Danié 6:23 - Tupanaarü Ore

²³ Rü yexguma ga nüma ga ãẽ̱xgacü rü poraãcü nataãxẽ rü norü duü̃xü̃güxü̃ namu nax Daniéxü̃ ínamuxũchigüxü̃ca̱x leóü̃tanüwa. Rü yexguma marü ínanguxuchigu ga Danié, rü nüxü̃ nadaugü ga taxuwama nax napíxü̃ yerü aixcümama norü Tupanaaxü̃́ nayaxõ.

Danié 6:23 Referans Kwoze

Danié 3:25

Rü ñu̱xũchi ga nüma ga ãẽ̱xgacü rü ñanagürü: —Natürü ngéma nüxü̃ chadau i ãgümücü i yatü iwẽgüxü̃ i üxüxétügu ixĩĩĩxü̃ rü taxuxü̃ma nüxü̃ ngupetüxü̃. Rü ngẽma norü ãgümücü i yatü rü nanadauxü̃cüã̱xraxü̃ —ñanagürü.

Ore i mexü̃ ga Márcu ümatüxü̃ 9:23

Rü yexguma ga Ngechuchu rü ñanagürü nüxü̃: —¿Rü tü̱xcüü̃ “ega chomaxã nanguü̃xgu”, ñacurügü? Erü guxü̃ma natauxcha tümaca̱x ya yíxema yaxṍxe —ñanagürü.

Danié 6:18

Rü yemawena rü nüma ga ãẽ̱xgacü rü napatawa naxũ rü tama nachibüãcüma nayape. Rü yema aixrügumaãcü naxüxü̃ ga norü taãxẽ rü marü tama nanaxü. Rü naétü ga yema chütaxü̃ rü tama yéma napexchaü̃.

Ichaía 26:3

Rü cumax, Pa Corix, rü tüxü̃ curüngü̃xmügüxẽxẽ ya yíxema mexü̃ i tümacüma tüxü̃́ ngẽxmaxe rü cuxna rüyoü̃xẽ.

Ucu̱xẽgüchiga 18:10

Naéga ya Cori ya Tupana, rü wüxi i poxü̃ruxü̃ i poraxü̃ nixĩ. Rü ngẽmaca̱x ngẽma mexü̃gu maxü̃xü̃ i duü̃xü̃, rü naxca̱x nixũ nax naxü̃tagu nügü yanacúxü̃ca̱x.

Wiyaegü 37:40

Rü nüma ya Cori ya Tupana rü nüxü̃ narüngü̃xẽxẽ nax tama ngẽma chixexü̃ i duü̃xü̃güme̱xẽgu nayi̱xixü̃ca̱x. Erü Tupanana naxca̱x ínaca i norü ngü̃xẽxẽ nax ínapoxü̃ãxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 20:20

Rü moxü̃ãcü ga pa̱xmamaxü̃chi ínarüdagü rü nügü namexẽẽgü nax yema naxnücüane ga Tecoáwaama naxĩxü̃ca̱x. Rü yexguma Yerucharéü̃wa inaxĩãchigu, rü nüma ga Yochapáx rü inachi rü ñanagürü: —¡Choxü̃́ iperüxĩnüe ya guxãma ya Yerucharéü̃cüã̱x rü Yudáanecüã̱x! ¡Rü nüxü̃́ peyaxõ ya tórü Tupana rü ngẽma norü orearü uruü̃gügu! Rü ngẽmaãcü taxũtáma ta̱xacü tüxü̃ nangupetü rü guxü̃táma rü mea tá ínanguxuchi —ñanagürü ga Yochapáx.

Popera ga Yudíugü ga yaxõgüxü̃ca̱x ümatüxü̃ 11:33

Rü yema nax yaxõgüãxü̃ca̱x nixĩ ga Tupana nüxü̃ rüngü̃xẽẽxü̃. Rü yemaacü to ga nachixü̃anegüarü ãẽ̱xgacügüxü̃ naporamaegüxü̃, rü meama norü duü̃xü̃gümaxã inacua̱xgü, rü nanayauxgü ga yema Tupana namaxã ixunetaxü̃. Rü yexguma leóü̃tanügu yata̱xcuchigüãgu, rü taxuxü̃ma namaxã naxü ga leóü̃gü yerü Tupana nayachotaa̱xgü ga yema leóü̃gü.

Danié 6:14

Rü yemaxü̃ naxĩnügu ga ãẽ̱xgacü rü poraãcü nangechaü̃ rü naguxü̃raxü̃ãcü naxca̱x nadau nax ñuxãcü Daniéxü̃ ínanguxuchixẽẽxü̃ rü ñu̱xmata yanaxücumare ga üa̱xcü.

Nüxíraxü̃xü̃ ga popera ga ãẽ̱xgacügüchiga 5:7

Rü nüma ga Iráü̃ rü nataãẽxüchi namaxã ga yema dexa ga Charomóü̃ yéma muxü̃, rü ñanagürü: —Tupanaxü̃ chicua̱xüxü̃, erü Dabína nanamu ga wüxi ya nane ya nüxü̃ cuácü nax ãẽ̱xgacü nax yixĩxü̃ca̱x i Iraéanecüã̱xgüchixü̃anewa —ñanagürü.

Ínachoxü̃xü̃chiga 18:9

Rü nüma ga na̱xtü ga Yetrú rü nataãxẽ yerü ga Tupana rü Iraétanüxü̃maxã namecüma rü Equítuanecüã̱xgüme̱xẽwa Iraétanüxü̃xü̃ ínanguxü̃xẽxẽ.

Danié 3:17

Rü yimá torü Tupana ya nüxü̃ ticua̱xüü̃gücü rü nüxü̃́ natauxcha nax toxü̃ ínanguxü̃xẽxẽxü̃ nawa ya yima üxü rü nawa i guxü̃ma i ngẽma poxcu i tomaxã cuxueguxü̃, Pa Ãẽ̱xgacüx.

Wiyaegü 18:21

Yerü choma rü nagu chixũ i ngẽma Cori naxwa̱xexü̃. Rü taguma chixexü̃ chaxü rü taguma nüxü̃ chaxo ya Tupana.