Danié 5:30 - Tupanaarü Ore

³⁰ Rü yema chütaxü̃gu nixĩ ga yama̱xgüãxü̃ ga Berchachá ga Babiróniaanearü ãẽ̱xgacü ixĩcü.

Danié 5:30 Referans Kwoze

Yeremía 51:31

Rü nügüwe naxãgü i orearü ngeruü̃gü nax Babiróniaanearü ãẽ̱xgacümaxã nüxü̃ yanaxugüxü̃ca̱x nax guxü̃nema ya yima ĩane ya Babirónia rü marü uanügüme̱xẽgu nanguxü̃.

Yeremía 51:57

Rü nüma ya Ãẽ̱xgacü ya Cori ya Tupana ya Guxãétüwa Ngẽxmacü rü ñanagürü: —Choma rü tá ñoma nangãxẽxü̃rüxü̃ chayaxĩgüxẽxẽ i ngẽma Babiróniaanearü ãẽ̱xgacügü, rü norü duü̃xü̃gü i cua̱x nüxü̃́ ngẽxmagüxü̃, rü norü ĩanegüarü ãẽ̱xgacügü, rü norü ngü̃xẽẽruü̃gü, rü norü churaragü. Rü guxü̃ma rü guxü̃gutáma napee rü tagutáma naba̱i̱xãchie.

Yeremía 51:39

Rü ngẽxguma nanaianegu rü tá chayaxaxegüxẽxẽ namaxã i axexü̃ i nawa nangaxexü̃ rü taxũtáma naãẽxü̃ nawa nacua̱xgüxü̃. Rü ngẽmaãcü tá napee, rü tagutáma naba̱i̱xãchie. Rü choma ya Cori ya Tupana nixĩ i ngẽma ñachaxü̃.

Yeremía 51:11

Nüma ya Cori ya Tupana rü nayanaxoxẽẽchaü̃ ya Babirónia. Rü ngẽmaca̱x naxca̱x nangema i Médiaanearü ãẽ̱xgacügü nax nümagü rü ta ngẽmagu naxĩnüexü̃ca̱x. Rü ngẽma nixĩ i Cori ya Tupanaarü poxcu i Babiróniaca̱x mexẽẽxü̃ nagagu ga yema Tupanapata ga taxü̃nemaxã naxügüxü̃.

Ichaía 47:9

Natürü pemaxã nüxü̃ chixu rü ngürüãchi wüxitama i ngunexü̃gu tá pexca̱x ínangu i ngẽma taxre i chixexü̃ nax nayuexü̃ i perü ãẽ̱xgacügü i poraexü̃ rü nayuexü̃ i pexacügü. Rü ñoma wüxi i ngexü̃ i yutexü̃rüxü̃ tá pixĩgü rü woo nax peyuüechiréxü̃ rü naguxü̃raü̃xü̃ i ẽxü̃guxü̃ i chixexü̃xü̃ nax pecuáxü̃.

Yeremía 50:24

Pa Babiróniax, cumatama cugüpe̱xegu cunaxǘ ya wüxi ya yüta, natürü nüxü̃ icurüngüma rü ngẽmaca̱x cumatama nagu cungu. Rü ñu̱xma rü marü taxü̃ i guxchaxü̃wa cungexma, yerü Cori ya Tupanamaxã curüxuanü.

Amúx 6:7

Rü pexíra tá nixĩ i to i nachixü̃anewa pexü̃ nagagüxü̃ i perü uanügü nax norü puracütanüxü̃ pixĩgüxü̃ca̱x. Rü ngẽxma tá nayacua̱x nax penaxüxü̃ i taxü̃ i perü õna i nawa picuxcuxü̃ —ñanagürü.