Danié 5:20 - Tupanaarü Ore

²⁰ Natürü yexguma nügü yacua̱xüxü̃gu rü taxúegama naxĩnügu, rü Tupana rü nüxna nanayaxu ga norü pora, rü ínanata̱xüchi ga ãẽ̱xgacü nax yixĩxü̃.

Danié 5:20 Referans Kwoze

Popera ga Yudíugü ga yaxõgüxü̃ca̱x ümatüxü̃ 3:13

Rü ngẽmaca̱x ñu̱xma nax pexü̃́ natauxchaxü̃, rü name nixĩ nax wüxichigü pegüaxü̃́ penangúchaü̃xẽẽxü̃ i guxü̃ i ngunexü̃gu nax taxúema i petanüwa Tupanaxü̃ taxoxü̃ca̱x nagagu i ngẽma pecadu i pexü̃ womüxẽẽchaü̃xü̃.

Yeremía 13:18

Cori ya Tupana rü Yeremíaxü̃ ñanagürü: —¡Ãẽ̱xgacümaxã rü naémaxã nüxü̃ ixu i ñaa ore: “¡Ipechigü i ngẽma perü tochicaxü̃wa rü ñaxtüanewamare perütogü! Erü marü taxũtáma ãẽ̱xgacügü pixĩgü, rü ngẽma perü nga̱xcueruxü̃ rü marü taxũtáma peeruwa nangẽxma”, ñanagürü.

Norü taxre ga to ga popera ga ãẽ̱xgacügüchiga ümatüxü̃ 36:13

Rü naétü tama nayanguxẽxẽ ga norü uneta ga Tupanaégagu Babiróniaanearü ãẽ̱xgacü ga Nabucudonochómaxã nüxü̃ yaxuxü̃ nax nüxü̃ tá nangü̃xẽẽxü̃. Rü nüma ga Chedequía rü poraãcü nügü nanuxẽxẽ nax tama Cori ya Iraétanüxü̃arü Tupanaga naxĩnüxü̃ca̱x.

Norü taxre ga popera ga ãẽ̱xgacügüchiga 17:14

Natürü woo Tupana rü norü orearü uruü̃güwa nayaxucu̱xẽgü, natürü ga nüma ga Iraéanecüã̱xgü rü tama inaxĩnüechaü̃ naxrüxü̃ ga norü o̱xigü ga tama aixcüma Cori ya Tupanaaxü̃́ yaxõgüxü̃.

Ínachoxü̃xü̃chiga 9:17

Natürü woo nax cuxü̃ chamaxẽẽxü̃, rü cuma rü tama icuxĩnüchaü̃ rü tama cuyange̱xgüchaü̃ i chorü duü̃xü̃gü.

Ucu̱xẽgüchiga 16:18

Ngẽma nax yigü icua̱xüü̃güxü̃gagu, rü guxchaxü̃gu tayi. Rü ngẽma nax inuexü̃gagu rü chixexü̃gu tayi.

Ore i mexü̃ ga Luca ümatüxü̃ 18:14

Rü pemaxã nüxü̃ chixu rü gumá yatü ga Rómaarü ãẽ̱xgacüca̱x diẽru ngĩxü̃ decü rü yexguma napataca̱x nataeguxgu rü Tupana rü marü nüxü̃́ narüngüma i norü pecadugü. Natürü yema Parichéu rü Tupana rü tama nüxü̃́ narüngüma i norü pecadugü. Erü texé ya tügü icua̱xüxü̃xe rü Tupana tá tüxü̃ naxãnexẽxẽ. Natürü texé ya tama tügü icua̱xüxü̃xe rü Tupana rü tá tüxü̃ nicua̱xüxü̃ —ñanagürü ga Ngechuchu.

Yeremía 19:15

—Nüma ya Cori ya Guxãétüwa Ngẽxmacü ya Iraétanüxü̃arü Tupana ixĩcü rü ñanagürü: “Daa ĩaneca̱x rü guxü̃nema ya norü ngaicamagüne ya ĩanegüca̱x tá íchananguxẽxẽ i guxü̃ma i ngẽma poxcu i pemaxã nüxü̃ chixuxü̃, erü tama naga pexĩnüechaü̃ i chorü ore” —ñanagürü.

Ucu̱xẽgüchiga 16:5

Nüma ya Cori ya Tupana tama namaxã nataãxẽ i ngẽma nügü icua̱xüü̃güxü̃. Nümagü rü aixcüma tá nüxü̃́ nangẽxma i norü poxcu naxca̱x i ngẽma naxügüxü̃.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Echequié 30:6

Rü ngẽmaca̱x i choma i Cori ya Tupana rü ñacharügü: ‘Guxü̃ma i ngẽma Equítuaneétüwa ügüxü̃ rü tá daigu nayue. Rü Midóxwa tá inaxügü rü ñu̱xmatáta Achuáü̃gu yacuá nax nayuexü̃. Rü ngẽma ngü̃xẽxẽ i nügü namaxã yacua̱xüxü̃ ga Equítuane rü tá ngẽxma narüxo. Rü choma ya Cori ya Tupana nixĩ i nüxü̃ chixuxü̃ i ngẽma.

Yeremía 48:18

Pa Ĩane ya Dibóü̃x nax mexü̃wa cungexmaxü̃, rü name nax curüxüexü̃ nawa i cuchica i mexü̃, ¡rü waixü̃müane i paxü̃wa rüto! Erü ngẽma Moáanearü chixexẽẽruxü̃ rü cuxca̱xama nixũ rü marü nayawa̱xgüxẽxẽ i curü poxegutapü̱xgü.

Ichaía 47:1

Rü ñanagürü ga Tupana: —Pa Babiróniacüã̱xgüx, noxri rü muxü̃ma ga nachixü̃anegümaxã ipecua̱xgü natürü i ñu̱xma rü marü peturae rü waixü̃müte̱xewa tá perütogü. Rü yima perü ĩane ga noxri wüxi i pacü i mexẽchicürüxü̃ ixĩxü̃ne rü duü̃xü̃gü rü marü tagutáma nüxü̃ nixugüe nax namexẽchixü̃.

1 Chamué 6:6

¿Rü tü̱xcüü̃ pegü ípenataiãchiarü maxü̃ã̱xgü narüxü̃ ga yema Equítuanecüã̱xgü rü norü ãẽ̱xgacü ga Faraóü̃? Yerü yexguma Tupana düxwa guxchaxü̃ naxca̱x ínguxẽẽguxicatama nixĩ ga Iraétanüxü̃xü̃ yange̱xgüxü̃.

Ínachoxü̃xü̃chiga 18:11

Rü ñu̱xmax rü nüxü̃ chacua̱x nax nüma ya Cori ya Tupana rü guxü̃ma i tupananetagüétüwa nangẽxmaxü̃, yerü nüma ya Tupana rü Iraétanüxü̃xü̃ ínanguxü̃xẽxẽ naxme̱xwa ga yema duü̃xü̃gü ga nagu idaucüraxü̃güxü̃ —ñanagürü.

Echequié 31:10

Rü ngẽmaca̱x ya Cori ya Tupana rü ñanagürü: Guma nai rü namáchanexüchi rü caixanexü̃wa nangu ga natape̱xe. Rü yemagagu nügü ínarütá rü nügü nicua̱xüxü̃.

Danié 8:8

Rü yema chíbu rü yexeraãcü niporachigü. Natürü yema ngunexü̃ ga yexera nagu naporaxü̃gu rü nibüye ga guma naxchata̱xcure ga taxü̃ne ga namaxã naporane. Rü gumachicawa inarüyi ga ãgümücü ga naxchata̱xcuregü. Rü wüxi rü nórteguama natoenü, rü nai i súrgu, rü nai i éstegu rü nai i oéstegu.

Danié 11:36

Rü ngẽma Nórtearü ãẽ̱xgacü rü guxü̃ma i ngẽma nüma nanaxwa̱xexü̃ tá naxümare. Rü tá nügü nicua̱xüxü̃ rü tá nügügu nayaxõ nax guxü̃ma i tupananetagüarü yexera naporamaexü̃. Rü Tupanamaxã tá naguxchiga. Rü guxü̃táma i ngẽma naxüxü̃wa rü mea tá nüxü̃́ ínanguxuchi rü ñu̱xmata Tupana naxca̱x ínanguxẽxẽ i norü poxcu. Erü ngẽma Tupana ueguxü̃ rü tá nayanguxẽxẽ.

Ínachoxü̃xü̃chiga 9:7

Rü nüma ga Faraóü̃ rü norü duü̃xü̃güxü̃ namu nax íyadaugüãxü̃ca̱x rü aixcüma yixĩ nax taxuxü̃ma yuexü̃ ga Iraétanüxü̃arü naxü̃na. Rü woo yemaxü̃ nax nacuáxchigaxü̃, rü nanuama rü tama nayange̱xgü ga Iraétanüxü̃.

Norü taxre ga to ga popera ga ãẽ̱xgacügüchiga ümatüxü̃ 32:25

Natürü yemaétüwa rü nüma ga Echequía rü tama Tupanana moxẽ naxã naxca̱x ga yema norü ngü̃xẽxẽ rü nügü nicua̱xüxü̃. Rü yemaca̱x nüma ga Tupana rü Echequíamaxã nanu. Rü yexgumarüxü̃ ta guxü̃ma ga Yudáanecüã̱xgümaxã rü Yerucharéü̃cüã̱xgümaxã nanu.

Danié 4:26

Rü yema dauxü̃cüã̱xarü ore nax yema nachime rü naxchúma̱xã yéma waixü̃müanewa yaxǘgüxẽẽxü̃ rü ngẽma rü nüxü̃ nixu, Pa Ãẽ̱xgacüx, nax wena táxarü cuchixü̃anemaxã icucuáxü̃ i ngẽxguma nüxna cucua̱xãchigu nax nüma ya Tupana yixĩxü̃ ya guxãétüwa ngẽxmacü.

Danié 4:28

Rü guxü̃ma ga yema ãẽ̱xgacü ga Nabucudonochómaxã ueguxü̃ rü ningu.