Danié 6:10 - Tupanaarü Ore

¹⁰ Rü yexguma Danié nüxü̃ cua̱xgu nax nüma ga ãẽ̱xgacü rü marü nügü nagu nawǘégaxü̃ ga yema mu, rü napatawa naxũ rü nayawãxna ga norü ucapuarü beü̃tánagü ga Yerucharéü̃ íyexmaxü̃waama ügüxü̃. Rü wüxichigü ga ngunexü̃gu rü tomaepü̱xcüna inacaxã́pü̱xü nax Tupanana moxẽ naxãxü̃ca̱x rü namaxã yadexaxü̃ca̱x aixrügumarüü̃tama.

Danié 6:10 Referans Kwoze

Wiyaegü 55:17

Rü ẽxü̃wa rü tocuchigu rü chütacü rü Tupanaxü̃ chaca̱a̱xü̃, rü nüma rü choxü̃ naxĩnü rü choxü̃ nangãxü̃.

Ngechuchuarü ngúexü̃gü ga yamugüxü̃arü puracüchiga 5:29

Rü Pedru rü wüxigu namücügümaxã nanangãxü̃gü, rü ñanagürügü: —Narümemae nixĩ nax Tupanaga taxĩnüexü̃ rü tama i yatügüga taxĩnüexü̃.

Wiyaegü 95:6

¡Rü nua pexĩ rü ngĩxã nape̱xegu tacaxã́pü̱xügü rü nüxü̃ ticua̱xüxü̃gü ya Cori ya Tupana ya tüxü̃ ücü!

Popera ga Yudíugü ga yaxõgüxü̃ca̱x ümatüxü̃ 13:15

Rü ngẽmaca̱x tanaxwa̱xe ya Ngechuchu ya Cristuégagu guxü̃guma Tupanaxü̃ ticua̱xüü̃gü. Rü ngẽma nax nüxü̃ icua̱xüü̃güxü̃, rü ngẽma nixĩ i ãmare i mexü̃ i nüxna ixãxü̃. ¡Rü ngĩxã taa̱xmaxã nüxü̃ ticua̱xüü̃gü!

Filipenses 4:6

¡Rü taxuca̱xma penaxĩ̱xãchiãẽgü! ¡Rü perü yumüxẽwa Tupanamaxã nüxü̃ pixu i guxü̃ma i ngẽma pexü̃ ngupetüxü̃! ¡Rü naxca̱x ípeca rü moxẽ nüxna pexã!

Wiyaegü 34:1

Rü guxü̃ i oragu rü Cori ya Tupanamaxã tá mexü̃ chaxuegu, rü cha̱u̱a̱xmaxã rü guxü̃gutáma nüxü̃ chicua̱xüxü̃.

Wiyaegü 5:7

Natürü i chomax rü ngẽma curü ngechaü̃gagu choxü̃́ natauxcha nax yima cupatagu chaxücuxü̃. Rü ngẽxguma cupata ya üünenewa changexmagu rü choxü̃́ natauxcha nax cupe̱xegu chanangü̃cuchixü̃ rü cuxü̃ changechaü̃ãcüma cuxü̃ chicua̱xüü̃xü̃.

Ngechuchuarü ngúexü̃gü ga yamugüxü̃arü puracüchiga 9:40

Rü Pedru rü düxétüwa nanamugü ga guxü̃ma ga yema duü̃xü̃gü. Rü inacaxã́pü̱xü, rü nayumüxẽ. Rü ñu̱xũchi ngĩxca̱x nadauegu ga yema yuxcü, rü ñanagürü: —Pa Tabitáx, ¡Írüda! —ñanagürü. Rü yexguma ga ngĩma rü iyadauuchixetü. Rü yexguma Pedruxü̃ nada̱u̱xgu, rü íirüto.

Yoná 2:4

Rü nagu charüxĩnü rü marü cugüxü̃tawa choxü̃ ícuta̱xüchi. Rü nüxü̃ chacua̱xgu rü tagutáma wena nüxü̃ chadau ya cupata ya üünene.

Nüxíraxü̃xü̃ ga popera ga ãẽ̱xgacügüchiga 8:54

Rü yexguma Charomóü̃ nüxü̃ rüchauxgu ga yema ãmarearü guruü̃pe̱xegu nacaxã́pü̱xüãcüma rü naxunagüme̱xẽãcüma nax norü yumüxẽwa Tupanamaxã yadexaxü̃, rü inachi rü guxü̃ma ga Iraéanecüã̱xgümaxã mexü̃ naxuegu. Rü tagaãcü ñanagürü:

Nüxíraxü̃xü̃ ga popera ga ãẽ̱xgacügüchiga 8:44

Rü ngẽxguma curü duü̃xü̃gü i Iraétanüxü̃ rü norü uanügümaxã nügü yadaixgu i ngexta cuma ícumugüxü̃wa, rü ngẽxguma daa ĩane ya cuma nüxü̃ cuxunetane rü daa cupata ya taxü̃ne ya cuxca̱x chaxüxü̃neguama nadaunüãcüma yumüxẽgügu ¡rü daxũguxü̃ i naanewa irüxĩnü i norü yumüxẽ rü ínapoxü̃ i norü uanügüme̱xẽwa!

Efesios 3:14

Rü ngẽmaca̱x, ngẽxguma nagu charüxĩnügu i ngẽma Tanatü ya Tupana taxca̱x mexẽẽxü̃, rü nape̱xegu chacaxã́pü̱xü nax nüxü̃ chicua̱xüxü̃xü̃ca̱x.

Ngechuchuarü ngúexü̃gü ga yamugüxü̃arü puracüchiga 10:9

Rü moxü̃ãcü ga yexguma namagu naxĩyane ga yema duü̃xü̃gü ga Cornériu yéma mugüxü̃, rü yexguma marü Yópexü̃ yangaicagügu, rü Pedru rü daxũ naxĩ ga ĩpataétüwa nax yéma nayumüxẽxü̃ca̱x. Rü tocuchiarü oragu nixĩ ga yexguma.

Danié 6:13

Rü yexguma ga nümagü rü ñanagürügü: —Ngẽma Danié i Yudíu ga ãẽ̱xgacü ga Nabucudonochó nua gaxü̃ rü tama cuga naxĩnü, Pa Ãẽ̱xgacüx, rü tama naga naxĩnü i ngẽma mu i cuxunagüxü̃. Rü toma rü marü nüxü̃ tadau nax tomaepü̱xcüna norü Tupanamaxã nayumüxẽxü̃ i wüxichigü i ngunexü̃gu —ñanagürügü.

Popera ga Yudíugü ga yaxõgüxü̃ca̱x ümatüxü̃ 4:16

Rü ñu̱xma nax tüxü̃́ nangẽxmaxü̃ ya tórü ngü̃xẽẽruxü̃ ya Ngechuchu, rü tüxü̃́ natauxcha nax tama imuü̃eãcüma nüxna ingaicamaxü̃ ya tórü Tupana ya tüxü̃ ngechaü̃cü nax ngẽmaãcü nüma nüxü̃́ ingechaü̃tümüxü̃güxü̃ca̱x rü tüxü̃ nangechaü̃ãcüma tüxü̃ nangü̃xẽẽxü̃ca̱x i ngẽxguma guxchaxü̃gü taxca̱x ínguxgu.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:10

¡Rü taxṹ i cumuü̃xü̃ naxca̱x i ngẽma ngúxü̃ i tá quingexü̃! Rü Chataná rü tá namu nax poxcupataü̃gu pexü̃ napoxcuexü̃ca̱x i ñuxre i pemax, nax ngẽmaãcü pexü̃ naxüxü̃ca̱x. Rü 10 i ngunexü̃ tá ngúxü̃ pingegü. Natürü woo ngẽmaãcü ngúxü̃ pingegügu rü chanaxwa̱xe i choxü̃́ cuyaxõõma ñu̱xmatáta cuyu̱x. Rü choma rü tá cuxna chanaxã i curü ãmare i maxü̃ i taguma gúxü̃.

Colosenses 3:17

Rü guxü̃ma i ngẽma pexüxü̃ rü nüxü̃ pixuxü̃ rü name nixĩ i tórü Cori ya Ngechuchuégagu penaxü rü naégagu Tanatü ya Tupanana moxẽ pexãgü.

Filipenses 1:20

Rü ngẽma poraãcü chanaxwa̱xexü̃ nixĩ nax taguma ta̱xacürü chixexü̃ chaxüxü̃ nax taxuca̱xma chaugüca̱x chaxãnexü̃ca̱x. Rü chanaxwa̱xe i guxü̃guma íchamemare nax guxãpe̱xewa tama chamuü̃ãcüma Cristuchigaxü̃ chixuxü̃. Rü ñu̱xma nax chamaxü̃xü̃ rü woo chayu̱xgu rü chanaxwa̱xe i guxü̃guma aixrügumarüü̃tama chaugagu Cristuxü̃ nicua̱xüü̃gü i duü̃xü̃gü.

Ngechuchuarü ngúexü̃gü ga yamugüxü̃arü puracüchiga 20:36

Rü yexguma yema ñaxguwena ga Pauru, rü inacaxã́pü̱xü rü wüxigu guxü̃maxã nayumüxẽ.

Neemía 6:11

Natürü ga choma rü chanangãxü̃ rü ñachagürü nüxü̃: —Ngẽma yatügü i chauxrüxü̃ tama muü̃exü̃ rü tama nibuxmü rü bai nax Tupanapata ya taxü̃negu yanacu̱xgüxü̃ nax ngẽmaãcü taxuxü̃ma nüxü̃ ngupetüxü̃ca̱x. Choma rü taxũtáma ngẽxma chayarücu̱x —ñachagürü nüxü̃.

Norü taxre ga to ga popera ga ãẽ̱xgacügüchiga ümatüxü̃ 6:38

rü ngẽxguma ngẽma nachixü̃ane i nawa nagagüãxü̃wa guxü̃nema ya norü maxü̃nemaxã rü naãẽmaxã cuxca̱x nawoegu̱xgu, rü ngẽxguma ñaa nachixü̃ane i norü o̱xigüna cuxãxü̃guama, rü daa curü ĩane ya cumatama nüxü̃ cuxunetaneguama, rü daa cupata ya taxü̃ne ya cuxca̱x chaxüxü̃neguama nadaunüãcüma nayumüxẽgügu,

Yema Cuáü̃ nüxü̃ dauxü̃ i yixcüra tá ngupetüxü̃chiga 2:13

Choma nüxü̃ chacua̱x nax yima ĩane ya Chataná namaxã icuáxü̃newa nax cumaxü̃xü̃. Natürü woo ngẽxma nax cuxãchiü̃xü̃, rü tama choxna quixũgachi. Rü woo yexguma chorü orearü uruxü̃ ga mecü ga Antípaxü̃ yama̱xgügu nagu ga guma ĩane ga nawa Chataná duü̃xü̃gümaxã icuáxü̃ne, rü tama nüxü̃ curüxo nax choxü̃́ cuyaxõõmaxü̃.

Filipenses 1:14

Rü ñu̱xma nax chapoxcuxü̃ rü ngẽma rümumaexü̃ i taenexẽgü i yaxõgüxü̃ rü nüxü̃́ nangúchaü̃ nax tama namuü̃eãcüma nüxü̃ yaxugüxü̃ i Tupanaarü ore.

Ngechuchuarü ngúexü̃gü ga yamugüxü̃arü puracüchiga 21:5

Natürü yexguma nangupetügu ga yema 7 ga ngunexü̃gü, rü itaxĩãchi. Rü yema yaxõgüxü̃ rü towe narüxĩ. Rü naxma̱xmaxãchigü rü naxacügümaxãchigü toxü̃ ínixümücügü ga guxü̃ma ñu̱xmata guma ĩanearü türewa tangugü. Rü yexma naxnecügu tacaxgüápü̱xü, rü tayumüxẽgü.

Ngechuchuarü ngúexü̃gü ga yamugüxü̃arü puracüchiga 20:24

Natürü tama ngẽma ãũcümaxü̃gu charüxĩnü erü nüetama nixĩ ega woo chayu̱xgu. Natürü ngẽma chanaxwa̱xexü̃ nixĩ nax taãẽãcüma chapuracüamaxü̃ nax mea chayanguxẽẽxü̃ca̱x i ngẽma puracü ga tórü Cori ya Ngechuchu choxna ãxü̃ rü nüxü̃ chixuxü̃ca̱x i norü ore i Tupanaarü ngechaxü̃chiga.

Ngechuchuarü ngúexü̃gü ga yamugüxü̃arü puracüchiga 7:60

Rü yemawena rü inacaxã́pü̱xü, rü tagaãcü aixta naxü, rü ñanagürü: —Pa Cori Pa Tupanax, ¡Taxṹ i ñaa pecaduca̱x cunapoxcuexü̃ i ñaa duü̃xü̃gü! —ñanagürü. Rü yexguma yema ñaxguwena rü nayu.

Ngechuchuarü ngúexü̃gü ga yamugüxü̃arü puracüchiga 5:20

—¡Ngéma Tupanapata ya taxü̃newa pexĩ, rü guxü̃ i duü̃xü̃gümaxã nüxü̃ pixu nax ñuxãcü Tupana inaxãxü̃ i ngexwaca̱xü̃xü̃ i maxü̃! —ñanagürü.

Ngechuchuarü ngúexü̃gü ga yamugüxü̃arü puracüchiga 4:29

¡Rü ñu̱xma, Pa Corix, cuma nüxü̃ cucua̱x nax ñuxãcü toxü̃ naxãxũnegüxü̃! Toma nixĩ i curü ngü̃xẽẽruü̃gü rü tanaxwa̱xe nax toxü̃ cuporaexẽxẽxü̃ nax tama tamuü̃eãcüma nüxü̃ tixuxü̃ca̱x i curü ore.

Ngechuchuarü ngúexü̃gü ga yamugüxü̃arü puracüchiga 3:1

Rü wüxi ga ngunexü̃gu ga Pedru rü Cuáü̃ rü tomaepü̱xarü oragu ga yáuanecü rü Tupanapata ga taxü̃newa naxĩ, yerü yema nixĩ ga yumüxẽarü ora.

Ngechuchuarü ngúexü̃gü ga yamugüxü̃arü puracüchiga 2:15

Rü ñaa chomücügü rü tama nangãxe i pema nagu perüxĩnüexü̃rüxü̃, erü pa̱xmamatama nixĩ rü ngexwaca 9 arü orawa nangu.

Ore i mexü̃ ga Luca ümatüxü̃ 22:41

Rü yexguma ga Ngechuchu rü yéamaxü̃ra norü ngúexü̃güna naxũ. Rü yexma nacaxã́pü̱xü rü nayumüxẽ.

Ore i mexü̃ ga Luca ümatüxü̃ 14:26

—Rü ngẽxguma texé chowe rüxũxchaü̃gu, rü tanaxwa̱xe i choxü̃ tangechaü̃ tümanatüarü yexera, rü tümaéarü yexera, rü tümama̱xarü yexera, rü tümaxacügüarü yexera, rü tümaenexẽgüarü yexera, rü tümaeya̱xgüarü yexera, rü tümaarü maxü̃arü yexera rü ta. Rü ngẽxguma tama ngẽmaãcü choxü̃ tangechaü̃gu rü taxucürüwama aixcüma chorü ngúexü̃ tixĩ.

Wiyaegü 86:3

¡Pa Cori Pa Tupanax, cuxü̃́ changechaü̃tümüxü̃! Erü guxü̃ma i oragu rü chorü yumüxẽwa rü cuxna chacaecha.

Édra 9:5

Rü yexguma yema orawa nanguxgu rü marü choxü̃ nangupetüxüra ga nax changechaü̃xü̃. Rü charügáuxchiruãcüma ichanaxügü nax chayumüxẽxü̃. Rü Cori ya Tupanamaxã chidexa.

Nüxíraxü̃xü̃ ga popera ga ãẽ̱xgacügüchiga 8:30

¡Rü nüxü̃ naxĩnü i ngẽma naxca̱x íchacaxaxü̃, rü nüxü̃ naxĩnü i curü duü̃xü̃gü i Iraétanüxü̃arü yumüxẽ ega ngẽxguma ñaa nachicagu tarüdaunüãcüma tayumüxẽgügu! ¡Rü nüxü̃ naxĩnü i daxũguxü̃ i naanewa i ngextá ícumaxü̃xü̃wa rü toxü̃́ nüxü̃ rüngüma i torü chixexü̃gü!

Danié 9:4

Rü yema chorü yumüxẽwa rü Tupanamaxã nüxü̃ chixu ga chorü pecadugü rü chautanüxü̃arü pecadugü rü ñachagürü: —Pa Cori Pa Tupanax, cuma rü guxãétüwa cungexma rü cuporaxüchi rü guxü̃guma cuyanguxẽxẽ i curü unetagü. Rü ngẽmawa tüxü̃ cunawe̱x nax tüxü̃ cungechaü̃xü̃ ya yíxema aixcüma cuga ĩnüexe rü nagu maxẽxe i curü mugü.

Ore i mexü̃ ga Márcu ümatüxü̃ 3:3

Rü yexguma ga Ngechuchu rü ñanagürü nüxü̃ ga gumá yumécü: —¡Írüda, rü nuxã ngãxü̃tanügu yachi! —ñanagürü.