Danié 5:17 - Tupanaarü Ore

¹⁷ Rü yexguma ga nüma ga Danié rü nanangãxü̃ rü ñanagürü: —Pa Ãẽ̱xgacüx, tama chanaxwa̱xe i ngẽma ãmaregü. ¡Rü togüxü̃mare naxuneta nax cumaxã ãẽ̱xgacüxü̃ cupatawa nangẽxmaxü̃ca̱x! Natürü, Pa Ãẽ̱xgacüx, rü tá cumaxã nüxü̃ chixu i ta̱xacüchiga yixĩxü̃ i ngẽma dexagü i ĩxtapü̱xgu ümatüxü̃.

Danié 5:17 Referans Kwoze

Norü taxre ga popera ga ãẽ̱xgacügüchiga 5:16

Natürü nüma ga Erichéu rü nanangãxü̃ rü ñanagürü: —Chorü Tupanaégagu cumaxã nüxü̃ chixu rü taxũtáma cuxü̃́ chanayaxu i ngẽma ãmare —ñanagürü. Rü nüma ga Naamáü̃ rü namaxã nayachixewechigüama nax nüxü̃́ naya̱u̱xãxü̃ca̱x. Natürü ga nüma ga Erichéu rü tama nanayaxu.

Ngechuchuarü ngúexü̃gü ga yamugüxü̃arü puracüchiga 8:20

Rü yexguma ga Pedru rü ñanagürü nüxü̃: —¡Cumaxã iyanataxu̱x i curü diẽru, erü ngĩmaxã naxca̱x cutaxechaü̃ i Naãxẽ ya Üünecü ya Tupana tüxna mumarexü̃!

Danié 5:29

Rü yexgumatama ga nüma ga ãẽ̱xgacü ga Berchachá rü norü duü̃xü̃güxü̃ namu nax Daniéxü̃ dauxracharaxü̃ ga naxchirugu yacu̱xẽẽgüaxü̃ca̱x, rü wüxi ga cadéna ga úirunaxca̱xmaxã naxüchagügüãxü̃ca̱x. Rü guxãmaxã nüxü̃ nixu nax nüma ya Danié yixĩxü̃ ga norü tomaepü̱xwa naxüxü̃ nax ãẽ̱xgacü yixĩxü̃.

Danié 2:6

Natürü ngẽxguma chomaxã nüxü̃ pixuxgu nax ta̱xacügu chaxãnegüxü̃ rü ta̱xacüchiga nax yixĩxü̃, rü tá pexna chanaxã i ãmaregü rü tá pemaxã chataãxẽ. Rü ngẽmaãcü tá pemaxã chanaxü ega chomaxã nüxü̃ pixuxgu i ngẽma chaunegü —ñanagürü.

Wiyaegü 119:46

Rü ãẽ̱xgacügüpe̱xewa tá nüxü̃ chixu i curü mugü rü taxuca̱xtama chaxãne.

Norü taxre ga popera ga ãẽ̱xgacügüchiga 5:26

Natürü nüma ga Erichéu rü nüxna nicachigüama rü ñanagürü: —¿Tama ẽ̱xna nüxü̃ cucua̱x i ngẽxguma Naamáü̃ naweü̃wa cuxca̱x ixüegu rü Tupana rü choxü̃ nüxü̃ nacua̱xẽxẽ i ngẽma? Natürü ñu̱xma nax Tupanaarü poramaxã yixĩxü̃ i naxca̱x yataanexü̃ i ngẽma yatü, rü ngẽmaca̱x tama name nax naxü̃tawa naxca̱x ícaxü̃ i naxchiru, rü nayauxtanüxü̃ nax naxca̱x itaxexü̃ca̱x i naanegü, rü úbanecügü, rü carnérugü, rü wocagü, rü puracütanüxü̃ i yatüxü̃gü rü ngexü̃gü.

Norü taxre ga popera ga ãẽ̱xgacügüchiga 3:13

Natürü nüma ga Erichéu rü Iraéanearü ãẽ̱xgacüxü̃ nangãxü̃ rü ñanagürü: —Choxü̃́ nataxuma i ta̱xacüchiga cumaxã chixuxü̃. ¡Ẽcü nüxna yaca i ngẽma cunatü rü cuéarü tupananetagüarü orearü uruü̃gü! —ñanagürü. Natürü nüma ga Iraéanearü ãẽ̱xgacü rü nidexachigüama rü ñanagürü: —Tama. Erü nüma ya Cori ya Tupana rü nua toxü̃ nagagü i toma i tomaepü̱x i ãẽ̱xgacügü nax Moáanecüã̱xme̱xẽgu toxü̃ nayixẽẽxü̃ca̱x —ñanagürü.