Danié 5:22 - Tupanaarü Ore

²² Rü cumax, Pa Berchachá nax nachicüxü quingucuchixü̃ ga cunatü ga Nabucudonochó, rü nüxü̃ cucua̱x ga yema nüxü̃ ngupetüxü̃. Natürü cuma rü ta narüü̃tama cugü quicua̱xüxü̃.

Danié 5:22 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 33:23

Natürü nanatü ga Manaché rü Tupanape̱xegu nügü ínarüxíxra natürü nüma ga Amóü̃ rü taguma Tupanape̱xegu nügü ínarüxíxra rü yexeraxü̃ ga chixexü̃ nixüchigüama

Ínachoxü̃xü̃chiga 10:3

Rü Moiché rü Aróü̃ rü Faraóü̃xü̃tawa naxĩ, rü ñanagürügü nüxü̃: —Cori ya Iraétanüxü̃arü Tupana rü cuxca̱x nua namuga rü ñanagürü cuxü̃: “¿Ñuxguratáta i nüxü̃ curüxoxü̃ nax choxna cugü quinuxuxü̃? ¡Rü yange̱xgü i chorü duü̃xü̃gü nax choxü̃ yanacua̱xüü̃güxü̃ca̱x!

Popera ga Chantiágu ümatüxü̃ 4:17

Yíxema nüxü̃ cuáxe nax mexü̃ taxüxü̃, natürü tama naxǘxe, rü pecadu taxü.

Norü taxre ga to ga popera ga ãẽ̱xgacügüchiga ümatüxü̃ 36:12

Natürü nüma rü wüxi ga ãẽ̱xgacü ga Tupanape̱xewa poraãcü chixexü̃ ücü nixĩ. Rü tama inarüxĩnüẽchaü̃ nüxü̃́ ga guma orearü uruxü̃ ga Yeremía ga Cori ya Tupana nawa namaxã idexacü.

Popera ga Chantiágu ümatüxü̃ 4:6

Natürü Tupana rü tüxü̃ narüngü̃xẽxẽ nax tama nagu iyixü̃ca̱x i ngẽma ngúchaü̃gü i chixexü̃gü i ñoma i naanewa ngẽxmagüxü̃. Rü ngẽmaca̱x norü orewa rü ñanagürü: “Tupana rü tümamaxã nanu ya yíxema tügü icua̱xüü̃güxe, natürü tüxü̃ narüngü̃xẽxẽ ya yíxema tügüna daugüxe nax tama tügü ticua̱xüü̃güxü̃ca̱x”, ñanagürü.

Ore i mexü̃ ga Cuáü̃ ümatüxü̃ 13:17

Rü ngẽxguma nüxü̃ pecua̱xgu i chorü ore rü penaxü̱xgu i ngẽma pemaxã nüxü̃ chixuxü̃, rü aixcüma tá petaãẽgü.

Ore i mexü̃ ga Luca ümatüxü̃ 12:47

Rü ngẽma coriarü duü̃xü̃ i nüxü̃ cua̱xchiréxü̃ nax ta̱xacü nanaxwa̱xexü̃ i norü cori, natürü tama yanguxẽẽxü̃ rü tama norü coriga ĩnüxü̃, rü tá poraãcü nanacua̱xi.

Ore i mexü̃ ga Matéu ümatüxü̃ 21:32

Yerü Cuáü̃ ga báiü̃xẽẽruxü̃ rü núma naxũ nax pemaxã nüxü̃ yaxuxü̃ca̱x nax ñuxãcü tá pemaxẽxü̃, natürü ga pema rü tama nüxü̃́ peyaxõgü. Natürü ga yema yatügü ga Rómaarü ãẽ̱xgacüca̱x diẽru ngĩxü̃ dexü̃ rü yema ngexü̃gü ga naxü̃nemaxã taxexgüxü̃ rü Cuáü̃axü̃́ nayaxõgü. Natürü ga pema rü woo nüxü̃ nax pedaugüxü̃ nax yaxõgüãxü̃, rü tama nüxü̃ perüxoechaü̃ i pecüma i chixexü̃ nax peyaxõgüxü̃ca̱x —ñanagürü.

Ore i mexü̃ ga Matéu ümatüxü̃ 14:4

Rü Eróde rü Cuáü̃maxã nanu yerü ga Cuáü̃ rü ñanagürü nüxü̃: —Tama name nax cuxuma̱xmaxã cuxãmaxü̃ —ñanagürü.

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Ichaía 26:10

Rü woo nax cuxü̃́ nangechaü̃tümüxü̃güxü̃ i ngẽma chixexü̃gu maxẽxü̃, Pa Corix, natürü nümagü rü tama nüxü̃ nacua̱xgüéga nax ñuxãcü tá mea namaxẽxü̃. Rü woo duü̃xü̃gü i mea imaxẽxü̃tanüwa nangẽxmagügu, natürü chixexü̃ naxügüama rü tama nüxü̃ nacua̱xgüéga i ngẽma Cori ya Tupanaarü mexü̃.

Wiyaegü 119:46

Rü ãẽ̱xgacügüpe̱xewa tá nüxü̃ chixu i curü mugü rü taxuca̱xtama chaxãne.

Ichaía 13:11

Rü nüma ya Cori ya Tupana rü ñanagürü: —Tá chanapoxcue i ñoma i naanecüã̱x naxca̱x i ngẽma norü chixexü̃. Rü ngẽma duü̃xü̃gü i chixexü̃gu maxẽxü̃ rü tá chanapoxcu naxca̱x i ngẽma nax namáetagüxü̃. Rü tá ichayanaxoxẽxẽ i nacüma i namaxã nügü ínatagüxü̃ i ngẽma duü̃xü̃gü i nügü icua̱xüü̃güxü̃. Rü tá chanaxãneexẽxẽ i ngẽma nügü írütagüxü̃ rü ngẽma taxuwama toguexü̃ mexẽẽgüxü̃.

Ichaía 14:13

Rü cumax rü cugüãẽwa nagu curüxĩnü rü ñacurügü: “Choma rü daxũguxü̃ i naanegu i Tupanaarü ẽxtagüétügu tá chaxĩnagü nax ngéma charütoxü̃ca̱x. Rü yima ma̱xpǘne ya nórtewaama üxü̃ne i nawa nangutaque̱xene i ngẽma tupanagü i duü̃xü̃gü namaxã tupanaã́xü̃ rü yimawa tá chanangexmaxẽxẽ i chorü tochicaxü̃.