Danié 6:16 - Tupanaarü Ore

¹⁶ Rü yexguma ga nüma ga ãẽ̱xgacü rü norü duü̃xü̃güxü̃ namu nax Daniéxü̃ yagagüxü̃ca̱x rü leóü̃tanügu yata̱xcuchigüãxü̃ca̱x. Rü nüma ga ãẽ̱xgacü rü ñanagürü Daniéxü̃: —¡Yimá curü Tupana ya aixcümama naxca̱x cumaxü̃cü cuxü̃ ípoxü̃! —ñanagürü.

Danié 6:16 Referans Kwoze

Yox 5:19

Nüma rü 6 i guxchaxü̃wa tá cuxü̃ ínanguxuchixẽxẽ, rü ngẽma norü 7 i guxchaxü̃ rü marü taxũtáma cuxna nangu.

Danié 3:28

Rü yexgumatama ga nüma ga Nabucudonochó rü ñanagürü: —¡Ngĩxã nüxü̃ ticua̱xüü̃gü ya norü Tupana i Chadrá rü Mechá rü Abex-negó ya núma namucü i ngẽma dauxü̃cüã̱x nax íyapoxü̃ãxü̃ca̱x i norü duü̃xü̃gü i tama ãẽ̱xgacüga ĩnüechaü̃xü̃! Yerü yema tomaepü̱xca̱x rü narümemae nax nayuexü̃ naxü̃pa nax togümare ga tupanaxü̃ yacua̱xüü̃güxü̃.

Ichaía 43:2

Rü ngẽxguma guxchaxü̃wa pechopetügu ñoma dexá i mátamaxü̃wa pichoü̃gurüxü̃, rü choma rü tá chapetanügu. Rü ngẽxguma ãũcümaxü̃wa pengẽxmagügu ñoma wüxi i natü i poraxü̃chíüxü̃wa pichoü̃gurüxü̃ rü taxũtáma ngẽxma peyi. Rü ngẽxguma taxü̃ i guxchaxü̃wa pechopetügu rü ñoma wüxi i üxüétüwa pechopetügurüxü̃ pixĩgü, rü taxũtáma pixae rü yima üxü rü taxũtáma niyauxra i petanüwa.

2 Chamué 3:39

Rü ngẽmaca̱x i choma rü woo Tupana choxü̃ unetaxü̃ nax ãẽ̱xgacü chixĩxü̃ rü chaugü chacua̱x nax chaturaxü̃ nape̱xewa i ngẽma taxü̃ i chixexü̃ i naxüexü̃ i Cheruiá nanegü i tama chauga ĩnüexü̃. ¡Rü Cori ya Tupana tüxna naxã i tümaarü poxcu ya yíxema ñaa chixexü̃ üxe! —ñanagürü.

Danié 3:17

Rü yimá torü Tupana ya nüxü̃ ticua̱xüü̃gücü rü nüxü̃́ natauxcha nax toxü̃ ínanguxü̃xẽxẽxü̃ nawa ya yima üxü rü nawa i guxü̃ma i ngẽma poxcu i tomaxã cuxueguxü̃, Pa Ãẽ̱xgacüx.

Danié 6:20

Rü yexguma nüma ga ãẽ̱xgacü marü ngaicamana nanguxgu rü nangechaü̃gaãcü Daniéna naca rü ñanagürü: —¿Pa Danié ya Tupana ya Maxü̃cüarü Duü̃xü̃x, rü yimá curü Tupana ya aixcümama naxca̱x cumaxü̃cü rü marü cuxü̃ ínapoxü̃xü̃ natanüwa i ngẽma leóü̃gü? —ñanagürü.

Ngechuchuarü ngúexü̃gü ga yamugüxü̃arü puracüchiga 25:11

Ngẽxguma chi aixcüma chixexü̃ chaxüxgu rü marü name nax naxca̱x choxü̃ yama̱xgüxü̃, rü tama chaugü chinuxü̃ nax chayuxü̃. Natürü ngẽxguma nataxuxguma i ta̱xacü i aixcüma ixĩxü̃ i ngẽma naxca̱x choxü̃ ínaxuaxü̃güxü̃, rü taxuacüma texé Yudíugüna choxü̃ tamu. Rü naxca̱x íchaca nax nümatama ya Rómaarü ãẽ̱xgacü ya Chécharu choxna naca̱xaxü̃ca̱x —ñanagürü ga Pauru.

Ucu̱xẽgüchiga 29:25

Ngẽxguma duü̃xü̃güxü̃ cumuü̃gu rü cugünatama guxchaxü̃ cuxã. Natürü texé ya Tupanaga ĩnüxe, rü nüma ya Tupana tüxna nadau.

Romanos 13:3

Erü ngẽma ãẽ̱xgacügü rü tama ngẽma mexü̃ ügüxü̃arü poxcuruxü̃ nixĩ, natürü ngẽma chixexü̃ ügüxü̃arü poxcuruxü̃ nixĩ. Rü ngẽxguma cunaxwa̱xegu nax tama nüxü̃ cumuü̃xü̃ i wüxi i ãẽ̱xgacü, rü name nixĩ i mea cumaxü̃. Rü nüma i ãẽ̱xgacü rü tá cumaxã nataãxẽ.

Danié 6:7

Rü guxü̃ma i toma i ãẽ̱xgacügü i cutüü̃wa namaxã icua̱xgüe i ñaa nachixü̃ane rü tangutaque̱xegü. Rü ngẽma ngutaque̱xewa nagu tarüxĩnüe nax cumax, Pa Ãẽ̱xgacüx, rü cunaxunagüxü̃ i wüxi i mu nax ngẽmaãcü 30 i ngunexü̃gu nachu̱xuxü̃ nax texé ta̱xacürü tupanana rüe̱xna yatüna ngü̃xẽẽca̱x taca̱xaxü̃, rü cuxnaxicatama name nax taca̱xaxü̃. Rü texé ya tama naga ĩnüxe i ngẽma mu rü tá leóü̃tanügu tita̱xcuchi.

Danié 3:15

Rü ngẽxguma yacuegüã̱xgu i ngẽma paxetaruü̃gü ¿rü pemax rü ípememarexü̃ nax nape̱xegu pecaxã́pü̱xügüxü̃ rü nüxü̃ picua̱xüxü̃güxü̃ i ngẽma naxchicüna̱xã i choma duü̃xü̃güxü̃ chaxüxẽxẽxü̃? Erü ngẽxguma taxũtáma ñu̱xmatama nüxü̃ picua̱xüxü̃gügu, rü ngẽma poxcuchicaxü̃ i íya̱u̱xraxü̃gu tá pexü̃ chawocu. ¿Rü ta̱xacürü tupana tá pexü̃ nawa ínanguxü̃xẽxẽ i ngẽma? —ñanagürü.

Yeremía 38:5

Rü nüma ga ãẽ̱xgacü ga Chedequía rü nanangãxü̃ rü ñanagürü: —Marü name nax ngẽma yatümaxã penaxüxü̃ i ngẽma pema penaxwa̱xexü̃. Choma rü taxucürüwa pexna chanachu̱xu i ngẽma —ñanagürü.

Yeremía 26:14

Natürü i choma rü pexme̱xwa changexma. ¡Ẽcü chomaxã penaxü̱x i ngẽma pema nagu perüxĩnüexü̃!

Ngechuchuarü ngúexü̃gü ga yamugüxü̃arü puracüchiga 25:9

Natürü nüma ga Féstu rü Yudíugümaxã nügü namecümaxẽẽchaü̃, rü yemaca̱x Pauruna naca, rü ñanagürü nüxü̃: —¿Cunaxwa̱xexü̃ nax Yerucharéü̃wa cuxũxü̃ nax ngéma cuxna chacaxü̃ca̱x naxca̱x i guxü̃ma i ngẽma naxca̱x cuxü̃ ínaxuaxü̃güxü̃? —ñanagürü.

Ngechuchuarü ngúexü̃gü ga yamugüxü̃arü puracüchiga 24:27

Rü taxre ga taunecü yemaacü nixĩ. Rü ínanguxuchi ga Férix nax ãẽ̱xgacü yixĩxü̃, rü nachicüü ningucuchi ga Pórchiu ga Féstu. Natürü nüma ga Férix, rü Yudíugümaxã nügü namecümaxẽẽchaü̃, rü yemaca̱x tama Pauruxü̃ ínanguxuchixẽẽ.

2 Corintios 1:10

Rü Tupana rü toxü̃ ínanguxü̃xẽxẽ nawa ga yema guxchaxü̃ ga yuwa toxü̃ gagüchaü̃xü̃. Rü ngẽxgumarüxü̃ tá ta toxü̃ ínanguxü̃xẽxẽ nawa i ñaa taxü̃ i guxchaxü̃ i ñu̱xma toxü̃́ ngẽxmaxü̃. Rü aixcüma tayaxõgü nax nüma rü guxü̃gutáma ngẽmaãcü toxü̃ nangü̃xẽẽxü̃.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Yeremía 38:6

Rü yexguma ga nümagü ga norü ngü̃xẽẽruü̃gü rü Yeremíaxü̃ niyauxgü rü wüxi ga ãxmaxü̃ ga dauxü̃taepataã̱xtüwa yexmaxü̃gu nayata̱xcuchigü. Rü yema ãxmaxü̃ rü ãẽ̱xgacü nane ga Maquíaarü nixĩ. Rü wüxi ga napana̱xãmaxã ínanachü̱xüegü. Rü yema ãxmaxü̃ rü nangearü dexáã̱x natürü naxãcharama rü yemaca̱x yéma narüwa̱x ga Yeremía.

Yeremía 39:17

Natürü i choma rü tá cuxü̃ íchapoxü̃ nax tama naxme̱xgu cunguxü̃ca̱x i ngẽma duü̃xü̃gü i nüxü̃ cumuü̃xü̃.