Danié 6:18 - Tupanaarü Ore

¹⁸ Rü yemawena rü nüma ga ãẽ̱xgacü rü napatawa naxũ rü tama nachibüãcüma nayape. Rü yema aixrügumaãcü naxüxü̃ ga norü taãxẽ rü marü tama nanaxü. Rü naétü ga yema chütaxü̃ rü tama yéma napexchaü̃.

Danié 6:18 Referans Kwoze

Danié 2:1

Rü yexguma taxre ga taunecü marü ãẽ̱xgacü yixĩxgu ga Nabucudonochó rü ñuxree̱xpü̱xcüna naxãnegü. Rü yemaca̱x naxoegaãxẽ rü taguma mea na̱xcha̱xwa nape.

Ester 6:1

Rü yema chütaxü̃gu ga ãẽ̱xgacü rü tama nape rü inadauecha. Rü yemaca̱x naxca̱x nangema ga yema napane ga nagu naxümatüxü̃ ga guxü̃ma ga yema ãẽ̱xgacü üxü̃ nax naxca̱x nüxü̃ nadaumatügüxü̃ca̱x.

Wiyaegü 77:4

Rü cumax, Pa Tupanax, rü tama choxü̃ cuyaxtaxẽxẽ. Rü ngẽma nax poraãcü chanaxĩ̱xãchiãẽxü̃ rü taxucürüwa chidexa.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:22

Rü tagutáma wena curü namagüwa texé nüxü̃ taxĩnü i paxetaruü̃gü i árpagü rü quenagü rü cornétagü. Rü ngẽxgumarüxü̃ ta cuwa nataxutáma i puracütanüxü̃ i ta̱xacüwa puracüexü̃, rü tagutáma texé cuwa nüxü̃ taxĩnü nax namaxã ínapuracüexü̃ ya yimá nuta ya tríguarü caruxü̃.

Ngu̱xẽẽtaeruü̃arü ore 2:8

Rü chananutaque̱xe ga muxü̃ma ga úiru rü diẽrumü ga noxri togü ga nachixü̃anegüarü ãẽ̱xgacügüxü̃tawa rü chorü ĩanegüwa chayaxuxü̃. Rü choxü̃́ nayexma ga duü̃xü̃gü ga iyatüxü̃ rü ngexü̃ ga cha̱u̱xca̱x wiyaegüxü̃. Rü yemaacü chorü ngúchaü̃ chaxü. Rü choxü̃́ nayexma ga muxü̃ma ga ngexü̃gü ga namaxã chaxarüã̱xmaregüxü̃.

Wiyaegü 137:2

Rü Babiróniaanearü naixtanügu tanachogü ga torü paxetaruü̃gü ga árpagü.

Yox 21:12

Rü nanegü rü taãẽxãcü narüyuxtanüxü̃, rü iniyüxe árpagagu rü tutugagu rü wowerugagu.

Nüxíraxü̃xü̃ ga popera ga ãẽ̱xgacügüchiga 21:27

Rü yexguma yema Ería namaxã nüxü̃ ixuxü̃xü̃ naxĩnügu ga Acáx rü nügüchirugu nagáugü. Rü témüxü̃ ga naxchirugu nicu̱x rü tama nachibü. Rü yema témüxü̃ ga naxchirumaxã napeexü̃ rü nangechaü̃ãcüma inarüxũũxü̃.

2 Chamué 19:24

Rü yexgumarüxü̃ ta inaxũãchi ga Mepi-bóchex ga Chaú nataxa nax Dabíxü̃ íyadauxü̃ca̱x. Rü nüma ga Mepi-bóchex rü yexguma Dabí Yerucharéü̃wa ixũxgucürüwa rü ñu̱xmata mea wenaxarü nataegu rü taguma nügü naya̱u̱xcutü rü taguma nügü naya̱u̱xchiru rü taguma nügü nidüchinagu. Natürü yexguma Yerucharéü̃wa nanguxgu nax Dabíxü̃ namoxẽxü̃ca̱x rü nüma ga Dabí rü nüxna naca rü ñanagürü: —¿Tü̱xcüü̃ tama chowe curüxũ ga yexguma íchaxũxü̃gu, Pa Mepi-bóchex? —ñanagürü.

Danié 6:19

Rü yexguma noxritama yangunegu ga moxü̃ãcü rü ínarüda rü paxa yema leóü̃gü ímugüxü̃wa naxũ.

Danié 10:3

Rü tama chanangõ̱x ga maixcuraxü̃, rü tama chanangõ̱x ga namachi, rü tama chayaxaxü ga bínu, rü tama chaugü chamexẽxẽ ñu̱xmata yema tomaepü̱x ga yüxü ngupetügu.

Auxexü̃chiga 3:53

Rü wüxi ga ãchiü̃xü̃maxü̃gu choxü̃ nita̱xcuchigü. Rü wüxi ga nutamaxã choxü̃ narüxütaü̃gü.