Danié 5:23 - Tupanaarü Ore

²³ Dücax, Pa Ãẽ̱xgacüx, cuma rü Cori ya Tupana ya dauxü̃wa ngẽxmacügu quidauxcüraxü̃. Erü curü duü̃xü̃güxü̃ cuyanuxü̃xẽxẽ i ngẽma naxpáü̃gü ga Tupanapata ya taxü̃nearü ixĩxü̃. Rü ngẽma nüxna cuxuxü̃maxã wüxigu ngẽma naxpáü̃güwa peyaxaxü ga bínu, rü nüxü̃ picua̱xüü̃gü i ngẽma perü tupanachicüna̱xãgü i úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x i ngearü maxü̃ã́xü̃, rü tama tüxü̃ dauxü̃, rü tama tüxü̃ ĩnüxü̃ rü taxuxü̃ma cuáxü̃. Natürü tama nüxü̃ quicua̱xüxü̃ ya yimá Tupana ya naxme̱xwa nangẽxmacü i curü maxü̃ rü namaxã icuácü i guxü̃ma i ta̱xacü icuxüxü̃.

Danié 5:23 Referans Kwoze

Yox 12:10

Rü naxme̱xwa nixĩ i nangẽxmaxü̃ i guxü̃ma i ta̱xacü i maxẽxü̃arü maxü̃.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Yeremía 10:23

Pa Corix, choma nüxü̃ chacua̱x nax wüxichigü i duü̃xü̃ rü tama norü maxü̃arü yora nax yixĩxü̃, rü tama nüxü̃ nacua̱x nax ta̱xacü tá nüxü̃ ngupetüxü̃.

Ichaía 37:23

¿Rü texéchiga nixĩ ga chixri quidexaxü̃ rü texémaxã nixĩ ga cuguxchigaxü̃? ¿Rü texémaxã nixĩ ga quipuraxü̃ rü cunuxetüxü̃? Rü cumaxã nüxü̃ chixu rü chomaxã nixĩ i cunuxü̃ i choma i Iraétanüxü̃arü Tupana ya Üünecü.

Ichaía 2:12

Rü ngẽma ngunexü̃gu rü nüma ya Cori ya Tupana rü tá nanaxãneexẽxẽ i guxü̃ma i ngẽma nügü icua̱xüü̃güxü̃ rü ngẽma nügü írütagüxü̃ rü ngẽma togüétüwa nügü ngẽxmagüxẽẽxü̃.

Yeremía 50:29

Rü Cori ya Tupana rü ñanagürü: —¡Naxca̱x pengẽma i guxü̃ma i ngẽma churaragü i würaã́xü̃ nax Babiróniaca̱x íyaxü̃ãchixü̃ca̱x! ¡Rü nüxü̃ ínachomaeguãchi ya yima ĩane nax taxuxü̃ma iñaxü̃ca̱x! ¡Ngẽma nixĩ i norü natanü naxca̱x ga yema chixexü̃ ga naxügüxü̃! ¡Rü yema nümagü naigü ga ĩanegümaxã naxügüxü̃rüxü̃ namaxã penaxü i ngẽma Babiróniacüã̱x! Yerü nügü ínarüporae nax chomaxã nanuexü̃ i choma nax Cori ya Iraétanüxü̃arü Tupana ya üünecü nax chixĩxü̃.

Ucu̱xẽgüchiga 20:24

Nüma ya Cori ya Tupana nixĩ i duü̃xü̃arü maxü̃maxã inacuáxü̃. Taxúema nüxü̃ tacua̱x nax ta̱xacü tá yixcüra tüxü̃ ngupetüxü̃.

Yox 31:4

¿Rü tama ẽ̱xna Tupana nüxü̃ nadau i ngẽma chaxüxü̃? ¿Rü tama ẽ̱xna nanangugü ega ngextá chaxũxgu?

Popera ga Yudíugü ga yaxõgüxü̃ca̱x ümatüxü̃ 4:13

Rü nataxutama i ta̱xacü ya Tupana üxü̃ i tá na̱xcha̱xwa nügü icúxü̃, erü nape̱xewa rü guxü̃ma nango̱x. Rü guxü̃xü̃ma nadau rü guxü̃xü̃ma nacua̱x ya yimá tá namaxã nüxü̃ ixucü i tórü maxü̃chiga.

Wiyaegü 139:3

Rü ngẽma íchixũgüxü̃wa rü cuma rü nüxü̃ cucua̱x i guxü̃ma i ngẽma chaxüxü̃.

Norü taxre ga popera ga ãẽ̱xgacügüchiga 14:10

Rü choma rü nüxü̃ chacua̱x nax Edóü̃tanüxü̃xü̃ nax cuda̱i̱xü̃, rü ngẽmaca̱x cugü quicua̱xüüxü̃ i ñu̱xmax. Rü name nixĩ nax cugü quicua̱xüxü̃, natürü narümemae nixĩ nax ngéma cupatawatama cungexmaxü̃. ¿Rü tü̱xcüü̃ naxca̱x cudau nax cugütama chixexü̃gu cunguxẽxẽxü̃ rü chixexü̃gu cunanguxẽxẽxü̃ i Yudáane? —ñanagürü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:6

Rü yíxema ngẽma yaxõgüxü̃maxã icuáxe rü tama name nax wüxi ya ngexwaca yaxṍxe tixĩxü̃, erü ngürüãchi tá tügü ticua̱xüxü̃ rü ngẽmagagu nagu tangu i ngẽma poxcu i Chatanáca̱x namexẽẽxü̃ ya Tupana.

1 Corintios 8:4

Rü ngẽma nax nangṍxü̃ i ngẽma namachi i tupananetachicüna̱xãgüca̱x daixü̃, rü meama nüxü̃ tacua̱x nax taxuwama namexü̃ i ngẽma tupananetachicüna̱xãgü, erü tama aixcüma Tupanaxü̃chi nixĩgü. Erü wüxixicatama nixĩ ya Tupana ixĩcü, rü nataxuma i to.

Ngechuchuarü ngúexü̃gü ga yamugüxü̃arü puracüchiga 17:25

Rü nüma ya Tupana rü taxuca̱xma nanaxwa̱xe i texéarü ngü̃xẽxẽ erü taxuxü̃ma nüxü̃́ nataxu. Rü nüma nixĩ i guxãna naxããxü̃ i maxü̃, rü buanecü ya namaxã ingü̃ãtanücüücü rü guxü̃ma i ta̱xacü i togü ñu̱xma ngẽxmagüxü̃.

Abacú 2:4

¡Rü naxümatü i ñaa ore! “Ngẽma duü̃xü̃gü i chixexü̃ ügüxü̃ rü nügü nicua̱xüü̃gü. Natürü yíxema chope̱xewa imexe rü tá tamaxẽ erü chomaxã tixaixcümagü” —ñanagürü.

Echequié 31:10

Rü ngẽmaca̱x ya Cori ya Tupana rü ñanagürü: Guma nai rü namáchanexüchi rü caixanexü̃wa nangu ga natape̱xe. Rü yemagagu nügü ínarütá rü nügü nicua̱xüxü̃.

Echequié 28:17

Rü yema nax cumexẽchixü̃gagu cugü quicua̱xüxü̃ rü nüxü̃ curüngü̃ma i curü cua̱x. Rü yemaca̱x ga choma rü cuxü̃ chiwa̱xẽxẽ nax wüxi ga cugüruxü̃ quixĩxü̃ca̱x nape̱xewa ga yema togü ga nachixü̃anegüarü ãẽ̱xgacügü.

Echequié 28:5

Rü ngẽma nüxü̃ nax cucuáxü̃ nax ñuxãcü cutaxexü̃ rü ngẽmagagu nimu i curü ngẽmaxü̃gü. Rü ñu̱xma rü ngẽma curü ngẽmaxü̃gümaxã cugü quicua̱xüxü̃.

Echequié 28:2

—Cumax, Pa Yatüx, ¡Yima Tíruarü ãẽ̱xgacümaxã nüxü̃ ixu i ñaa ore! Cori ya Tupana rü ñanagürü cuxü̃: “Cumax, Pa Tírucüã̱xgüarü Ãẽ̱xgacüx, cugü quicua̱xüxü̃ rü cugügu curüxĩnügu rü wüxi i tupana quixĩ rü Tupanaarü toruü̃wa curüto. Rü cuxca̱x rü taxucürüwa curü uanügü cuxü̃ narüporamae erü márcutüwa cungexma. Natürü i cumax rü tama wüxi i tupana quixĩ. Rü wüxi i duü̃xü̃mare quixĩ woo nagu curüxĩnügu nax wüxi i tupanaarü cua̱x cuxü̃́ ngẽxmaxü̃.

Ichaía 42:5

Rü Cori ya Tupana rü ñanagürü: —Choma nixĩ ya Tupana chixĩxü̃, rü choma nixĩ i chanaxüxü̃ i dauxü̃guxü̃ i naane rü ñoma i naane rü guxü̃ma i nawa rüxügüxü̃. Rü choma nixĩ i maxü̃ nüxna chaxãxü̃, rü chayangü̃atanücüüxẽẽxü̃ i guxü̃ma i duü̃xü̃gü i ñoma i naanewa maxẽxü̃.

Ichaía 33:10

Rü nüma ya Cori ya Tupana rü ñanagürü: —Ñu̱xma rü tá chayanguxẽxẽ i ngẽma nüxü̃ chixuxü̃ rü tá ichanawe̱x i chorü pora.

Wiyaegü 146:4

Rü ngẽxguma nayuegu i ngẽma duü̃xü̃gü rü wenaxarü waixü̃müxü̃ nixĩgü. Rü ngẽma ngunexü̃gutama inayarüxo i guxü̃ma i ta̱xacü i nagu naxĩnüexü̃.

Wiyaegü 115:16

Rü Cori ya Tupanaarü nixĩ i daxũguxü̃ i naane, natürü duü̃xü̃güna nanaxã i ñoma i naane.

Wiyaegü 104:29

Natürü ngẽxguma ícunawogügu rü nümagü rü nanaxĩ̱xãchiãẽgü. Rü ngẽxguma nüxna cunayaxu̱xgu ya buanecü rü nayue rü wenaxarü waixü̃müxü̃ nixĩgü.

Ãẽ̱xgacügü ga guxchaxü̃güarü mexẽxẽruü̃gü 16:23

Rü nümagü ga Firitéugüarü ãẽ̱xgacügü rü nataãẽgü rü nanaxüchíügü ga Chanchóü̃xü̃ nax yayauxgüxü̃. Rü norü tupana ga Dagóü̃ca̱x naxü̃na nadai rü ñu̱xũchi naxca̱x ínanagu. Rü ñaãcü nawiyaegü: —Tórü tupana rü taxme̱xgu nananguxẽxẽ i tórü uanü i Chanchóü̃ —ñanagürügü.

Naanearü ügüchiga 14:19

Rü ñaa oremaxã mexü̃ Abráü̃maxã naxuegu rü ñanagürü: —¡Tupana ya Guxü̃étüwa Ngẽxmacü i daxũguxü̃ i naanearü üruxü̃ rü ñoma i naanearü üruxü̃ rü poraãcü mexü̃ cuwa naxü̱x! ¡Rü namecümaxüchi ya Tupana ya Guxü̃étüwa Ngẽxmacü ya curü uanügüxü̃ cuxü̃ rüporamaexẽẽcü! —ñanagürü. Rü yexguma ga Abráü̃ rü Melquichedéxna nanaxã ga norü diésmu natanüwa ga yema yemaxü̃gü ga napuxü̃xü̃.

Naanearü ügüchiga 2:7

Rü yexguma Cori ya Tupana naxü̱xgu ga gumá yatü, rü waixü̃müte̱xewa nanaxü. Rü naraü̃gu nacue rü yemaacü maxü̃ nüxna naxã. Rü yexguma namaxü̃ã̱x ga yatü.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:20

Natürü ga yema togü ga duü̃xü̃gü ga tama yema poxcuruü̃gümaxã yuexü̃, rü tama nüxü̃ narüxoe ga yema chixexü̃gü ga naxügüxü̃. Rü tama nüxü̃ narüxoe nax nüxü̃ yacua̱xüü̃güxü̃ ga ngo̱xogü rü yema tupananetachicüna̱xãgü ga úirunaxca̱x rü diẽrumünaxca̱x rü cobrenaxca̱x rü nutagünaxca̱x rü nainaxca̱x. Rü yemaacü nüxü̃ nicua̱xüü̃güama ga yema norü tupananetachicüna̱xãgü ga ngearü maxü̃ã́xü̃ rü tama nüxü̃ daugüxü̃ rü tama nüxü̃ ĩnüexü̃ rü tama ixĩxü̃.

Ichaía 13:11

Rü nüma ya Cori ya Tupana rü ñanagürü: —Tá chanapoxcue i ñoma i naanecüã̱x naxca̱x i ngẽma norü chixexü̃. Rü ngẽma duü̃xü̃gü i chixexü̃gu maxẽxü̃ rü tá chanapoxcu naxca̱x i ngẽma nax namáetagüxü̃. Rü tá ichayanaxoxẽxẽ i nacüma i namaxã nügü ínatagüxü̃ i ngẽma duü̃xü̃gü i nügü icua̱xüü̃güxü̃. Rü tá chanaxãneexẽxẽ i ngẽma nügü írütagüxü̃ rü ngẽma taxuwama toguexü̃ mexẽẽgüxü̃.

Ichaía 14:13

Rü cumax rü cugüãẽwa nagu curüxĩnü rü ñacurügü: “Choma rü daxũguxü̃ i naanegu i Tupanaarü ẽxtagüétügu tá chaxĩnagü nax ngéma charütoxü̃ca̱x. Rü yima ma̱xpǘne ya nórtewaama üxü̃ne i nawa nangutaque̱xene i ngẽma tupanagü i duü̃xü̃gü namaxã tupanaã́xü̃ rü yimawa tá chanangexmaxẽxẽ i chorü tochicaxü̃.

Yeremía 48:26

Moá rü marü Tupanamaxã nanu. Rü ngẽmaca̱x name i norü uanügü nanaxãnexẽxẽ rü nüxü̃ nacugüe ñoma wüxi i ngaxü̃xü̃xü̃ nacugüexü̃rüxü̃ i ngẽxguma norü oxüétüwa yadixegucüügu.

1 Chamué 17:26

Rü yexguma ga Dabí rü yema naxü̃tawa yexmagüxü̃na naca rü ñanagürü: —¿Ta̱xacümaxã tá nüxü̃́ naxãtanü ya yimá yatü ya ñaa Firitéuxü̃ imácü rü naxoxẽẽcü nax ngẽma Iraéanecüã̱xgümaxã ta̱xacü nax yaxugüxü̃? ¿Erü ta̱xacü nixĩ i ñaa Firitéu i tama Tupanaxü̃ cuáxü̃ rü ngẽmaca̱x Tupana ya Maxü̃cüarü churaragüxü̃ naxãũxũnexü̃? —ñanagürü.

1 Chamué 17:36

Rü choma i curü duü̃xü̃, Pa Ãẽ̱xgacüx, rü woo leóü̃ yixĩxgu rüe̱xna osu i düraxü̃ yixĩxgu rü chayama̱x. Rü ñaa Firitéu i tama Tupanaxü̃ cuáxü̃ rü ngẽmaãcü tá namaxã chanaxü, erü Tupana ya Maxü̃cüarü churaragüxü̃ naxãũxũne.

Yeremía 50:28

Rü ngẽma duü̃xü̃gü i Babiróniawa buxmüxü̃ rü Chióü̃wa ngugüxü̃, rü nüxü̃ nixugüe nax aixcüma tórü Cori ya Tupana napoxcuexü̃ i ngẽma Babiróniacüã̱x naxca̱x ga yema chixexü̃ ga Tupanapata ga taxü̃nemaxã naxügüxü̃.

Danié 8:11

Rü nüma ga yema íxraxü̃ ga naxchata̱xcure rü yema Tupanaarü churaragüeruxü̃ nügü narüyexeraxẽẽchaxü̃. Rü inayanaxoxẽxẽ nax Tupanaca̱x yagugüãxü̃ ga ãmaregü ga wüxichigü ga ngunexü̃gu. Rü nanaxãũãchixẽxẽ ga guma Tupanapata.

Danié 11:12

Rü nüma i ngẽma súranearü ãẽ̱xgacü rü tá nügü nicua̱xüxü̃ erü norü uanüxü̃ narüporamae rü ñu̱xũchi nanadai i muxü̃ma i norü uanüarü churaragü. Natürü taxũtáma mucü ya taunecü natai i norü pora.