Danié 5:1 - Tupanaarü Ore

¹ Nüma ga Berchachá ga nüxí Babiróniaanearü ãẽ̱xgacü ixĩcü, rü nüxna naxu ga 1,000 ga ãẽ̱xgacügü ga yema nachixü̃anecüã̱xgü naxca̱x ga wüxi ga õna ga taxü̃. Rü yema chibüwa rü nüma ga ãẽ̱xgacü rü yema nüxna naxuxü̃ rü poraãcü bínu nayaxaxgü.

Danié 5:1 Referans Kwoze

Ester 1:3

Rü yexguma marü tomaepü̱x ga taunecü ãẽ̱xgacü yixĩxgu ga Achuéru rü nanaxü ga wüxi ga taxü̃ma ga peta. Rü nüxna naxu ga guxü̃ma ga norü ngü̃xẽẽruü̃gü ga ãẽ̱xgacügü rü churaragüerugü ga Médiaanecüã̱x rü Pérchiaanecüã̱x, rü yema ãẽ̱xgacügü ga wüxichigü ga norü naanearü üyewa yexmagüxü̃.

Ichaía 22:14

Rü nüma ya Cori ya Tupana ya Guxãétüwa Ngẽxmacü cha̱u̱xca̱x nango̱x rü choxmachi̱xẽwa chomaxã nidexa rü ñanagürü: —Naxü̃pa nax nayuexü̃ i ngẽma duü̃xü̃gü rü taxũtáma nüxü̃́ nüxü̃ charüngüma i ngẽma chixexü̃ i naxügüxü̃ —ñanagürü. Rü ngẽma nixĩ i Cori ya Tupana ya Guxãétüwa Ngẽxmacüarü ore.

Ichaía 22:12

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü rü pemaxã nüxü̃ nixu nax pexauxexü̃ rü témüxü̃ i naxchirugu picu̱xgüxü̃ rü pegü pidüerugüxü̃ nax ngẽmaãcü penawéxü̃ca̱x nax aixcüma tá naga pexĩnüexü̃.

Naúü̃ 1:10

Rü pema i bínumaxã ngaxexe rü ñoma tuxu i wüxigu inutaque̱xexü̃rüxü̃ pixĩgü, rü ñoma maxẽ i pagüxü̃rüxü̃ tá pixae.

Yeremía 51:57

Rü nüma ya Ãẽ̱xgacü ya Cori ya Tupana ya Guxãétüwa Ngẽxmacü rü ñanagürü: —Choma rü tá ñoma nangãxẽxü̃rüxü̃ chayaxĩgüxẽxẽ i ngẽma Babiróniaanearü ãẽ̱xgacügü, rü norü duü̃xü̃gü i cua̱x nüxü̃́ ngẽxmagüxü̃, rü norü ĩanegüarü ãẽ̱xgacügü, rü norü ngü̃xẽẽruü̃gü, rü norü churaragü. Rü guxü̃ma rü guxü̃gutáma napee rü tagutáma naba̱i̱xãchie.

Yeremía 51:39

Rü ngẽxguma nanaianegu rü tá chayaxaxegüxẽxẽ namaxã i axexü̃ i nawa nangaxexü̃ rü taxũtáma naãẽxü̃ nawa nacua̱xgüxü̃. Rü ngẽmaãcü tá napee, rü tagutáma naba̱i̱xãchie. Rü choma ya Cori ya Tupana nixĩ i ngẽma ñachaxü̃.

Naanearü ügüchiga 40:20

Rü tomaepü̱x ga ngunexü̃guwena rü ninguarü taunecüã̱x ga Faraóü̃. Rü nanaxü ga wüxi ga peta naxca̱x ga guxü̃ma ga norü ngü̃xẽẽruü̃gü. Rü yema duü̃xü̃gü ga nüxna naxugüxü̃pe̱xewa, rü Faraóü̃ nanamu nax nape̱xewa nagagüãxü̃ca̱x ga yema bínuarü baeruü̃güarü ãẽ̱xgacü rü yema paũarü üruü̃güarü ãẽ̱xgacü.

Yeremía 50:35

Rü nüma ya Cori ya Tupana rü ñanagürü: —Pa Babiróniaanearü Uanügüx, ¡nagu pepogüe ya yima ĩane ya Babirónia rü penadai i norü duü̃xü̃gü rü norü ãẽ̱xgacügü rü ngẽma norü duü̃xü̃gü i cua̱x nüxü̃́ ngẽmagüxü̃!

Danié 5:30

Rü yema chütaxü̃gu nixĩ ga yama̱xgüãxü̃ ga Berchachá ga Babiróniaanearü ãẽ̱xgacü ixĩcü.