Danié 3:28 - Tupanaarü Ore

²⁸ Rü yexgumatama ga nüma ga Nabucudonochó rü ñanagürü: —¡Ngĩxã nüxü̃ ticua̱xüü̃gü ya norü Tupana i Chadrá rü Mechá rü Abex-negó ya núma namucü i ngẽma dauxü̃cüã̱x nax íyapoxü̃ãxü̃ca̱x i norü duü̃xü̃gü i tama ãẽ̱xgacüga ĩnüechaü̃xü̃! Yerü yema tomaepü̱xca̱x rü narümemae nax nayuexü̃ naxü̃pa nax togümare ga tupanaxü̃ yacua̱xüü̃güxü̃.

Danié 3:28 Referans Kwoze

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:11

Rü nümagü ga yema taenexẽgü, rü marü Chatanáxü̃ narüyexeragü namaxã ga nagü ga gumá Carnéruxacü rü namaxã ga Tupanaarü ore ga yema taenexẽgü nüxü̃ ixugüxü̃. Nümagü rü tama namuü̃e rü tama nayanuxũgü ga norü maxü̃ woo yema orexü̃ yaxugüxü̃ca̱x nayuegu.

Romanos 12:1

Rü dücax, Pa Chauenexẽgüx, Tupanaarü ngechaü̃gagu pexü̃ chaca̱a̱xü̃ nax Tupanana pegü pexãgüxü̃ nax norü ãmare i maxü̃xü̃ rü üünexü̃ i namaxã nataãẽxü̃ pixĩgüxü̃ca̱x. Rü ngẽmaãcü nixĩ i nanaxwa̱xexü̃ ya Tupana nax nüxü̃ picua̱xüü̃güxü̃.

Wiyaegü 147:11

Natürü ngẽma aixcüma namaxã nataãẽxü̃ nixĩ nax nüxü̃ ticua̱xüü̃güxü̃ ya yíxema nagu yaxõgüxe i norü ngechaü̃.

Ngechuchuarü ngúexü̃gü ga yamugüxü̃arü puracüchiga 5:19

Natürü Coriarü orearü ngeruxü̃ ga daxũcüã̱x naxca̱x nayawãxna ga yema poxcupataü̃arü ĩã̱xgü ga chütacü. Rü ínanamuxü̃, rü ñanagürü nüxü̃:

Danié 3:25

Rü ñu̱xũchi ga nüma ga ãẽ̱xgacü rü ñanagürü: —Natürü ngéma nüxü̃ chadau i ãgümücü i yatü iwẽgüxü̃ i üxüxétügu ixĩĩĩxü̃ rü taxuxü̃ma nüxü̃ ngupetüxü̃. Rü ngẽma norü ãgümücü i yatü rü nanadauxü̃cüã̱xraxü̃ —ñanagürü.

Ore i mexü̃ ga Matéu ümatüxü̃ 4:10

Rü nüma ga Ngechuchu rü ñanagürü nüxü̃: —¡Choxna ixũgachi, Pa Chatanáx! Erü Tupanaarü ore i ümatüxü̃ rü ñanagürü: “¡Nüxü̃ icua̱xüxü̃ ya Cori ya curü Tupana, rü yimágaxicatama naxĩnü!” —ñanagürü.

Danié 2:47

Rü yemawena rü Daniéxü̃ ñanagürü: —Aixcümaxü̃chima ya yimá perü Tupana nixĩ ya guxü̃ma i togü i tupanagüxü̃ rüporamaecü. Rü nüma rü guxü̃ma i ãẽ̱xgacügüarü Cori nixĩ. Rü nüma rü inanawe̱x i ngẽma ẽxü̃guxü̃ rü ngẽmaca̱x cuxü̃ nüxü̃ nacua̱xẽxẽ i ngẽma chaunegü —ñanagürü.

Wiyaegü 62:8

Pa Chorü Duü̃xü̃güx ¡guxü̃guma nüxü̃́ peyaxõgü ya Tupana! ¡Rü perü yumüxẽwa namaxã nüxü̃ pixu i perü guxchaxü̃gü! Erü nüma nixĩ i aixcüma tórü ngü̃xẽẽruxü̃ i tórü cu̱xchicaxü̃ yixĩxü̃.

Filipenses 1:20

Rü ngẽma poraãcü chanaxwa̱xexü̃ nixĩ nax taguma ta̱xacürü chixexü̃ chaxüxü̃ nax taxuca̱xma chaugüca̱x chaxãnexü̃ca̱x. Rü chanaxwa̱xe i guxü̃guma íchamemare nax guxãpe̱xewa tama chamuü̃ãcüma Cristuchigaxü̃ chixuxü̃. Rü ñu̱xma nax chamaxü̃xü̃ rü woo chayu̱xgu rü chanaxwa̱xe i guxü̃guma aixrügumarüü̃tama chaugagu Cristuxü̃ nicua̱xüü̃gü i duü̃xü̃gü.

Ichaía 37:36

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Norü taxre ga to ga popera ga ãẽ̱xgacügüchiga ümatüxü̃ 32:21

Rü yexguma nüma ga Tupana rü nanangãxü̃ ga norü yumüxẽ. Rü yéma nanamu ga wüxi ga daxũcüã̱x ga norü orearü ngeruxü̃. Rü nüma rü nanadai ga guxü̃ma ga yema Achíriaanearü ãẽ̱xgacüarü churaragü namaxã ga yema churaragüerugü. Rü yexguma nüma ga ãẽ̱xgacü ga Chenáqueri rü norü ãnemaxã nachixü̃aneca̱x nataegu. Rü yexguma norü tupananetapatagu naxücugu rü nanegütama yexma taramaxã nayama̱xgü.

Norü taxre ga to ga popera ga ãẽ̱xgacügüchiga ümatüxü̃ 20:20

Rü moxü̃ãcü ga pa̱xmamaxü̃chi ínarüdagü rü nügü namexẽẽgü nax yema naxnücüane ga Tecoáwaama naxĩxü̃ca̱x. Rü yexguma Yerucharéü̃wa inaxĩãchigu, rü nüma ga Yochapáx rü inachi rü ñanagürü: —¡Choxü̃́ iperüxĩnüe ya guxãma ya Yerucharéü̃cüã̱x rü Yudáanecüã̱x! ¡Rü nüxü̃́ peyaxõ ya tórü Tupana rü ngẽma norü orearü uruü̃gügu! Rü ngẽmaãcü taxũtáma ta̱xacü tüxü̃ nangupetü rü guxü̃táma rü mea tá ínanguxuchi —ñanagürü ga Yochapáx.

Nüxíraxü̃xü̃ ga popera ga Pedru ümatüxü̃ 1:21

Rü ñu̱xma rü Cristugagu nixĩ i nüxü̃́ peyaxõgüxü̃ ya Tupana ga yuwa Cristuxü̃ írüdaxẽẽcü rü daxũwa nagacü. Rü ngẽmaca̱x nixĩ i ñu̱xma i Tupanaaxü̃́ peyaxõgüxü̃ rü ípenangu̱xẽẽgüxü̃ nax daxũwa pexü̃ nagagüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:37

Rü ñuxre ga nümagü rü nutamaxã ínanamuxũchigü rü yemaacü nayue. Rü togü rü nayawãĩxyegü. Rü togü rü ngúxü̃ nüxü̃ ningexẽẽgü nax Tupanaxü̃ ínata̱xgüxü̃ca̱x. Rü togü rü taramaxã nanadai. Rü togü rü carnérucha̱xmüü̃maxã rü chíbucha̱xmüü̃maxã nixãxchiru, rü yemaacü nu ne nanaxĩ. Rü ningearü diẽruã̱xgü rü nanaxĩ̱xãchiãẽgü yerü norü uanügü rü chixri namaxã nachopetü.

Popera ga Yudíugü ga yaxõgüxü̃ca̱x ümatüxü̃ 1:14

Rü guxü̃ma i Tupanaarü orearü ngeruü̃gü i daxũcüã̱x rü naãxẽgü i Tupanaaxü̃́ puracüexü̃ nixĩgü. Rü nüma ya Tupana rü nanamugü nax nüxü̃ yanangü̃xẽẽgüxü̃ca̱x i guxü̃ma i ngẽma duü̃xü̃gü ya Tupana naxwa̱xexü̃ nax nayauxgüãxü̃ i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 4:19

Natürü ga Pedru rü Cuáü̃ rü nanangãxü̃gü, rü ñanagürügü: —¡Nagu perüxĩnüe i pematama! ¿Rü namexü̃ i Tupanape̱xewa nax pega taxĩnüexü̃ rü ẽ̱xna Tupanaga taxĩnüexü̃?

Danié 6:26

Rü pemaxã nüxü̃ chixu rü pexü̃ chamu rü guxü̃ma i ñaa naane i chomax namaxã ichacuáxü̃wa rü chanaxwa̱xe i nüxü̃ pengechaü̃ rü nüxü̃ picua̱xüü̃gü ya yimá Daniéarü Tupana. Erü yimá Tupana rü maxü̃cü nixĩ, rü guxü̃guma nangẽxmaecha. Rü ngẽma nüma nax ãẽ̱xgacü yixĩxü̃ rü taguma inarüxo, rü ngẽma norü pora rü taguma inayagu̱x.

Danié 4:34

—Rü yexguma marü yanguxgu ga gumá 7 ga taunecü nax Tupana choxü̃ poxcuxü̃, rü choma ga Nabucudonochó rü dauxü̃gu chadawenü rü nüxü̃ chicua̱xãchi nax cha̱u̱xca̱x mea yataanexü̃ nawa ga nax chaxãũãẽxü̃. Rü ñu̱xũchi mexü̃ nachigaxü̃ chixu ya yimá Tupana ya Guxãétüwa Ngẽxmacü ya guxü̃guma maxü̃cü. Rü ñaa dexamaxã nüxü̃ chicua̱xüxü̃ rü ñachagürü: “Pa Tupanax, curü pora rü taguma inayacua̱x rü cuma rü guxü̃gutáma ãẽ̱xgacü quixĩ.

Wiyaegü 34:22

Natürü nüma ya Cori ya Tupana rü tüxü̃ ínapoxü̃ ya yíxema norü duü̃xü̃gü ixĩgüxe. Rü tama poxcu tümamaxã naxuegu ya yíxema nüxü̃́ yaxõgüxe.

Wiyaegü 33:21

Rü ngẽmaca̱x tórü Cori ya Tupanamaxã tataãẽgü, rü naéga i üünexü̃axü̃́ tayaxõgü.

Wiyaegü 33:18

Natürü nüma ya Cori ya Tupana rü guxü̃guma tüxna nadau ya yíxema nüxü̃ ngechaü̃güxe rü nüxü̃́ yaxõgüxe.

Édra 6:11

Rü ngẽxguma chi texé tama naga ĩnügu i ñaa chorü mu, rü name nixĩ i wüxi ya tümapataarü omüta tayaxu rü yimamaxã tüxü̃ tapai nax ngẽxma tayuxü̃ca̱x ya yíxema tama naga ĩnüxe. Rü yima tümapata rü ngẽxma narüxo rü naachina̱xãgüxica ngéma nayaxǘ.

Édra 1:3

Rü ngẽmaca̱x i guxãma i pema ya Iraéanecüã̱xgü ixĩgüxe, rü name nixĩ nax Yudáanewa ngẽxmane ya ĩane ya Yerucharéü̃ca̱x pewoeguxü̃ nax wena penaxügüxü̃ca̱x ya napata ya taxü̃ne ya yimá perü Tupana. Rü nüma tá pexü̃́ nanatauxchaxẽxẽ nawa i ngẽma puracü.

Naanearü ügüchiga 9:26

Rü yemawena rü ñanagürü ta: —Pa Cori ya Tupanax, ¡nüxü̃ rüngü̃xẽxẽ ya Chéü̃! ¡Rü Canaáü̃tanüxü̃ rü Chéü̃tanüxü̃arü mugüruü̃gü yaxĩgüxẽxẽ!

Wiyaegü 103:20

Pa Daxũcüã̱x i orearü Ngeruxü̃ i Poraexü̃ i Yanguxẽxẽgüxe i Ngẽma Tupana Pexü̃ Muxü̃ ¡rü mexü̃ Corimaxã pexuegugü!

1 Corintios 13:3

Rü woo ngẽma duü̃xü̃gü i ngearü diẽruã̱xgüxü̃xü̃ chayanuxgu i guxü̃ma i ta̱xacü i choxü̃́ ngẽxmaxü̃, rü woo Tupanaarü oreca̱x chaugü ichaxãxgu nax üxüwa choxü̃ yagugüxü̃ca̱x, rü taxuwama choxü̃́ name i ngẽma ega tama choxü̃́ nangẽxmagu i ngechaü̃.

Ichaía 12:2

Rü Tupana nixĩ ya choxü̃ maxẽẽcü, rü ngẽmaca̱x nüxna charüyoe rü taxuca̱xma tü̱xcüü̃ chamuü̃. Rü nüma ya Cori ya Tupana nixĩ i chorü cu̱xchicaxü̃ rü chorü poraxẽẽruxü̃. Rü nüma nixĩ i chorü maxẽẽruxü̃ —ñacurügü tá.

Ichaía 50:10

Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!

Danié 6:16

Rü yexguma ga nüma ga ãẽ̱xgacü rü norü duü̃xü̃güxü̃ namu nax Daniéxü̃ yagagüxü̃ca̱x rü leóü̃tanügu yata̱xcuchigüãxü̃ca̱x. Rü nüma ga ãẽ̱xgacü rü ñanagürü Daniéxü̃: —¡Yimá curü Tupana ya aixcümama naxca̱x cumaxü̃cü cuxü̃ ípoxü̃! —ñanagürü.