Danié 5:21 - Tupanaarü Ore

²¹ Rü duü̃xü̃güna nixũgachi rü yema norü ĩnü rü naxü̃nagüarü ĩnürüxü̃ nixĩ. Rü naixnecücüã̱x ga búrugütanüwa namaxü̃. Rü wocagürüxü̃ maxẽ nanangõ̱x rü cherenamaxã niwaixine. Rü yemaacü nüxü̃ nangupetü ñu̱xmata düxwa nüxna nacua̱xãchi nax yimá Tupana ya Guxãétüwa Ngẽxmacü nax nüxü̃́ ngẽxmaxü̃ i pora nax namaxã inacuáxü̃ i guxü̃ma i ãẽ̱xgacügü i ñoma i naanewa ngẽxmagüxü̃. Rü nüma ya Tupana rü ãẽ̱xgacüxü̃ tüxü̃ nixĩxẽxẽ ya yíxema nüma norü me ixĩxẽ nax ãẽ̱xgacü tixĩxü̃ca̱x.

Danié 5:21 Referans Kwoze

Danié 4:25

Erü cumax, Pa Ãẽ̱xgacüx, rü taxũtáma duü̃xü̃gütanüwa cungexma, rü naxü̃nagütanüwa tá cumaxü̃ rü wocagürüxü̃ tá maxẽ cunangõ̱x, rü cherena rü tá cuxü̃ niwaixẽxẽ. Rü ngẽmaãcü tá cumaxü̃ i 7 ya taunecü ñu̱xmatáta naxca̱x íquicuáx nax texé yixĩxü̃ ya yimá namaxã icuácü i guxü̃ma i ãẽ̱xgacügü i ñoma i naanewa ngẽxmagüxü̃. Erü nüma nixĩ i tüxü̃ yamucuchixü̃ ya yíxema nüma natümawa̱xéxe nax ãẽ̱xgacü tixĩxü̃ca̱x.

Echequié 17:24

Rü guxü̃ma i ngẽma naigü i naanewa rüxügüxü̃ rü tá nüxü̃ nacua̱xgü nax choma chixĩxü̃ ya Cori ya Tupana. Choma rü chayadaxüchi i ngẽma nai i nügü írütaxü̃, rü chanayaxẽxẽ i ngẽma nai i nügü írüxíxraxü̃. Choma rü chanagüatüxẽxẽ i ngẽma nai i nügü írümetanüxü̃, rü wena chanaxüatüxẽxẽ i ngẽma nai i igüatüxü̃. Rü choma ya Cori ya Tupana nixĩ i pemaxã nüxü̃ chixuxü̃ rü ñu̱xũchi chayanguxẽẽxü̃ i ngẽma” —ñanagürü ga Cori ya Tupana.

Danié 4:35

Rü ngẽma duü̃xü̃gü i ñoma i naanewa maxẽxü̃ rü cupe̱xewa, Pa Tupanax, rü taxuxü̃ma nixĩgü. Rü cuma cunaxwa̱xexü̃ãcü namaxã icucua̱x i dauxü̃guxü̃ i naane rü ñoma i naane. Rü tataxuma ya texé ya curü poraxü̃ rüyexeraxe. Rü tataxuma ya texé ya tüxü̃́ nangẽxmaxe i pora nax cuxna taca̱xaxü̃ rü ‘¿tü̱xcüü̃ cunaxü i ngẽma cuxüxü̃?’ ñachagürü.

Danié 4:17

Rü yema nixĩ ga yema naimaxã naxuegugüxü̃ ga yema ixüünexü̃ ga dauxü̃cüã̱x ga dauruü̃gü ixĩgüxü̃. Yerü nanaxwa̱xegü nax guxü̃ma i duü̃xü̃gü nüxü̃ cua̱xgüxü̃ nax nüma ya Tupana ya Guxãétüwa Ngẽxmacü rü nüxü̃́ nangẽxmaxü̃ i pora nax namaxã inacuáxü̃ i ngẽma nachixü̃anegüarü ãẽ̱xgacügü i ñoma i naanewa ngẽxmagüxü̃. Rü nüma nixĩ i nüxü̃ naxunetaxü̃ i ngẽma nüma nanaxwa̱xexü̃ nax ãẽ̱xgacügü yixĩgüxü̃. Rü nüma rü nüxü̃́ nangẽxma i pora nax nachixü̃anearü ãẽ̱xgacüxü̃ yangucuchixẽẽãxü̃ i ngẽma duü̃xü̃ i noxri taxuxü̃ma ixĩxü̃’, ñanagürü ga yema dauxü̃cüã̱x.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Yox 39:5

¿Rü texé tixĩ i yange̱xgüxe nax naxĩaneãxü̃ca̱x i ngẽma búrugü i tama íyapuexü̃? ¿Rü texé tixĩ ya wẽxü̃güxe nax naxĩgüxü̃ca̱x i ngẽma búrugü?

Danié 4:34

—Rü yexguma marü yanguxgu ga gumá 7 ga taunecü nax Tupana choxü̃ poxcuxü̃, rü choma ga Nabucudonochó rü dauxü̃gu chadawenü rü nüxü̃ chicua̱xãchi nax cha̱u̱xca̱x mea yataanexü̃ nawa ga nax chaxãũãẽxü̃. Rü ñu̱xũchi mexü̃ nachigaxü̃ chixu ya yimá Tupana ya Guxãétüwa Ngẽxmacü ya guxü̃guma maxü̃cü. Rü ñaa dexamaxã nüxü̃ chicua̱xüxü̃ rü ñachagürü: “Pa Tupanax, curü pora rü taguma inayacua̱x rü cuma rü guxü̃gutáma ãẽ̱xgacü quixĩ.

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Danié 4:14

Rü yema rü tagaãcü ñanagürü: ‘¡Rü penatuxu̱x i ngẽma nai rü penadaü̃chacüxü̱x, rü penabuxatü, rü ngẽma norü o rü namaxã penawoone nax ngẽmaãcü yabuxmüxü̃ca̱x i ngẽma naxü̃nagü i norü gáuxpechitaca̱x natüü̃gu rüchoxü̃ rü ngẽma werigü i nachacüügu ixüachiãü̃xü̃!

Danié 4:22

Rü yema nai ga taxüchixü̃ ga cunegüwa nüxü̃ cudauxü̃, rü cuchiga nixĩ, Pa Ãẽ̱xgacüx. Rü cuma i ñu̱xmax rü cuporaxüchi rü ngẽma curü ngẽmaxü̃gü rü cunanutaque̱xe ñu̱xmata dauxü̃guxü̃ i naanewa nangu, rü ngẽmaãcü guxü̃ i nachixü̃anegümaxã icucua̱x.

Danié 4:26

Rü yema dauxü̃cüã̱xarü ore nax yema nachime rü naxchúma̱xã yéma waixü̃müanewa yaxǘgüxẽẽxü̃ rü ngẽma rü nüxü̃ nixu, Pa Ãẽ̱xgacüx, nax wena táxarü cuchixü̃anemaxã icucuáxü̃ i ngẽxguma nüxna cucua̱xãchigu nax nüma ya Tupana yixĩxü̃ ya guxãétüwa ngẽxmacü.