Danié 5:7 - Tupanaarü Ore

⁷ Rü ñu̱xũchi tagaãcü aita naxü ga ãẽ̱xgacü ga Berchachá, rü naxca̱x nangema ga yema norü ucu̱xẽruü̃gü ga ẽxü̃guxü̃xü̃ cua̱xgüxü̃, rü yema cua̱x nüxü̃́ yexmaxü̃, rü yema Babiróniaanecüã̱x ga woramacuriwa ngúexü̃. Rü ñanagürü nüxü̃: —Yíxema nüxü̃ daumatüxe i ngẽma ngẽxma ümatüxü̃ rü nüxü̃ ixuxe nax ta̱xacüchiga yixĩxü̃, rü naxchiru i dauxracharaxü̃gu tá tüxü̃ chicu̱xẽxẽ, rü úirunaxca̱x ya cadénamaxã tá tüxü̃ chaxüchagü, rü tüma tá tixĩ i choweama i norü tomaepü̱xwa taxüxü̃ nax ãẽ̱xgacü tixĩxü̃ —ñanagürü.

Danié 5:7 Referans Kwoze

Danié 5:29

Rü yexgumatama ga nüma ga ãẽ̱xgacü ga Berchachá rü norü duü̃xü̃güxü̃ namu nax Daniéxü̃ dauxracharaxü̃ ga naxchirugu yacu̱xẽẽgüaxü̃ca̱x, rü wüxi ga cadéna ga úirunaxca̱xmaxã naxüchagügüãxü̃ca̱x. Rü guxãmaxã nüxü̃ nixu nax nüma ya Danié yixĩxü̃ ga norü tomaepü̱xwa naxüxü̃ nax ãẽ̱xgacü yixĩxü̃.

Danié 5:16

Rü nüxü̃ chaxĩnüchiga rü cuma rü cuxü̃́ natauxcha nax cunango̱xẽẽxü̃ i wüxi i nanegü rü cunamexẽẽxü̃ i taxü̃ i guxchaxü̃gü. Rü ngẽxguma chi cha̱u̱xca̱x nüxü̃ cudaumatügu i ngẽma ore i ĩxtapü̱xgu ümatüxü̃ rü chomaxã nüxü̃ quixuxgu nax ta̱xacüchiga yixĩxü̃, rü choma rü naxchiru i dauxracharaxü̃gu tá cuxü̃ chicu̱xẽxẽ, rü úirunaxca̱x ya cadénamaxã tá cuxü̃ chaxüchagü, rü cuma tá quixĩ i chautüü̃wa norü tomaepü̱xwa cuxüxü̃ nax ãẽ̱xgacü quixĩxü̃ —ñanagürü.

Danié 2:48

Rü ñu̱xũchi ga nüma ga ãẽ̱xgacü ga Nabucudonochó rü Daniéxü̃ tacü ga ãẽ̱xgacüxü̃ ningucuchixẽxẽ. Rü muxü̃ma ga mexẽchixü̃ ga ãmare nüxna naxã. Rü naétü nüxü̃ naxuneta nax ĩane ga Babiróniaarü probínchiaarü üyearü ãẽ̱xgacü yixĩxü̃ca̱x rü naeru yixĩxü̃ca̱x ga guxü̃ma ga yema ãẽ̱xgacüarü ucu̱xẽruü̃gü ga yema nachixü̃anewa yexmagüxü̃.

Danié 2:6

Natürü ngẽxguma chomaxã nüxü̃ pixuxgu nax ta̱xacügu chaxãnegüxü̃ rü ta̱xacüchiga nax yixĩxü̃, rü tá pexna chanaxã i ãmaregü rü tá pemaxã chataãxẽ. Rü ngẽmaãcü tá pemaxã chanaxü ega chomaxã nüxü̃ pixuxgu i ngẽma chaunegü —ñanagürü.

Danié 2:2

Rü yemaca̱x naxca̱x nangema ga norü ucu̱xẽruü̃gü ga iyuüxü̃ rü yema ẽxü̃guxü̃xü̃ cua̱xgüxü̃ rü nape̱xexü̃ cua̱xgüxü̃ rü yema cua̱x nüxü̃́ yexmagüxü̃. Rü nüma ga yema iyuüxü̃ rü ãẽ̱xgacüxü̃tawa naxĩ. Rü nüma ga ãẽ̱xgacü rü yemagüna naca nax nüxü̃ yaxugüexü̃ca̱x nax ta̱xacüchiga yixĩxü̃ ga yema nagu naxãnegüxü̃.

Echequié 16:11

Rü mexẽchixü̃ ga ngã̱xãẽruü̃gümaxã cuxü̃ changa̱xãxẽ, rü napüme̱xẽgü cuchacüügüwa chanucu, rü ñu̱xũchi cunaxãwa chayaxǘcuchi ga wüxi ga nachagü.

Ichaía 47:13

¡Rü ñu̱xma rü chope̱xewa naxĩ i ngẽma perü ucu̱xẽruü̃gü i cua̱x nüxü̃́ ngẽxmagüxü̃ rü muxü̃ma i ucu̱xẽgü pexna ãgüxü̃! ¡Rü nua naxĩ i ngẽma ẽxtagüxü̃ rüdaunüxü̃ nax ngẽmawa nüxü̃ nacua̱xgüxü̃ca̱x i ngẽma tá ngupetüxü̃ rü aixcüma tá pexü̃ ínapoxü̃gü nawa i ngẽma ãũcümaxü̃ i pexca̱x ínguxchaü̃xü̃!

Danié 4:14

Rü yema rü tagaãcü ñanagürü: ‘¡Rü penatuxu̱x i ngẽma nai rü penadaü̃chacüxü̱x, rü penabuxatü, rü ngẽma norü o rü namaxã penawoone nax ngẽmaãcü yabuxmüxü̃ca̱x i ngẽma naxü̃nagü i norü gáuxpechitaca̱x natüü̃gu rüchoxü̃ rü ngẽma werigü i nachacüügu ixüachiãü̃xü̃!

Charumóü̃arü wiyae 1:10

Rü cumatügü i cuxmachinügüarü ngãxü̃wa ngẽxmagüxü̃ rü namexẽchi. Rü namexẽchi i cunaxã i cuchagü nawa rütuxü̃.

Ucu̱xẽgüchiga 1:9

Erü ngẽma ucu̱xẽgü rü wüxi i curü nga̱xãẽruxü̃ nixĩ ñoma wüxi i cuchagü rüe̱xna wüxi i curü nga̱xcueruü̃rüxü̃ nixĩ.

Ester 3:1

Rü yema ngupetüguwena rü nüma ga ãẽ̱xgacü ga Achuéru rü wüxi ga yatü ga Amáü̃xü̃ naxuneta nax norü ngü̃xẽẽruü̃gümaxã inacuáxü̃ca̱x. Rü yemaacü nawa nangu nax guxü̃ma ga yema naanemaxã inacuáxü̃ ga Amáü̃. Rü Achuéruxicatama nixĩ ga naétüwa yexmaxü̃. Rü nüma ga Amáü̃ rü Amedáta nane ga Agátanüxü̃ nixĩ.

1 Chamué 17:25

Rü nügümaxã ñanagürügü: —¿Marü nüxü̃ pedauxü̃ i ngẽma yatü i ngẽxa ichixichixü̃ nax ñuxãcü tüxü̃ naxãũxũnexü̃ i yixema i Iraéanecüã̱xgü? Rü yíxema nüxü̃ rüporamaexẽ, rü nüma ya tórü ãẽ̱xgacü rü muxü̃tama i ngẽmaxü̃gü tá tüxna nana, rü naxacümaxã tá tüxü̃ naxüxma̱x rü tümatanüxü̃ rü taxũtáma tanaxütanü i ngẽma diẽru i ãẽ̱xgacüna üxü̃ —ñanagürügü.

Iraétanüxü̃arü muxchiga 24:11

Rü narümemae nixĩ nax cuchiü̃ca̱x cutaeguxü̃. Choma rü marü ichaxuneta nax mexü̃maxã cuxü̃ chatachigaxẽẽxü̃, natürü nüma ya Cori ya Tupana rü tama nanaxwa̱xe nax ngẽma mexü̃ cumaxã chaxüxü̃ —ñanagürü.

Iraétanüxü̃arü muxchiga 22:17

Rü choma rü poraãcü cumaxã chataãxẽ rü mea tá cuxü̃ chayaxu. Rü tá cuxna chanaxã i guxü̃ma i ta̱xacü i naxca̱x ícuca̱xaxü̃. ¡Ẽcü nua naxũ rü choxü̃ rüngü̃xẽxẽ nax chixexü̃ namaxã cuxueguxü̃ca̱x i ñaa Iraétanüxü̃!” ñanagürü ga Baláx —ñanagürügü.

Iraétanüxü̃arü muxchiga 22:7

Rü yexguma ga yema Moáanecüã̱xgü rü Madiáü̃anecüã̱xgüarü ãẽ̱xgacügü rü diẽrumaxã Balaáü̃xü̃tawa naxĩ nax naxütanügüãxü̃ca̱x nax chixexü̃ Iraétanüxü̃maxã naxueguxü̃ca̱x. Rü yexguma Balaáü̃xü̃tawa nangugügu, rü namaxã nüxü̃ nixugügü ga Baláxarü ore.

Naanearü ügüchiga 41:8

Rü moxü̃ãcü ga pa̱xmama rü poraãcü naxoegaãxẽ naxca̱x ga yema nanegü. Rü naxca̱x nangema ga guxü̃ma ga yema iyuüxü̃ rü duü̃xü̃gü ga nüxü̃ cua̱xüchigüxü̃ ga Equítuanecüã̱x. Rü nüma ga Faraóü̃ rü namaxã nüxü̃ nixu ga nanegü. Natürü taxuxü̃ma ga yema yuüexü̃ nüxü̃ nacua̱x nax ta̱xacüchiga yixĩxü̃ ga yema nanegü.

Ínachoxü̃xü̃chiga 7:11

Rü nüma ga Faraóü̃, rü norü duü̃xü̃gü ga nüxü̃ icua̱xüchixü̃ca̱x rü norü yuüxü̃güca̱x nangema. Rü nümagü ga yema norü duü̃xü̃gü rü norü yuüxü̃gümaxã nanaxügüama ta ga yema Aróü̃ üxü̃.

Yeremía 50:35

Rü nüma ya Cori ya Tupana rü ñanagürü: —Pa Babiróniaanearü Uanügüx, ¡nagu pepogüe ya yima ĩane ya Babirónia rü penadai i norü duü̃xü̃gü rü norü ãẽ̱xgacügü rü ngẽma norü duü̃xü̃gü i cua̱x nüxü̃́ ngẽmagüxü̃!

Danié 1:4

Rü yema ngextü̱xüxü̃gü ga yadexechixü̃ rü nimechametü rü naxü̃newa taxuwama nichixe, rü meama naãẽxü̃ nicua̱x, rü meama poperaxü̃ icuáxü̃ nixĩgü nax yemaacü guxü̃wama yamexü̃ nax ãẽ̱xgacüpatawaarü ngü̃xẽẽruxü̃ yixĩgüxü̃ca̱x. Rü ñu̱xũchi nüma ga Apená rü yema ngextü̱xüxü̃güxü̃ nangúexẽxẽ ga naga ga Babiróniacüã̱x rü nacümagü ga poperagu ümatüxü̃.

Danié 1:20

Rü nüma ga ãẽ̱xgacü rü yexguma norü ucu̱xẽca̱x nüxna nacaxgu nax mea nachixü̃anemaxã inacuáxü̃ca̱x, rü Daniéwa rü namücügüwa nüxü̃ inayangau nax 10 e̱xpü̱xcüna guxü̃ma ga yema norü ucu̱xẽruü̃gü ga yuüexü̃arü yexera nüxü̃ yacua̱xüchixü̃.

Danié 2:27

Rü nüma ga Danié nanangãxü̃ rü ñanagürü: —Pa Ãẽ̱xgacüx, nataxuma i wüxi i duü̃xü̃ i nüxü̃ cuáxü̃ rü bai i wüxi i ẽxü̃guxü̃xü̃ cuáxü̃, rüe̱xna yuüxü̃, rüe̱xna woramacuriwa ngúexü̃ i nüxü̃ cuáxü̃ i ngẽma cunegü i cuma nüxü̃ cucuáxchaü̃xü̃.

Danié 5:11

Erü nua cuxme̱xwa nangẽxma i wüxi i yatü ya Tupana ya Üünecüãxẽ nawa ngẽxmaxü̃. Rü yexguma guma cunatü ya Nabucudonochó ãẽ̱xgacü ixĩxgu, rü yema yatü inanawe̱x nax tupanagürüxü̃ aixcüma naãẽxü̃ nacuáxü̃. Rü yemaca̱x ga guma cunatü rü guxü̃ma ga norü ucu̱xẽruü̃güeru nayaxĩxẽxẽ.

Danié 5:15

Rü ngẽma yatügü i nüxü̃ icua̱xüchixü̃ i ñaa nachixü̃anewa ngẽxmagüxü̃ rü marü naxca̱x changema nax nüxü̃ nadaumatügüxü̃ca̱x i ngẽma ore i ĩxtapü̱xgu ümatüxü̃ nax chomaxã nüxü̃ yaxugüxü̃ca̱x rü ta̱xacüchiga yixĩxü̃. Natürü i nümagü rü tama nüxü̃ nacua̱xgüéga nax ta̱xacüchiga yixĩxü̃ i ngẽma.