Danié 5:11 - Tupanaarü Ore

¹¹ Erü nua cuxme̱xwa nangẽxma i wüxi i yatü ya Tupana ya Üünecüãxẽ nawa ngẽxmaxü̃. Rü yexguma guma cunatü ya Nabucudonochó ãẽ̱xgacü ixĩxgu, rü yema yatü inanawe̱x nax tupanagürüxü̃ aixcüma naãẽxü̃ nacuáxü̃. Rü yemaca̱x ga guma cunatü rü guxü̃ma ga norü ucu̱xẽruü̃güeru nayaxĩxẽxẽ.

Danié 5:11 Referans Kwoze

Danié 4:18

Rü yema nixĩ, Pa Betacháx, ga yema chaunegü ga choma i ãẽ̱xgacü ya Nabucudonochó nagu chaxãnegüxü̃. ¡Rü ñu̱xma rü chomaxã nüxü̃ ixu nax ta̱xacüchiga yixĩxü̃ ga yema chaunegü! Erü taxuxü̃ma i ngẽma togü i chorü ucu̱xẽruü̃gü i nüxü̃ cua̱xüchichiréxü̃ nüxü̃ nacua̱xgü i ngẽma. Natürü i cumax rü tá nüxü̃ cucua̱x nax ta̱xacüchiga yixĩxü̃ erü cuwa nangẽxma i naãxẽ ya yimá Tupana ya Üünecü”, ñachagürü.

Danié 5:14

Rü chomaxã nüxü̃ nixugü nax tupanagüãxẽ cuwa ngẽxmaxü̃, rü ngẽmaca̱x nixĩ i cua̱x cuxü̃́ ngẽxmaxü̃ rü nüxü̃ cucua̱xüchixü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:9

Rü nangẽxma i duü̃xü̃gü i Chatanáarü ixĩgüxü̃ i nügü ixugüxü̃ nax chorü duü̃xü̃gü yaxĩgüxü̃, natürü tama aixcüma choxrü duü̃xü̃gü nixĩgü. Rü tá chanamu i ngẽma duü̃xü̃gü nax cupe̱xegu nacaxã́pü̱xügüxü̃ca̱x nax nüxü̃ nacua̱xgüxü̃ca̱x nax aixcüma cuxü̃ changechaü̃xü̃.

Ngechuchuarü ngúexü̃gü ga yamugüxü̃arü puracüchiga 12:22

Rü yexguma ga guxü̃ma ga yema duü̃xü̃gü rü tagaãcü ñanagürügü: —Ñaa ãẽ̱xgacü rü tama duü̃xü̃arü dexárüxü̃ nixĩ i norü dexa, natürü ñoma Tupanaarü dexárüxü̃ nixĩ —ñanagürügü.

Danié 2:11

Pa Ãẽ̱xgacüx, rü ngẽma naxca̱x ícuca̱xaxü̃ rü poraãcü naguxchaxüchi rü tataxuma ya texé ya nüxü̃ cuáxe nax nüxü̃ tixuxü̃ nax ta̱xacüchiga nax yixĩxü̃ i ngẽma nagu cuxãnegüxü̃. Rü ngẽma tachixü̃anearü tupanagüxicatama nixĩ i nüxü̃ cuáxü̃ nax ta̱xacüchiga nax yixĩxü̃, natürü nümagü rü tama nua duü̃xü̃gütanüwa namaxẽ —ñanagürügü.

2 Chamué 14:17

Rü chomax nax curü duü̃xü̃ chixĩxü̃ rü íchayanguxẽxẽ i ngẽma curü ngãxü̃, Pa Ãẽ̱xgacüx, nax choxü̃ nataãẽxẽẽxü̃ca̱x, erü cumax, Pa Ãẽ̱xgacüx, rü ñoma wüxi i daxũcüã̱x i Tupanaarü orearü ngeruxü̃rüxü̃ nüxü̃ cucua̱x nax ngexü̃rüüxü̃ yixĩxü̃ i mexü̃ rü chixexü̃. ¡Rü Cori ya Tupana cuxü̃tawa ngexma̱x, Pa Ãẽ̱xgacü! —ngĩgürügü.

Ngechuchuarü ngúexü̃gü ga yamugüxü̃arü puracüchiga 16:16

Rü wüxi ga ngunexü̃gu ga yexguma yumüxẽwa taxĩxgu ga tomax, rü yexma ngĩxü̃ tayangau ga wüxi ga pacü ga ngo̱xo ngĩwa yexmacü. Rü yema pacü rü corigü ngĩxme̱xwa diẽru ngĩxü̃ nayauxgü, yerü ngĩma rü duü̃xü̃gümaxã nüxü̃ iyaxu nax ta̱xacü tá yixcüra nangupetüxü̃. Rü yemaca̱x ga duü̃xü̃gü rü diẽrumaxã ngĩxü̃́ nanaxütanü, rü yemagu poraãcü diẽru ngĩxü̃ iyaxu naxca̱x ga ngĩrü corigü.

Ngechuchuarü ngúexü̃gü ga yamugüxü̃arü puracüchiga 14:11

Rü yexguma yema muxü̃ma ga duü̃xü̃gü nüxü̃ daugügu ga yema nax naxüxü̃ ga Pauru, rü tagaãcü yema Licóniagawa nidexagü, rü ñanagürügü: —Tupanagü i naduü̃xü̃güraxü̃xü̃ ínarüxĩgü, rü tatanüwa nangugü —ñanagürügü.

Naanearü ügüchiga 41:38

Rü yemaca̱x ga Faraóü̃ rü ñanagürü norü duü̃xü̃güxü̃: —¿Ngextá chi nüxü̃ iyarünga̱u̱xü̃ i to i yatü i ñaa Yúcherüxü̃ Tupanaãxẽ nawa ngẽxmaxü̃? —ñanagürü.

Echequié 28:3

¿Rü cumax, Pa Tíruarü Ãẽ̱xgacüx, nagu curüxĩnügu rü Tupanaarü orearü uruxü̃ i Daniéarü yexera nüxü̃ curücua̱xmae? ¿Ẽ̱xna nagu curüxĩnügu rü nataxuma i ta̱xacü i cuxca̱x ẽxü̃guxü̃?

Danié 1:4

Rü yema ngextü̱xüxü̃gü ga yadexechixü̃ rü nimechametü rü naxü̃newa taxuwama nichixe, rü meama naãẽxü̃ nicua̱x, rü meama poperaxü̃ icuáxü̃ nixĩgü nax yemaacü guxü̃wama yamexü̃ nax ãẽ̱xgacüpatawaarü ngü̃xẽẽruxü̃ yixĩgüxü̃ca̱x. Rü ñu̱xũchi nüma ga Apená rü yema ngextü̱xüxü̃güxü̃ nangúexẽxẽ ga naga ga Babiróniacüã̱x rü nacümagü ga poperagu ümatüxü̃.

Danié 2:22

Rü nüma rü tüxü̃ nüxü̃ nacua̱xẽxẽ i ngẽma cua̱x i ẽxü̃guxü̃. Rü nüxü̃ nacua̱x i ngẽma ẽanexü̃wa üxü̃ erü nüma rü ngóonexü̃wa nangẽxma.

Danié 5:7

Rü ñu̱xũchi tagaãcü aita naxü ga ãẽ̱xgacü ga Berchachá, rü naxca̱x nangema ga yema norü ucu̱xẽruü̃gü ga ẽxü̃guxü̃xü̃ cua̱xgüxü̃, rü yema cua̱x nüxü̃́ yexmaxü̃, rü yema Babiróniaanecüã̱x ga woramacuriwa ngúexü̃. Rü ñanagürü nüxü̃: —Yíxema nüxü̃ daumatüxe i ngẽma ngẽxma ümatüxü̃ rü nüxü̃ ixuxe nax ta̱xacüchiga yixĩxü̃, rü naxchiru i dauxracharaxü̃gu tá tüxü̃ chicu̱xẽxẽ, rü úirunaxca̱x ya cadénamaxã tá tüxü̃ chaxüchagü, rü tüma tá tixĩ i choweama i norü tomaepü̱xwa taxüxü̃ nax ãẽ̱xgacü tixĩxü̃ —ñanagürü.

Echequié 28:4

Rü cuma rü ngẽma curü cua̱xmaxã rü curü puracümaxã cuxü̃́ natauxcha nax cunanutaque̱xexü̃ i muxü̃ma i curü ngẽmaxü̃gü. Rü ngẽmaãcü úirumaxã rü diẽrumaxã cunapagüxẽxẽ i curü diẽruchixü̃gü.

Danié 4:5

Natürü wüxi ga chütaxü̃gu ga yexguma marü chapexgu rü chaxãnegü. Rü namaxã chaba̱i̱xãchi ga yema nagu chaxãnegüxü̃ yerü yema chaunegüwa nüxü̃ chadauxü̃ rü naxãũcümaxü̃chi, rü yemaca̱x poraãcü chamuü̃.

Danié 4:6

Rü yemaca̱x naxca̱x changema ga guxü̃ma ga chorü ucu̱xẽruü̃gü ga Babiróniaanecüã̱x nax nua choxü̃ íyadaugüxü̃ca̱x rü chomaxã nüxü̃ yaxugüxü̃ca̱x nax ta̱xacüchiga yixĩxü̃ ga yema nagu chaxãnegüxü̃.