Danié 5:5 - Tupanaarü Ore

^5-6 Rü yexguma ínaxaxegüyane rü yema ucapuarü ĩxtapü̱x ga cómüxü̃wa nango̱x ga wüxi ga naxme̱x ga omüema ĩxtapü̱xgu ínachixü̃wa iwǘãcüxü̃ne. Rü yexguma guma naxme̱x ga yéma iwǘãcüxü̃nexü̃ nada̱u̱xgu ga gumá ãẽ̱xgacü rü naba̱i̱xãchi rü nanacho̱xõchi rü norü muü̃maxã niyoyoxü̃ne.

Danié 5:5 Referans Kwoze

Danié 4:31

Rü yexguma íyadexayanetama ga nüma ga ãẽ̱xgacü rü nüxü̃ naxĩnü ga wüxi ga naga ga dauxü̃wa ínaxũxü̃ ga ñaxü̃: —¡Dücax, irüxĩnü, Pa Ãẽ̱xgacü Pa Nabucudonochóx! Rü ngẽma nax ãẽ̱xgacü quixĩxü̃ rü ñu̱xma rü ngẽxma nayacua̱x.

Colosenses 2:14

Rü yexguma Cristu curuchagu yu̱xgu nixĩ ga Tupana yexma yanaxoxẽẽxü̃ ga yema mugü ga Moiché ümatüxü̃ ga guxchaxü̃ tamaxã üxü̃. Rü Tupana rü yemaacü nayanaxoxẽxẽ ga yema mugü ga yexguma curuchawa yapotagüãgu

Danié 5:15

Rü ngẽma yatügü i nüxü̃ icua̱xüchixü̃ i ñaa nachixü̃anewa ngẽxmagüxü̃ rü marü naxca̱x changema nax nüxü̃ nadaumatügüxü̃ca̱x i ngẽma ore i ĩxtapü̱xgu ümatüxü̃ nax chomaxã nüxü̃ yaxugüxü̃ca̱x rü ta̱xacüchiga yixĩxü̃. Natürü i nümagü rü tama nüxü̃ nacua̱xgüéga nax ta̱xacüchiga yixĩxü̃ i ngẽma.

Danié 5:8

Rü guxü̃ma ga yema norü ucu̱xẽruü̃gü ga nüxü̃ icua̱xüchixü̃ ga yéma yexmagüxü̃ rü nichocu nawa ga yema ucapu. Natürü taxuxü̃ma ga yema yatügü ga nüxü̃ cua̱xüchigüxü̃ rü nüxü̃ nacua̱xgü nax ãẽ̱xgacümaxã nüxü̃ yaxugüxü̃ nax ta̱xacüchiga yixĩxü̃ ga yema yexma ümatüxü̃.

Danié 4:33

Rü yexgumatama ningu ga yema Tupana namaxã ueguxü̃. Rü nüma ga Nabucudonochó rü naxãũãxẽ. Rü duü̃xü̃güna nixũgachi rü wocagürüxü̃ maxẽ nanangõ̱x rü cherenamaxã niwaxine. Rü nayae rü narüxü, rü ñoma dawüã̱xmürüxü̃ nixĩ, rü napatü rü ñoma dawüpatürüxü̃ nixĩ.

Ucu̱xẽgüchiga 29:1

Texé ya tama nayaxúxe i ucu̱xẽ, rü paxa tá guxchaxü̃ tümaca̱x ínangu, rü taxúetama tümaétüwa tachogü.

Danié 5:4

Rü guxü̃ma ga yema yéma yexmagüxü̃ rü bínu nixaxgü rü nüxü̃ nicua̱xüü̃gü ga norü tupananetachicüna̱xãgü ga úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x ixĩgüxü̃.

Yeremía 50:43

Rü nüma ya Babiróniaanearü ãẽ̱xgacü rü ngẽxguma nüxü̃ nacuáchigagu nax ínangugüchaxü̃xü̃ i ngẽma uanügü, rü norü muü̃maxã inayanguãxẽ rü naxoegaãxẽ rü poraãcü ngúxü̃ ningẽgü ñoma wüxi i ngexü̃ i íxraxacüchaü̃xü̃rüxü̃.