Danié 5:27 - Tupanaarü Ore

²⁷ Tekél: Pa Ãẽ̱xgacü, rü Tupana rü norü ngugüruü̃wa cuxü̃ inangu, rü ngẽma curü chixexü̃ rü mexü̃xü̃ narüyamae.

Danié 5:27 Referans Kwoze

Yox 31:6

Rü chanaxwa̱xe nax Tupana meama choxü̃ ngugüxü̃, rü ngẽmawa tá nüxü̃ nacua̱x nax taguma chixexü̃ chaxüxü̃.

1 Corintios 3:13

Natürü ngẽxguma nawa nanguxgu i ngẽma ngunexü̃ i nagu Tupana tüxna ca̱xaxü̃, rü tá nango̱x nax ñuxãcü wüxichigü i duü̃xü̃ naxüxü̃ i Tupanaarü puracü. Erü ngẽma ngunexü̃gu rü tá nangẽxma ya üxü ya taxüchine. Rü ñoma ta̱xacü üxüwa iguxü̃rüxü̃ tá nixĩ ya Tupana nüxü̃ üxü̃ i wüxichigü i duü̃xü̃arü puracü rü aixcüma name rüe̱xna tama.

Wiyaegü 62:9

¿Rü ta̱xacüwa name i ngẽma nax nadiẽruã̱xgüxü̃ i duü̃xü̃gü rü ngẽma nax nangearü diẽruã̱xgüxü̃? Rü nümagü rü ngẽxguma chi wüxigu yáruü̃wa nangugügu, rü ñoma buanecürüxü̃ tama nayá.

Yeremía 6:30

Rü ngẽmaca̱x “diẽrumüarü ãũãchixü̃gu”, tanaxüéga i ngẽma duü̃xü̃gü. Erü cumax, Pa Corix, rü marü nüxü̃ cuxo —ñachagürü.

Ucu̱xẽgüchiga 16:2

Nüma ya yatü rü naxca̱x name i guxü̃ma i ngẽma naxüxü̃, natürü Cori ya Tupana nixĩ ya nangugücü i ngẽma norü ĩnü ya yimá yatü.

Echequié 5:1

Rü nüma ga Cori ya Tupana rü choxü̃ ñanagürü: —Cuma, Pa Yatüx, ¡tüxü̃ nayaxu ya wüxi ya cüxchi ya ñoma nowayarüxü̃ texéchixe! ¡Rü cugü idüeru rü ñu̱xũchi cugü idüxchinagu! ¡Rü ngẽmawena rü nayaxu i wüxi ya yáruxü̃, rü tomaepü̱xgu yatoye i ngẽma cuyae!

Ucu̱xẽgüchiga 21:2

Wüxichigü ya yatü, rü naxca̱x name i guxü̃ma i ngẽma naxüxü̃, natürü nüma ya Cori ya Tupana nixĩ i nangugüxü̃ i norü ĩnü i wüxichigü i duü̃xü̃.

Naúü̃ 1:14

Rü Cori ya Tupana rü Nínibearü ãẽ̱xgacüxü̃ ñanagürü: —Cuma rü taxũtáma cuxü̃́ nangema i cutaagü i nüxí cuchicüxü ãẽ̱xgacü ixĩgüxü̃. Rü yima curü tupaucawa ngẽxmagüxü̃ i curü tupananetachicüna̱xãgü rü tá nagu chipogügü. Rü ngẽxma tátama cuxü̃ chata̱x, erü cuma rü wüxi i duü̃xü̃ i chixexü̃arü üruxü̃ quixĩ —ñanagürü.