Danié 3:26 - Tupanaarü Ore

²⁶ Rü yema ñaxguwena rü nüma ga Nabucudonochó rü yema poxcuchicaxü̃ ga íya̱u̱xraxü̃ca̱x nixũ rü yéma tagaãcü ñanagürü: —Pa Chadrá, rü Mechá, rü Abex-negó ya Tupana ya Guxãétüwa Ücüarü Duü̃xü̃gü Ixĩgüxü̃x, rü ¡ípechoxü̃ rü nua pexĩ! —ñanagürü. Rü yema tomaepü̱x rü ínachoxü̃ nawa ga guma üxü.

Danié 3:26 Referans Kwoze

Danié 3:17

Rü yimá torü Tupana ya nüxü̃ ticua̱xüü̃gücü rü nüxü̃́ natauxcha nax toxü̃ ínanguxü̃xẽxẽxü̃ nawa ya yima üxü rü nawa i guxü̃ma i ngẽma poxcu i tomaxã cuxueguxü̃, Pa Ãẽ̱xgacüx.

Danié 4:2

Rü chanaxwa̱xe i pema rü nüxü̃ nax pecuáxü̃ i ngẽma taxü̃ i ngü̃xẽxẽ i poraãcü mexü̃ ya Tupana ya poracü cha̱u̱xca̱x üxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:5

Rü ñu̱xũchi yema tochicaxü̃xü̃tawa inanaxũ ga wüxi ga naga ga ñaxü̃: “Name nixĩ i tórü Tupanaxü̃ picua̱xüü̃gü i guxãma i pema i buxü̃gü, rü yaxü̃gü, rü guxü̃ma i pema i nüxü̃ pengechaü̃ãcüma nax nüxü̃́ pepuracüexü̃”, ñanagürügü.

Gálatas 1:10

Rü choma rü tama naxca̱x chadau nax duü̃xü̃gü chomaxã taãẽgüxü̃, natürü Tupana chomaxã taãẽxü̃ca̱x nixĩ i chadauxü̃. Erü ngẽxguma chi duü̃xü̃güxü̃ chataãẽxẽẽchaü̃gu, rü taxũchima Cristuarü puracütanüxü̃ chixĩ.

Ngechuchuarü ngúexü̃gü ga yamugüxü̃arü puracüchiga 16:17

Rü ngĩma towe ingẽ ga toma rü Pauru, rü tagaãcü ngĩgürügü: —Ñaa yatügü rü Tupana ya Guxãétüwa Ngẽxmacüarü duü̃xü̃gü nixĩgü, rü pemaxã nüxü̃ nixu i maxü̃ i taguma gúxü̃chiga —ngĩgürügü.

Danié 2:47

Rü yemawena rü Daniéxü̃ ñanagürü: —Aixcümaxü̃chima ya yimá perü Tupana nixĩ ya guxü̃ma i togü i tupanagüxü̃ rüporamaecü. Rü nüma rü guxü̃ma i ãẽ̱xgacügüarü Cori nixĩ. Rü nüma rü inanawe̱x i ngẽma ẽxü̃guxü̃ rü ngẽmaca̱x cuxü̃ nüxü̃ nacua̱xẽxẽ i ngẽma chaunegü —ñanagürü.

Ichaía 52:12

¡Natürü taxuca̱xma ñu̱xãẽãcü ípechoxü̃ rü pibuxmü! Erü nüma ya perü Tupana i pema i Iraétanüxü̃ rü tá pexna nadau i guxü̃ma i ãũcümaxü̃wa.

Yochué 4:10

Rü yema chacherdótegü ga baú ga Tupanaarü mugüchixü̃ ingegüxü̃ rü natü ga Yudáü̃tamagu narücho, rü yoxni ga nüma ga Iraétanüxü̃ rü meama nayanguxẽẽgü ga guxü̃ma ga yema Yochuéwa Tupana namaxã nüxü̃ ixuxü̃. Rü guxü̃ma mea naxügü yema Moiché Yochuémaxã nüxü̃ ixuxü̃rüxü̃. Rü paxãma nichoü̃ ga duü̃xü̃gü.

Yochué 3:17

Rü yemaacü ga guxü̃ma ga yema duü̃xü̃gü rü paanexü̃wa nichoü̃ nawa ga yema natü ga Yudáü̃. Rü yexgumayane ga yema chacherdótegü ga yangegüxü̃ ga yema baú ga Cori ya Tupanaarü mugüchixü̃ rü natüarü ngãxü̃tamawa namaxã nayachaxãchitanü ga paanexü̃wa.

Ngechuchuarü ngúexü̃gü ga yamugüxü̃arü puracüchiga 16:37

Natürü ga Pauru rü ñanagürü nüxü̃ ga yema purichíagü: —Toma nax Rómacüã̱xgü tixĩgüxü̃, rü ngẽma ãẽ̱xgacügü rü tama toxna nacaxíraãcüma toxü̃ nicua̱i̱xgü nape̱xewa i guxü̃ma i duü̃xü̃gü, rü ñu̱xũchi poxcupataü̃gu toxü̃ nawocu. Rü ñu̱xma rü cúãcü toxü̃ ínamuxü̃chaü̃. Rü taxũtáma ngẽmaãcü nixĩ. ¡Rü ẽcü nümatama i ãẽ̱xgacügü núma naxĩ nax nümatama toxü̃ íyamuxü̃xü̃ca̱x! —ñanagürü ga Pauru.

Danié 6:20

Rü yexguma nüma ga ãẽ̱xgacü marü ngaicamana nanguxgu rü nangechaü̃gaãcü Daniéna naca rü ñanagürü: —¿Pa Danié ya Tupana ya Maxü̃cüarü Duü̃xü̃x, rü yimá curü Tupana ya aixcümama naxca̱x cumaxü̃cü rü marü cuxü̃ ínapoxü̃xü̃ natanüwa i ngẽma leóü̃gü? —ñanagürü.

Ichaía 28:16

Rü ngẽmaca̱x ya Cori ya Tupana rü ñanagürü: —Chióü̃gu tá chanaxǘ ya wüxi ya nuta ya chomatama ichaxunetacü ya mexẽchicü. Rü yimáwa tá nixĩ inaxügüxü̃ i guxü̃ma i ngẽma chaxüxü̃. Rü yíxema nagu iyauxãchíxe rü taxuca̱xma taxoegaãxẽ.

Édra 5:11

Rü nüma rü toxü̃ nangãxü̃gü rü ñanagürügü: “Toma rü yimá Tupana ya daxũguxü̃ i naanearü üruxü̃ rü ñoma i naanearü üruü̃arü duü̃xü̃gü tixĩgü. Rü ítanamexẽxẽ ya daa napata ya taxü̃ne ga nũxcümaxü̃chima ga torü o̱xigüarü ãẽ̱xgacü ga Charomóü̃ üxü̃ne”, ñanagürügü.

Naanearü ügüchiga 14:18

Rü yexgumarüxü̃ ta ga Melquichedéx ga ĩane ga Charéü̃arü ãẽ̱xgacü ga Tupana ya Guxü̃étüwa Ngẽxmacüarü chacherdóte, rü yematama namawa Abráü̃na nanaxã ga paũ rü bínu.

Ngechuchuarü ngúexü̃gü ga yamugüxü̃arü puracüchiga 27:23

Erü ngewa̱xarü chütaxü̃gu ya Tupana ya nüxü̃́ chapuracücü ya chorü Cori ixĩcü rü núma nanamu i wüxi i norü orearü uruxü̃ i daxũcüã̱x i cha̱u̱xca̱x ngóxü̃.

Wenaxarü naxümatü ga Tupanaarü mugü 4:20

Rü nüma ga Cori ya Tupana rü nawa pexü̃ ínamuxü̃ ga Equítuane ga pexca̱x ñoma guruxü ga nawa fieru idexẽẽnerüxü̃ ixĩxü̃. Rü yemaacü pexü̃ narüngü̃xẽxẽ nax ngẽmaãcü norü duü̃xü̃gü pixĩgüxü̃ca̱x. Rü ñu̱xma rü ta rü noxrütama pixĩgü.

Nüxíraxü̃xü̃ ga popera ga ãẽ̱xgacügüchiga 8:51

Erü curü duü̃xü̃gü nixĩ rü cuma nixĩ ga Equítuanewa ícunagaxü̃xü̃ ga ngextá poraãcü ngúxü̃ íyangegüxü̃wa.

Yeremía 11:4

Rü yexguma Equítuanewa nayexmagügu ga nũxcümaü̃güxü̃ ga norü o̱xigü rü poraãcü ngúxü̃ ningegü. Yerü yema nachixü̃anecüã̱x rü ñoma wüxi ya üxü i fieruarü dexexü̃ruü̃rüxü̃ nixĩ naxca̱x ga yema duü̃xü̃gü. Rü yexguma yema naanewa íchanagaxü̃gu rü ñaãcü namaxã ichaxuneta rü ñachagürü nüxü̃: “¡Chauga pexĩnüe, rü penaxü̱x i guxü̃ma i ngẽma choma pexü̃ chamuxü̃! Rü ngẽxguma i pema rü chorü duü̃xü̃gü tá pixĩgü rü choma rü tá perü Tupana chixĩ.

Danié 7:25

Ngẽma ãẽ̱xgacü rü tá Tupana ya Guxãétüwa Ngẽxmacümaxã naguxchiga. Rü tá chixri tümamaxã inacua̱x ya yíxema Tupanaarü duü̃xẽgü. Rü tá naxca̱x nadau nax ñuxãcü nanatoraxü̃xẽẽxü̃ i Tupanaarü mugü, rü tá nüxü̃ naxoo̱x i ngẽma Tupana ueguxü̃ i petagü. Rü yíxema Tupanaarü duü̃xẽgü rü tomaepü̱x ya taunecüarü ngãxü̃ tá naxme̱xwa tangexmagü.

Wiyaegü 66:12

Rü cunangexrü nax torü uanügü rü norü cowarugümaxã towa ngagüxü̃ca̱x. Rü toma rü üxüwa rü dexá i ãũcümaxü̃wa tachopetü. Natürü düxwa ñaa naane i mexü̃wa toxü̃ cugagü.

Danié 6:21

Rü nüma ga Danié nanangãxü̃ rü ñanagürü: —¡Guxü̃guma namaxü̃, Pa Ãẽ̱xgacüx!