Danié 3:25 - Tupanaarü Ore

²⁵ Rü ñu̱xũchi ga nüma ga ãẽ̱xgacü rü ñanagürü: —Natürü ngéma nüxü̃ chadau i ãgümücü i yatü iwẽgüxü̃ i üxüxétügu ixĩĩĩxü̃ rü taxuxü̃ma nüxü̃ ngupetüxü̃. Rü ngẽma norü ãgümücü i yatü rü nanadauxü̃cüã̱xraxü̃ —ñanagürü.

Danié 3:25 Referans Kwoze

Ichaía 43:2

Rü ngẽxguma guxchaxü̃wa pechopetügu ñoma dexá i mátamaxü̃wa pichoü̃gurüxü̃, rü choma rü tá chapetanügu. Rü ngẽxguma ãũcümaxü̃wa pengẽxmagügu ñoma wüxi i natü i poraxü̃chíüxü̃wa pichoü̃gurüxü̃ rü taxũtáma ngẽxma peyi. Rü ngẽxguma taxü̃ i guxchaxü̃wa pechopetügu rü ñoma wüxi i üxüétüwa pechopetügurüxü̃ pixĩgü, rü taxũtáma pixae rü yima üxü rü taxũtáma niyauxra i petanüwa.

Ngechuchuarü ngúexü̃gü ga yamugüxü̃arü puracüchiga 28:5

Natürü gumá üxüxétügu nanamaxü̃ ga yema ãxtape, rü taxuxü̃ma nüxü̃ naxüpetü ga Pauru.

Ore i mexü̃ ga Márcu ümatüxü̃ 16:18

Rü naxme̱xmaxã tá nüxü̃ nayayauxãchi i ãxtapegü. Rü ngẽxguma yaxaxgüãgu i ta̱xacü i nawa iyuxü̃, rü taxũtáma nanachixexẽxẽ. Rü tá tüxü̃ ningõgügü ya ida̱xaweexe rü tá tümaca̱x nitaanegü —ñanagürü.

Yox 1:6

Rü wüxi ga ngunexü̃ ga yexguma Cori ya Tupanape̱xewa naxĩxgu ga norü orearü ngeruü̃gü ga daxũcüã̱x, rü nüma ga Chataná rü ta Cori ya Tupanape̱xewa nangu.

Danié 3:28

Rü yexgumatama ga nüma ga Nabucudonochó rü ñanagürü: —¡Ngĩxã nüxü̃ ticua̱xüü̃gü ya norü Tupana i Chadrá rü Mechá rü Abex-negó ya núma namucü i ngẽma dauxü̃cüã̱x nax íyapoxü̃ãxü̃ca̱x i norü duü̃xü̃gü i tama ãẽ̱xgacüga ĩnüechaü̃xü̃! Yerü yema tomaepü̱xca̱x rü narümemae nax nayuexü̃ naxü̃pa nax togümare ga tupanaxü̃ yacua̱xüü̃güxü̃.

Wiyaegü 34:7

Rü Cori ya Tupanaarü orearü ngeruxü̃ i daxũcüã̱x rü tümatanüwa nangẽxma ya yíxema Cori ya Tupanaxü̃ muü̃xe, rü tüxü̃ ínapoxü̃.

Nüxíraxü̃xü̃ ga popera ga Pedru ümatüxü̃ 3:13

¿Rü texé tá chixexü̃ pexca̱x üxü̃ ega pema rü aixcüma guxü̃guma mexü̃ pexügügu?

Danié 3:18

Natürü ngẽxguma chi woo taxũchima toxü̃ nangü̃xẽxẽgu rü cumaxã nüxü̃ tixu, Pa Ãẽ̱xgacüx, rü toma rü taxũtáma nüxü̃ ticua̱xüxü̃gü i ngẽma curü tupanagü, rü taxũtáma nape̱xegu tacaxã́pü̱xügü i ngẽma naxchicüna̱xã i úirunaxca̱x —ñanagürügü.

Romanos 1:4

Natürü nümatama ya Ngechuchu rü üünecü nixĩ. Rü yexguma Tupanaãxẽarü poramaxã yuwa ínadaxgu rü Tupana tüxü̃ nüxü̃ nadauxẽxẽ nax aixcüma Nanexü̃chi nax yixĩxü̃.

Ore i mexü̃ ga Luca ümatüxü̃ 1:35

Rü nüma ga daxũcüã̱x ga Gábi rü ngĩxü̃ nangãxü̃, rü ñanagürü: —Tupanaãxẽ ya Üünecü tá cuxna nangu. Rü Tupana ya Guxü̃étüwa Ngẽxmacüarü pora rü wüxi i caixanexü̃rüxü̃ tá cugu nayanga̱i̱xema. Rü ngẽmaca̱x ngẽma cune rü Üünecü ya Tupana Nanemaxã tá nanaxugü i duü̃xü̃gü.

Ucu̱xẽgüchiga 30:4

¿Texé tixĩ ya yíxema marü daxũguxü̃ i naanegu ĩnagüxe rü ngéma írüxĩxe? ¿Rü texé tügüme̱xẽgu tayayauxema ya buanecü? ¿Rü texé tügüchirugu tananuque i már? ¿Rü texé nüxü̃ tixu nax ngexta yacuáxü̃ i ñoma i naane? ¿Rü texé nüxü̃ tacua̱x i naéga rü naneéga?

Yeremía 1:8

¡Rü taxṹ i texéxü̃ cumuü̃xü̃! Erü choma rü tá cuxü̃tawa changexma nax cuxna chadauxü̃ca̱x. Rü choma ya Cori ya Tupana nixĩ i cumaxã nüxü̃ chixuxü̃ i ñaa chorü ore —ñanagürü.

Yeremía 1:19

Rü nümagü rü tá cumaxã nanueama, natürü taxũtáma cuxü̃ narüporamaegü. Erü choma rü tá chacuxü̃tagu rü cuxna chadau rü cuxü̃ íchapoxü̃. Rü chomatama ya Cori ya Tupana nixĩ i nüxü̃ chixuxü̃ i ñaa chorü ore —ñanagürü.

Yeremía 15:21

Rü naxme̱xwa tá cuxü̃ íchanguxuchixẽxẽ i ngẽma duü̃xü̃gü i chixexü̃gu maxẽxü̃. Rü naxme̱xwa tá cuxü̃ íchanguxuchixẽxẽ i ngẽma duü̃xü̃gü i máetagüxü̃! —ñanagürü ga Cori ya Tupana.

Danié 3:24

Rü yexguma nüxü̃ nada̱u̱xgu ga nüma ga Nabucudonochó, rü paxa inachi rü poraãcü naba̱i̱xãchiãxẽ. Rü yema norü ucu̱xẽruü̃güna naca rü ñanagürü: —¿Tama ẽ̱xna yima üxüxétüwa yawocuxü̃ i tomaepü̱x i yatü i na̱i̱xgüxü̃? —ñanagürü. Rü yema norü ucu̱xẽruü̃gü nanangãxü̃gü rü: —Ngẽmáacüx, tomaepü̱x nixĩ —ñanagürügü.

Danié 6:23

Rü yexguma ga nüma ga ãẽ̱xgacü rü poraãcü nataãxẽ rü norü duü̃xü̃güxü̃ namu nax Daniéxü̃ ínamuxũchigüxü̃ca̱x leóü̃tanüwa. Rü yexguma marü ínanguxuchigu ga Danié, rü nüxü̃ nadaugü ga taxuwama nax napíxü̃ yerü aixcümama norü Tupanaaxü̃́ nayaxõ.

Yox 5:19

Nüma rü 6 i guxchaxü̃wa tá cuxü̃ ínanguxuchixẽxẽ, rü ngẽma norü 7 i guxchaxü̃ rü marü taxũtáma cuxna nangu.