Danié 3:18 - Tupanaarü Ore

¹⁸ Natürü ngẽxguma chi woo taxũchima toxü̃ nangü̃xẽxẽgu rü cumaxã nüxü̃ tixu, Pa Ãẽ̱xgacüx, rü toma rü taxũtáma nüxü̃ ticua̱xüxü̃gü i ngẽma curü tupanagü, rü taxũtáma nape̱xegu tacaxã́pü̱xügü i ngẽma naxchicüna̱xã i úirunaxca̱x —ñanagürügü.

Danié 3:18 Referans Kwoze

Ore i mexü̃ ga Matéu ümatüxü̃ 10:39

Rü texé tama cha̱u̱xca̱x inaxãxe i tümaarü maxü̃ rü tá itanatauxẽxẽ. Natürü texé cha̱u̱xca̱x inaxãxe i tümaarü maxü̃ rü tá tanayaxu i maxü̃ i taguma gúxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:11

Rü nümagü ga yema taenexẽgü, rü marü Chatanáxü̃ narüyexeragü namaxã ga nagü ga gumá Carnéruxacü rü namaxã ga Tupanaarü ore ga yema taenexẽgü nüxü̃ ixugüxü̃. Nümagü rü tama namuü̃e rü tama nayanuxũgü ga norü maxü̃ woo yema orexü̃ yaxugüxü̃ca̱x nayuegu.

Yochué 24:15

Natürü ngẽxguma tama Cori ya Tupanawe perüxĩxchaü̃gu ¡rü ñu̱xmatama nüxü̃ pixu i ta̱xacürü tupanawe tá perüxĩxü̃, rüe̱xna ngẽma tupananetagü ga nũxcüma ga perü o̱xigü nüxü̃ icua̱xüü̃güxü̃ ga taxtü ga Eufrátecutüwa, rüe̱xna ngẽma norü tupananetagü i Amoréutanüxü̃ i ñaa naanegu ãchiü̃güxü̃! Natürü i chomax rü chauxacügü rü Cori ya Tupanawe tá nixĩ i tarüxĩxü̃ —ñanagürü ga Yochué.

Danié 3:28

Rü yexgumatama ga nüma ga Nabucudonochó rü ñanagürü: —¡Ngĩxã nüxü̃ ticua̱xüü̃gü ya norü Tupana i Chadrá rü Mechá rü Abex-negó ya núma namucü i ngẽma dauxü̃cüã̱x nax íyapoxü̃ãxü̃ca̱x i norü duü̃xü̃gü i tama ãẽ̱xgacüga ĩnüechaü̃xü̃! Yerü yema tomaepü̱xca̱x rü narümemae nax nayuexü̃ naxü̃pa nax togümare ga tupanaxü̃ yacua̱xüü̃güxü̃.

Ucu̱xẽgüchiga 28:1

Ngẽma chixexü̃ üxü̃, rü niña ega woo taxúema nawe ingẽchigügu. Natürü ngẽma aixcüma mexü̃gu maxü̃xü̃ rü ñoma wüxi ya leóü̃rüxü̃ taxuca̱xma namuü̃.

Yox 13:15

Rü woo chi Tupana choxü̃ ima̱xgu, natürü tá nüxü̃́ chayaxõõma. Rü nape̱xewa tá chaugü íchapoxü̃ama.

Ngechuchuarü ngúexü̃gü ga yamugüxü̃arü puracüchiga 4:19

Natürü ga Pedru rü Cuáü̃ rü nanangãxü̃gü, rü ñanagürügü: —¡Nagu perüxĩnüe i pematama! ¿Rü namexü̃ i Tupanape̱xewa nax pega taxĩnüexü̃ rü ẽ̱xna Tupanaga taxĩnüexü̃?

Lebítanüxü̃arü puracüchiga 19:4

¡Rü taxṹ i naxchicüna̱xãgüxü̃ picua̱xüü̃güxü̃! ¡Rü taxṹ i bróũchenaxca̱x i tupanachicüna̱xãgü pegüca̱x pexüxü̃! Erü choma nixĩ i perü Cori ya Tupana chixĩxü̃.

Ore i mexü̃ ga Matéu ümatüxü̃ 10:28

¡Rü taxṹ i nüxü̃ pemuü̃exü̃ i ngẽma duü̃xü̃gü i taxü̃nexü̃ imáxü̃! Erü taxucürüwa nayama̱x i taãxẽ. Natürü name nixĩ i nüxü̃ pemuü̃e ya yimá Tupana. Erü nüma nüxü̃́ nangẽxma i pora nax napoxcuãxü̃ca̱x i pexene rü peãxẽ rü ta nagu ya yimá üxü ya taguma ixoxü̃ne.

Ore i mexü̃ ga Matéu ümatüxü̃ 16:2

Natürü nüma ga Ngechuchu rü nanangãxü̃, rü ñanagürü nüxü̃: —Pema rü yáuanecü rü ñaperügügü: “Name tá nixĩ i moxü̃arü ngunexü̃, erü nadáutüweane”, ñaperügügü.

Nüxíraxü̃xü̃ ga popera ga ãẽ̱xgacügüchiga 19:14

Rü nüma ga Ería rü nanangãxü̃ rü ñanagürü: —Nüxü̃ chicua̱xãchi nax poraãcü choxü̃́ cuchúxuxü̃, Pa Cori Pa Tupana ya Guxãxétüwa Ngẽxmacüx. Natürü ngẽma Iraéanecüã̱xgü rü marü nüxü̃ inayarüngümae ga yema namaxã nax icuxügaxü̃. Rü nagu napogüe i ngẽma curü ãmarearü guruü̃gü, rü yimá curü orearü uruü̃gü rü taramaxã nanadai. Rü chaxicatama íchayaxǘ i ñu̱xmax natürü cha̱u̱xca̱x rü ta nadaugü nax choxü̃ yama̱xgüxü̃ca̱x —ñanagürü.

Nüxíraxü̃xü̃ ga popera ga ãẽ̱xgacügüchiga 19:18

Rü dücax, rü cumaxã nüxü̃ chixu rü choma rü marü íchayaxügüxẽxẽ i 7,000 i Iraéanecüã̱xgü i taguma Baápe̱xegu caxã́pü̱xügüxü̃ nax nüxü̃ yacua̱xüü̃güxü̃ca̱x —ñanagürü ga Tupana.