Danié 3:30 - Tupanaarü Ore

³⁰ Rü yemawena ga nüma ga ãẽ̱xgacü rü yexera rümemaexü̃ ga puracü yema tomaepü̱x ga ngextü̱xüxü̃güna naxã ga Babiróniaanewa.

Danié 3:30 Referans Kwoze

Danié 2:49

Rü nüma ga Danié rü ãẽ̱xgacüna naca nax nüxü̃ naxunetaxü̃ca̱x ga namücügü ga Chadrá rü Mechá rü Abex-negó nax yemagü norü ngü̃xẽẽruü̃gü yixĩgüxü̃ca̱x ga Babiróniaanewa. Rü nüma ga Danié rü ãẽ̱xgacüpatawatama nayexma nax yéma nüxü̃ nangü̃xẽẽxü̃ca̱x.

1 Chamué 2:30

Rü choma ya Cori i Iraétanüxü̃arü Tupana rü marü ü̃pa nüxü̃ chixu rü cuma rü cutanüxü̃ rü guxü̃gutáma choxü̃́ pepuracüe. Natürü i ñu̱xma rü ngẽma chixexü̃ i cunegü ügüxü̃gagu rü chanaxuegu rü tagutáma chanangexrü i ngẽma ñu̱xma ngupetüxü̃. Erü tüxü̃ chicua̱xü̃xü̃ ya yíxema choxü̃ icua̱xüxü̃güxe rü yíxema choxü̃ oexe rü choma rü tá tüxü̃ chaxãneexẽxẽ.

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Ore i mexü̃ ga Cuáü̃ ümatüxü̃ 12:26

Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.

Danié 3:12

Dücax, Pa Ãẽ̱xgacüx, rü nangẽxma i ñuxre i Yudíugü i cumax ãẽ̱xgacüxü̃ cumucuxü̃ nawa ya Babirónia. Rü ngẽmagü rü tama cuga naxĩnüechaü̃, Pa Ãẽ̱xgacüx, rü ngẽmaca̱x tama nüxü̃ nicua̱xüü̃gü i ngẽma tórü tupanagü rü woo i ngẽma naxchicüna̱xã i úirunaxca̱x i cumax duü̃xü̃güxü̃ cuxüxẽẽxü̃. Rü ngẽma yatügü rü Chadrá, rü Mechá rü Abex-negó nixĩ —ñanagürügü.

Wiyaegü 91:14

Erü nüma ya Cori ya Tupana rü ñanagürü: —Rü yíxema choxü̃ ngechaxü̃xe rü choma rü tá tüxü̃ íchapoxü̃ rü tá tüxü̃ chatachigaxẽxẽ erü choxü̃́ tayaxõ.

Wiyaegü 1:3

Rü yíxema duü̃xẽ rü ñoma wüxi i nanetü i natücutü toxü̃ i guxü̃guma oxü̃ rü taguma rüñẽ̱xátüxü̃rüxü̃ tixĩ. Rü guxü̃ma i ta̱xacü i taxüxü̃wa rü mea tüxü̃́ ínanguxuchi.

Danié 1:7

Rü nüma ga yema ãẽ̱xgacüarü duü̃xü̃güeru rü nanaxüchicüxü ga Daniééga rü Betachágu nanaxüéga, rü ga Ananía rü Chadrágu nanaxüéga, rü ga Michaé rü Mechágu nanaxüéga, rü ga Acharía rü Abex-negó nanaxüéga.

Danié 3:1

Rü nüma ga ãẽ̱xgacü ga Nabucudonochó rü norü duü̃xü̃güxü̃ namu nax naxügüã̱xü̃ca̱x ga wüxi ga naxchicüna̱xã ga úirunaxca̱x. Rü yema naxchicüna̱xã rü nüxü̃́ nayexma ga 30 metru ga norü máchane, rü norü taxü̃ne rü 3 metru nixĩ. Rü ñu̱xũchi nüma ga ãẽ̱xgacü rü norü duü̃xü̃güxü̃ namu nax metachinüxü̃ ga Dúragu ãégaxü̃gu nachixẽẽgüãxü̃ca̱x ga Babiróniaanewa.