Danié 5:9 - Tupanaarü Ore

⁹ Rü yexguma nüma ga ãẽ̱xgacü ga Berchachá rü poraãcü namuü̃ rü nanacho̱xõchi. Rü yema natanüxü̃ ga ãẽ̱xgacügü rü tama nüxü̃ nacua̱xgü nax ta̱xacü tá naxügüxü̃.

Danié 5:9 Referans Kwoze

Danié 2:1

Rü yexguma taxre ga taunecü marü ãẽ̱xgacü yixĩxgu ga Nabucudonochó rü ñuxree̱xpü̱xcüna naxãnegü. Rü yemaca̱x naxoegaãxẽ rü taguma mea na̱xcha̱xwa nape.

Yeremía 6:24

Rü Yerucharéü̃wa i duü̃xü̃gü rü ñanagürügü: —Marü nüxü̃ taxĩnüe i nachiga i ngẽma uanügü. Rü ngẽma nax tamuü̃exü̃ rü taturae. Rü poraãcü tangechaü̃gü, rü ngúxü̃ tingegü ñoma wüxi i ngexü̃ i íxraxacüchaü̃xü̃rüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:15

Rü ñoma ga naanewa yexmagüxü̃ ga nachixü̃anegüarü ãẽ̱xgacügü, rü ma̱xpǘnemagu rü ma̱xpü̃́nearü nutatanügu nicu̱xgü. Rü wüxigu yexma namaxã nicu̱xgü ga yema togü ga ãẽ̱xgacügü ga taxü̃gü ga ñoma ga naanemaxã icua̱xgüxü̃, rü churaragüarü ãẽ̱xgacügü ga taxü̃gü, rü yema duü̃xü̃gü ga muarü diẽruã̱xgüxü̃, rü yema duü̃xü̃gü ga ñoma ga naanewa poraexü̃, rü guxü̃ma ga duü̃xü̃gü ga mugüruü̃gü ixĩgüxü̃, rü guxü̃ma ga duü̃xü̃gü ga ngearü coriã̱xgüxü̃.

Ore i mexü̃ ga Matéu ümatüxü̃ 2:3

Rü yexguma yemachigaxü̃ nacua̱xgu ga ãẽ̱xgacü ga Eróde rü poraãcü naxoegaãxẽ. Rü guxü̃ma ga duü̃xü̃gü ga Yerucharéü̃cüã̱xgü rü ta naxoegaãẽgü.

Danié 10:8

Rü yemaacü chaxicatama yéma chayexma ga yexguma yemaxü̃ chada̱u̱xgu. Rü chaba̱i̱xãchiãxẽ rü chanachoxõchi rü chaturaxü̃ne.

Yeremía 30:6

¿Rü ñuxãcü i wüxi i yatü rü naxíxraxacü? ¿Rü ñu̱xma rü ta̱xacüca̱x i ngẽma yatügü rü ñoma ngexe ya íxraxacüxerüxü̃ nanguxnecaxü̃ rü ngúxü̃maxã nügü naxãũxü̃xü̃? ¿Rü ta̱xacüca̱x guxü̃ma i duü̃xü̃gü rü nadeãchichametüxü̃?

Wiyaegü 48:6

Rü poraãcü namuü̃e. Rü nanaxĩ̱xãchiãẽgü ñoma wüxi i nge i ixíxraxacüchaü̃cürüxü̃.

Wiyaegü 18:14

Rü ínananguxẽxẽ ga norü chuxchigü rü ãẽmacügü. Rü yemacha̱xwa ga yema chorü uanügü rü nügü nawoone rü nibuxmü.