Danié 5:31 - Tupanaarü Ore

³¹ Rü Daríu ga Médiaanecüã̱xgüarü ãẽ̱xgacü rü Berchacháchicüxü nixücu nax ãẽ̱xgacü yixĩxü̃ca̱x. Rü nüma ga Daríu rü 62 ga taunecü nüxü̃́ nayexma ga yexguma.

Danié 5:31 Referans Kwoze

Danié 9:1

Rü nüma ga Daríu ga Achuéru nane ga Médiaanecüã̱x ixĩxü̃, rü ãẽ̱xgacü nixĩ ga Babiróniaanewa.

Danié 6:1

Nüma ga ãẽ̱xgacü ga Daríu rü nüxü̃ naxuneta ga 120 ga ãẽ̱xgacügü nax norü ngü̃xẽẽruü̃gü yixĩgüxü̃ca̱x, rü wüxichigü ga yema nachixü̃anearü probínchiaarü üyemaxã inacua̱xgüxü̃ca̱x.

Yeremía 50:24

Pa Babiróniax, cumatama cugüpe̱xegu cunaxǘ ya wüxi ya yüta, natürü nüxü̃ icurüngüma rü ngẽmaca̱x cumatama nagu cungu. Rü ñu̱xma rü marü taxü̃ i guxchaxü̃wa cungexma, yerü Cori ya Tupanamaxã curüxuanü.

Danié 5:28

Pársin: Rü ngẽma cuchixü̃ane, Pa Ãẽ̱xgacüx, rü marü tá niyauxye rü tá Médiaanecüã̱xgüna rü Pérchiaanecüã̱xgüna nanaxã —ñanagürü ga Danié.

Danié 11:1

Rü nüma ga yema naduü̃xü̃raxü̃xü̃ rü ñanagürüama: —Gumá nüxíraü̃cü ga taunecü ga nagu Médiaarü ãẽ̱xgacü yixĩcü ga Daríu, rü choma rü nüxü̃ charüngü̃xẽxẽ rü chanaporaxẽxẽ.

Yeremía 25:13

Rü ngẽma nachixü̃anegu tá chananguxẽxẽ i guxü̃ma i ngẽma guxchaxü̃gü i ñaa poperagu ümatüxü̃ ga Yeremía chauégagu nüxü̃ ixuxü̃ namaxã ga guxü̃ma ga yema togü ga nachixü̃anegü.