Danié 5:8 - Tupanaarü Ore

⁸ Rü guxü̃ma ga yema norü ucu̱xẽruü̃gü ga nüxü̃ icua̱xüchixü̃ ga yéma yexmagüxü̃ rü nichocu nawa ga yema ucapu. Natürü taxuxü̃ma ga yema yatügü ga nüxü̃ cua̱xüchigüxü̃ rü nüxü̃ nacua̱xgü nax ãẽ̱xgacümaxã nüxü̃ yaxugüxü̃ nax ta̱xacüchiga yixĩxü̃ ga yema yexma ümatüxü̃.

Danié 5:8 Referans Kwoze

Danié 2:27

Rü nüma ga Danié nanangãxü̃ rü ñanagürü: —Pa Ãẽ̱xgacüx, nataxuma i wüxi i duü̃xü̃ i nüxü̃ cuáxü̃ rü bai i wüxi i ẽxü̃guxü̃xü̃ cuáxü̃, rüe̱xna yuüxü̃, rüe̱xna woramacuriwa ngúexü̃ i nüxü̃ cuáxü̃ i ngẽma cunegü i cuma nüxü̃ cucuáxchaü̃xü̃.

Danié 4:7

Rü guxü̃ma ga yema yuüxü̃gü rü yema ẽxü̃guxü̃ cua̱xgüxü̃ rü yema nüxü̃ icua̱xüchixü̃ rü yema woramacuriwa ngúexü̃ ga Babiróniaanecüã̱x rü chauxü̃tawa naxĩ. Rü choma rü namaxã nüxü̃ chixu ga yema nagu chaxãnegüxü̃, natürü tama nüxü̃ nacua̱xgü nax ta̱xacüchiga yixĩxü̃ ga yema nagu chaxãnegüxü̃.

Naanearü ügüchiga 41:8

Rü moxü̃ãcü ga pa̱xmama rü poraãcü naxoegaãxẽ naxca̱x ga yema nanegü. Rü naxca̱x nangema ga guxü̃ma ga yema iyuüxü̃ rü duü̃xü̃gü ga nüxü̃ cua̱xüchigüxü̃ ga Equítuanecüã̱x. Rü nüma ga Faraóü̃ rü namaxã nüxü̃ nixu ga nanegü. Natürü taxuxü̃ma ga yema yuüexü̃ nüxü̃ nacua̱x nax ta̱xacüchiga yixĩxü̃ ga yema nanegü.

Danié 5:15

Rü ngẽma yatügü i nüxü̃ icua̱xüchixü̃ i ñaa nachixü̃anewa ngẽxmagüxü̃ rü marü naxca̱x changema nax nüxü̃ nadaumatügüxü̃ca̱x i ngẽma ore i ĩxtapü̱xgu ümatüxü̃ nax chomaxã nüxü̃ yaxugüxü̃ca̱x rü ta̱xacüchiga yixĩxü̃. Natürü i nümagü rü tama nüxü̃ nacua̱xgüéga nax ta̱xacüchiga yixĩxü̃ i ngẽma.

Ichaía 47:9

Natürü pemaxã nüxü̃ chixu rü ngürüãchi wüxitama i ngunexü̃gu tá pexca̱x ínangu i ngẽma taxre i chixexü̃ nax nayuexü̃ i perü ãẽ̱xgacügü i poraexü̃ rü nayuexü̃ i pexacügü. Rü ñoma wüxi i ngexü̃ i yutexü̃rüxü̃ tá pixĩgü rü woo nax peyuüechiréxü̃ rü naguxü̃raü̃xü̃ i ẽxü̃guxü̃ i chixexü̃xü̃ nax pecuáxü̃.

Yeremía 50:35

Rü nüma ya Cori ya Tupana rü ñanagürü: —Pa Babiróniaanearü Uanügüx, ¡nagu pepogüe ya yima ĩane ya Babirónia rü penadai i norü duü̃xü̃gü rü norü ãẽ̱xgacügü rü ngẽma norü duü̃xü̃gü i cua̱x nüxü̃́ ngẽmagüxü̃!

Danié 4:18

Rü yema nixĩ, Pa Betacháx, ga yema chaunegü ga choma i ãẽ̱xgacü ya Nabucudonochó nagu chaxãnegüxü̃. ¡Rü ñu̱xma rü chomaxã nüxü̃ ixu nax ta̱xacüchiga yixĩxü̃ ga yema chaunegü! Erü taxuxü̃ma i ngẽma togü i chorü ucu̱xẽruü̃gü i nüxü̃ cua̱xüchichiréxü̃ nüxü̃ nacua̱xgü i ngẽma. Natürü i cumax rü tá nüxü̃ cucua̱x nax ta̱xacüchiga yixĩxü̃ erü cuwa nangẽxma i naãxẽ ya yimá Tupana ya Üünecü”, ñachagürü.

Danié 4:4

Rü choma i Nabucudonochó rü chataãxẽ ga chopatawa rü poraãcü mexü̃ choxü̃ naxüpetü.