Danié 4:37 - Tupanaarü Ore

³⁷ Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Danié 4:37 Referans Kwoze

1 Chamué 2:3

Rü tama name i texé tügü ticua̱xüxü̃ i ngẽxguma tidexagu rü tama name i tügü ítarüta, erü Cori ya Tupana ya Guxü̃xü̃ma Cuáxcü rü nanangugü i guxü̃ma i ngẽma naxüxü̃ i wüxichigü i duü̃xü̃.

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Wiyaegü 119:75

Pa Cori Pa Tupanax, choma rü nüxü̃ chacua̱x i ngẽma curü mugü rü meama niwe̱x. Rü tama ícutü i ngẽxguma choxü̃ icuyarüwe̱xãchixẽẽgu.

Ínachoxü̃xü̃chiga 18:11

Rü ñu̱xmax rü nüxü̃ chacua̱x nax nüma ya Cori ya Tupana rü guxü̃ma i tupananetagüétüwa nangẽxmaxü̃, yerü nüma ya Tupana rü Iraétanüxü̃xü̃ ínanguxü̃xẽxẽ naxme̱xwa ga yema duü̃xü̃gü ga nagu idaucüraxü̃güxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 17:24

Rü gumá Tupana ga naxücü ga ñaa naane rü guxü̃ma i nawa ngẽxmagüxü̃, rü nüma nixĩ i norü yora yixĩxü̃ i daxũguxü̃ i naane rü ñoma i naane. Rü ngẽmaca̱x nüma rü tama duü̃xü̃gü üxü̃ne ya Tupanapatagügu naxãchiü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Ore i mexü̃ ga Matéu ümatüxü̃ 11:25

Rü yexguma rü ñaãcü nayumüxẽ ga Ngechuchu, rü ñanagürü: “Pa Chaunatü ya Daxũguxü̃ i Naane rü Ñoma i Naanearü Yorax, cuxü̃ chicua̱xüxü̃, erü ñaa chorü ngúexü̃güxü̃ nüxü̃ cucua̱xẽxẽ i ñaa ore i naxcha̱xwa iquicúxü̃ i duü̃xü̃gü i ñoma i naanewa nüxü̃ cua̱xüchigüxü̃.

Danié 4:34

—Rü yexguma marü yanguxgu ga gumá 7 ga taunecü nax Tupana choxü̃ poxcuxü̃, rü choma ga Nabucudonochó rü dauxü̃gu chadawenü rü nüxü̃ chicua̱xãchi nax cha̱u̱xca̱x mea yataanexü̃ nawa ga nax chaxãũãẽxü̃. Rü ñu̱xũchi mexü̃ nachigaxü̃ chixu ya yimá Tupana ya Guxãétüwa Ngẽxmacü ya guxü̃guma maxü̃cü. Rü ñaa dexamaxã nüxü̃ chicua̱xüxü̃ rü ñachagürü: “Pa Tupanax, curü pora rü taguma inayacua̱x rü cuma rü guxü̃gutáma ãẽ̱xgacü quixĩ.

Ichaía 5:16

Rü Cori ya Tupana ya Guxãétüwa Ngẽxmacü rü tá nügü nango̱xẽxẽ nax aixcüma cua̱x nüxü̃́ ngẽxmaxü̃ i ngẽxguma duü̃xü̃güna nacaxgu naxca̱x i norü maxü̃. Rü ngẽxguma nüxna nacaxgu rü tá nango̱x nax aixcüma naxüünexü̃.

Wiyaegü 99:4

Rü cumax, Pa Corix, rü ãẽ̱xgacü ya poraxüchicü quixĩ rü curü me nixĩ nax meama guxü̃ma i duü̃xü̃gümaxã icucuáxü̃. Rü cumatama nixĩ i nüxü̃ quixuxü̃ nax cupe̱xewa rü nawüxiguxü̃ i guxü̃ma i duü̃xü̃gü. Rü toma nax Iraétanüxü̃ tixĩgüxü̃ rü cuma rü aixcüma meama tomaxã icucua̱x rü ngẽma mugü ga toxna cuxãxü̃ rü meama niwe̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:7

Rü nüxü̃ chaxĩnü ga wüxi ga naga ga yema ãmarearü guruü̃wa ínaxũxü̃ ga ñaxü̃: “Ngü̃, Pa Cori ya Tupana ya Guxü̃étüwa Ngẽxmaxex, aixcüma nixĩ i namexü̃ i ngẽma nagu curüxĩnüxü̃ rü ngẽma cuxüxü̃”, ñaxü̃.

Danié 5:4

Rü guxü̃ma ga yema yéma yexmagüxü̃ rü bínu nixaxgü rü nüxü̃ nicua̱xüü̃gü ga norü tupananetachicüna̱xãgü ga úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x ixĩgüxü̃.

Danié 4:3

Rü nataxüchi i ngẽma mexü̃gü i norü poramaxã naxüxü̃ rü ngẽma cua̱xruü̃gü i tüxü̃ nawéxü̃. Rü nüma rü guxü̃guma ãẽ̱xgacü nixĩ, rü ngẽma norü pora rü tataagüwa ninguchigü.

Echequié 16:56

Cuma rü nüxü̃ cucugü ga yema cueya̱x ga Chodómaarü poxcu ga yexguma cugü ícurütaxgu rü taxũta nango̱xgu ga yema curü chixexü̃ ga cuxüxü̃. Natürü i ñu̱xma i ngẽma Edóü̃cüã̱xgüarü ĩanegü rü Firitéugüarü ĩanegü, rü guxü̃ma ya yima ĩanegü i cuxna ngaicamagüne rü cumaxã naguxchigagü. Rü ñu̱xma rü guxü̃ma i nachixü̃anecüã̱xgü rü cuxü̃ naxoe.

Norü taxre ga to ga popera ga ãẽ̱xgacügüchiga ümatüxü̃ 33:19

Rü norü yumüxẽchiga, rü norü yumüxẽarü ngãxü̃chiga, rü ñuxãcü nax chixexü̃ naxüxü̃chiga, rü ñuxãcü ma̱xpǘnegügu tupananetagüca̱x ínaxüxü̃ãxü̃ ga ngutaque̱xechicagüchiga, rü ñuxãcü yemagu yanuaxü̃ ga Acheráchicüna̱xã rü togü ga tupananetachicüna̱xãgüchiga, rü yema naxü naxü̃pa ga nax Cori ya Tupanamaxã nüxü̃ yaxuxü̃ ga norü chixexü̃ rü nape̱xegu nügü ínaxíraxü̃, rü guxü̃ma i ngẽma rü Tupanaarü orearü uruü̃gü ümatüxü̃ i poperagu naxümatü.

Ichaía 23:9

Rü Cori ya Tupana ya Guxãétüwa Ngẽxmacü nixĩ i namaxã naxuegucü i ngẽma ñu̱xma namaxã ngupetüxü̃ nax ngẽmaãcü naxãneexẽẽxü̃ca̱x i guxü̃ma i ngẽma duü̃xü̃gü i nügü írütagüxü̃ rü nüxna nax nayauxãxü̃ca̱x i norü pora i ngẽma duü̃xü̃gü i ñoma i naanewa nügü írüporaexü̃.

Yeremía 50:29

Rü Cori ya Tupana rü ñanagürü: —¡Naxca̱x pengẽma i guxü̃ma i ngẽma churaragü i würaã́xü̃ nax Babiróniaca̱x íyaxü̃ãchixü̃ca̱x! ¡Rü nüxü̃ ínachomaeguãchi ya yima ĩane nax taxuxü̃ma iñaxü̃ca̱x! ¡Ngẽma nixĩ i norü natanü naxca̱x ga yema chixexü̃ ga naxügüxü̃! ¡Rü yema nümagü naigü ga ĩanegümaxã naxügüxü̃rüxü̃ namaxã penaxü i ngẽma Babiróniacüã̱x! Yerü nügü ínarüporae nax chomaxã nanuexü̃ i choma nax Cori ya Iraétanüxü̃arü Tupana ya üünecü nax chixĩxü̃.

Danié 4:26

Rü yema dauxü̃cüã̱xarü ore nax yema nachime rü naxchúma̱xã yéma waixü̃müanewa yaxǘgüxẽẽxü̃ rü ngẽma rü nüxü̃ nixu, Pa Ãẽ̱xgacüx, nax wena táxarü cuchixü̃anemaxã icucuáxü̃ i ngẽxguma nüxna cucua̱xãchigu nax nüma ya Tupana yixĩxü̃ ya guxãétüwa ngẽxmacü.

Ínachoxü̃xü̃chiga 8:4

Rü ngẽma cururugü rü tá cuxna niyuxgüetanü. Rü curü ngü̃xẽẽruü̃gü i ãẽ̱xgacügüna rü guxü̃ma i curü duü̃xü̃güna tá niyuxgüetanü’, ñanagürü cuxü̃ ya Cori ya Tupana” —ñanagürü ga Tupana.

Ester 6:10

Rü yexguma ga nüma ga ãẽ̱xgacü rü ñanagürü: —Namexẽchi nixĩ i ngẽma. ¡Ẽcü ñu̱xma rü nayaxu i ngẽma naxchiru rü ngẽma cowaru rü guxü̃ma i ngẽma nüxü̃ quixuxü̃ãcü naxü namaxã ya Maduquéu ya Yudíu ya chopataarü ĩã̱xarü dauruxü̃! Rü guxü̃ma i ngẽma nüxü̃ quixuxü̃ãcü tátama cuyanguxẽxẽ —ñanagürü.