nabucudonochó rü taãẽãcüma pexü̃ charümoxẽ, Pa Guxü̃ma i Nachixü̃anecüã̱xgü i Ñoma i Naanewa Maxẽxü̃ rü To i Nagawa Idexagüxü̃x. Rü chanaxwa̱xe i mea pexü̃ nangupetü.

Nüxíraxü̃xü̃ ga popera ga Pedru ümatüxü̃ 1:2

Rü pexü̃ nixĩ ga nadexü̃ ga Tanatü ya Tupana, yerü woetama yema nixĩ ga nũxcümaxü̃chima nagu naxĩnüxü̃. Rü nüma ya Tupana rü Naãxẽ ya Üünecümaxã pexü̃ nimexẽẽgü nax nape̱xewa pixüünegüxü̃ca̱x rü Ngechuchu ya Cristuga nax pexĩnüexü̃ca̱x rü nagümaxã nax piyauxgüxü̃ca̱x nax nataxuxü̃ca̱x i perü chixexü̃gü. Rü chanaxwa̱xe i Tanatü ya Tupana poraãcü pexü̃ narüngü̃xẽxẽ rü pexü̃ nataãẽgüxẽxẽ.

Ester 8:9

Rü yexgumatama naxca̱x nangema ga ãẽ̱xgacüarü poperaarü ümatüruü̃gü. Rü yema ngunexü̃ ga nagu naxümatüxü̃ rü meama norü tomaepü̱x ga tauemacü ga Sibáü̃gu ãégacüarü 23 ga ngunexü̃gu nixĩ. Rü Maduquéu rü yema poperaarü ümatüruü̃gümaxã nüxü̃ nixu nax ñuxãcü tá naxümatügüãxü̃ naxca̱x ga Yudíugü, rü naxca̱x ga wüxichigü ga ãẽ̱xgacü ga namaxã icua̱xgüxü̃ ga yema 127 ga Achuéruchixü̃anegü ga Índiaanewa ixügüxü̃ rü ñu̱xmata Etiopíaanewa nangu. Rü yema mupane rü wüxichigü ga nagawachigü naxümatü. Rü Yudíugügawa rü ta naxümatü.

Ester 3:12

Rü gumá taunecüarü nüxíraü̃cü ga tauemacüarü 13 ga ngunexü̃gu rü nüma ga Amáü̃ rü nanangutaque̱xexẽxẽ ga ãẽ̱xgacüarü poperaarü ümatüruü̃gü. Rü namaxã nüxü̃ nixu nax naxümatügüãxü̃ca̱x ga wüxi ga mu naxca̱x ga guxü̃ma ga ãẽ̱xgacügü ga namaxã icuáxü̃ ga yema 127 ga nachixü̃anegü ga Achuérume̱xẽwa yexmagüxü̃. Rü wüxichigü ga yema nachixü̃anecüã̱xgügawa naxümatü ga yema mu, rü ãẽ̱xgacüéga nagu naxü rü norü ãneraéga nawa nango̱x.

Édra 4:17

Rü yexguma ãẽ̱xgacü ga Artayére nayaxugu ga yema popera, rü nanangãxü̃ rü ñanagürü: —Pa Ãẽ̱xgacüx, Pa Reúü̃x, rü Pa Poperaarü Ümatüruxü̃ ya Chimchái, rü pexü̃ charümoxẽ. Rü ngẽxgumarüxü̃ ta nüxü̃ charümoxẽ i pemücügü i Chamáriawa ngẽxmagüxü̃ rü guxü̃ma i pemücügü i taxtü i Eufrátearü oéstewa ngẽxmagüxü̃.

Popera ga Yúda ümatüxü̃ 1:2

Rü chanaxwaxe i guxü̃guma Tupanaaxü̃́ pengechaü̃tümüxü̃gü, rü pexü̃ nataãẽxẽẽgü, rü pexü̃ nangechaü̃gü.

Norü taxre ga popera ga Pedru ümatüxü̃ 1:2

Rü ñu̱xma nax Tanatü ya Tupanaxü̃ pecuáxü̃ rü tórü Cori ya Ngechuchuxü̃ pecuáxü̃, rü chanaxwa̱xe i yexera pemaxã namecüma rü pexna nanaxã i taãxẽ.

Danié 3:4

Rü yema namaxã icuáxü̃ ga yema ãxü̃chichigaarü ügü rü tagaãcü duü̃xü̃güxü̃ ñanagürü: —¡Iperüxĩnüe Pa Duü̃xü̃gü i Guxü̃ i ĩanecüã̱xgü, rü Guxü̃ i Nachixü̃anecüã̱xgü, rü Guxãma i Pemax i To i Nagawa Idexagüchigüxex!

Ester 7:10

Rü nüma ga ãẽ̱xgacüarü duü̃xü̃gü rü yema nümatama ga Amáü̃ Maduquéuca̱x naxüxü̃ ga wẽxnaxãchicagu nanawẽxnaxãgü. Rü yexguma narüngüxmü ga ãẽ̱xgacü.

Wiyaegü 7:15

Rü nüma rü togueca̱x nanaxü i wüxi i ãxmaxü̃ i ma̱xmaxü̃ nax nagu tingucuchixü̃ca̱x, natürü nüma tátama nixĩ i nagu yangucuchixü̃.

Wiyaegü 9:16

Rü nüma ya Cori ya Tupana rü nügü inawe̱x nax ãẽ̱xgacü ya aixcümacü yaxĩxü̃ rü tümaétüwa naxǘ ya yíxema mexü̃ üxe. Natürü nanangexrü i ngẽma chixexü̃ üxü̃ rü ngẽmaca̱x nagu tá nangu ya yima yüta ya nümatama naxüxü̃ne.

Ucu̱xẽgüchiga 11:8

Rü yíxema mexü̃gu rüxĩnüxe rü Tupana rü tüxü̃ ínanguxuchixẽxẽ nawa i guxchaxü̃gü. Natürü ngẽma chixexü̃gu rüxĩnüxü̃ rü guxchaxü̃ naxca̱x ínangu.