Danié 5:26 - Tupanaarü Ore

²⁶ Rü ngẽma ore rü ñaxü̃chiga nixĩ: Méne: Tupana rü marü nüxü̃ nixu nax ñuxre tátama i ngunexü̃ ãẽ̱xgacü quixĩxü̃, Pa Ãẽ̱xgacüx, rü marü nüxü̃ naxuneta i ngẽma ngunexü̃ i tá nagu cuyuxü̃.

Danié 5:26 Referans Kwoze

Yeremía 27:7

Rü guxü̃ma i nachixü̃anegü rü naxme̱xwa tá nangẽxma, rü nanegüme̱xẽwa rü nataagüme̱xẽwa tá nangẽxmagü ñu̱xmatáta nawa nangu i ngẽma ngunexü̃ i nüma i Babiróniacüã̱x rü tá ta to i taxü̃ i nachixü̃anegüarü ãẽ̱xgacügü i nüxü̃ rüporamaexü̃me̱xẽwa nangẽxmagü.

Ngechuchuarü ngúexü̃gü ga yamugüxü̃arü puracüchiga 15:18

Rü yemaacü nüxü̃ nixu ga nüma ga Cori ya Tupana ga nũxcümama tüxü̃ nüxü̃ cua̱xẽẽcü ga yema” —ñanagürü ga yema ore ga nũxcüma ümatüxü̃.

Danié 9:2

Rü gumá taunecü ga nagu yangucuchicügu ga Daríu rü choma ga Danié rü nawa íchangu̱x ga yema popera ga Tupanaarü orearü uruxü̃ ga Yeremía ümatüxü̃. Rü yema ore ga nawa changúxü̃ rü nüxü̃ nixu nax 70 ya taunecü tá ninge nax chixexü̃wa nangẽxmaechaxü̃ ya Yerucharéü̃, yerü yemaacü nixĩ ga Cori ya Tupana Yeremíamaxã nüxü̃ yaxuxü̃.

Yox 14:14

Rü ngẽxguma nayu̱xgu i wüxi i yatü ¿rü ñuxãcü tá wena namaxü̃xü̃? Choma rü guxü̃ i ngunexü̃gu íchayanguxẽxẽ nax chorü puracüwa icharüngü̃xü̃ rü nawa íchanguxuchixü̃ i ngẽma ngúxü̃ i chingexü̃.

Ichaía 13:17

Rü choma rü tá Médiatanüxü̃xü̃ chamu nax Babiróniacüã̱xgüxü̃ nada̱i̱xü̃ca̱x. Rü ngẽma duü̃xü̃gü rü tama diẽrugu narüxĩnüe rü tama úiru nüxü̃́ ngúchaü̃xü̃ i duü̃xü̃gü nixĩgü.

Danié 5:25

Rü ñaagü nixĩ i ngẽma ore: Méne rü Méne rü Tekél rü Pársin.