Danié 2:5 - Tupanaarü Ore

⁵ Rü nüma ga ãẽ̱xgacü rü nanangãxü̃ga rü ñanagürü: —Ngẽxguma taxũtáma chomaxã nüxü̃ pixuxgu nax ta̱xacügu chaxãnegüxü̃ rü ta̱xacüchiga nax yixĩxü̃, rü tá pexü̃ chadai rü íxraxü̃gu tá pexü̃ inachexü̃gü. Rü pepatagü rü tá nagu napogüe rü natüchixica tá ngéma ninuagü.

Danié 2:5 Referans Kwoze

Danié 3:29

Rü ngẽmaca̱x i ñu̱xma rü chanaxunagü rü ngexerüxüxe ya duü̃xẽ ya nachiga chixri idexaxe ya norü Tupana i ñaa tomaepü̱x i ngextü̱xüxü̃gü rü noxtacüma ãgümücügu tá tüxü̃ tarüchexte, rü tümapata rü tá nagu napogü rü natüchixica tá ngéma ninuagü. Rü nüetama ega woo ngexnerüxünemare ya ĩanecüã̱x tixĩxgu, rü ngexü̃rüüxü̃ i nachixü̃anecüã̱x tixĩxgu, rü ngexü̃rüüxü̃ i nagawa tidexagux. Erü nataxuma i to i tupana i ngẽmaãcü norü duü̃xü̃güxü̃ ípoxü̃xü̃ —ñanagürü.

Édra 6:11

Rü ngẽxguma chi texé tama naga ĩnügu i ñaa chorü mu, rü name nixĩ i wüxi ya tümapataarü omüta tayaxu rü yimamaxã tüxü̃ tapai nax ngẽxma tayuxü̃ca̱x ya yíxema tama naga ĩnüxe. Rü yima tümapata rü ngẽxma narüxo rü naachina̱xãgüxica ngéma nayaxǘ.

Norü taxre ga popera ga ãẽ̱xgacügüchiga 10:27

Rü nagu napogüe ga Baáxarü ãmarearü guruxü̃. Rü yexgumarüxü̃ ta nagu napogüe ga guma norü ngutaque̱xepataxü̃. Rü guxchirechicaxü̃ nayaxĩxẽxẽ ga yema nachica, rü ñu̱xma rü ta rü ngéma nangẽxma.

Wiyaegü 50:22

¡Dücax i pemax nax choxü̃ iperüngümaexü̃, name nixĩ i nagu perüxĩnüe i ngẽma pemaxã nüxü̃ chixuxü̃! ¡Rü cha̱u̱xca̱x pewoegu naxü̃pa nax pexü̃ chada̱i̱xü̃ rü taxúema pexü̃ ípoxü̃xü̃!

Danié 2:12

Rü yemaxü̃ naxĩnügu ga ãẽ̱xgacü rü poraãcü nanu rü nanamu nax nadaiaxü̃ca̱x ga guxü̃ma ga yema norü ucu̱xẽruü̃gü ga Babiróniaanecüã̱x.

Wiyaegü 58:7

¡Rü noxtacüma yanaxoxẽxẽ i norü pora ñoma dexá natanüme̱xẽwa nichuruxü̃rüxü̃! ¡Rü nüxna nayaxu i norü maxü̃ ñoma maxẽ ya namawa nawa inga̱xcürüxü̃!

1 Chamué 15:33

Natürü nüma ga Chamué rü ñanagürü: —Cuma rü curü taramaxã muxẽma ga ngexegü tüxü̃ cugu̱xacüxẽxẽ, rü ngẽma ngexü̃gürüxü̃ tá tixĩ ya cué —ñanagürü ga Chamué. Rü yexgumatama Guirigágu Tupanape̱xegu ãgümücügu Agáxü̃ nachexü̃gü ga Chamué.

Wenaxarü naxümatü ga Tupanaarü mugü 13:16

Rü guxü̃ma i norü ngẽmaxü̃gü i ngẽma duü̃xü̃gü, rü yima ĩanearü ngãxü̃gu tá penanutaque̱xe rü ngéma tá peyagu wüxigu namaxã ya yima ĩane. Rü ngẽma rü wüxi i ãmare i Cori ya perü Tupanana pexãxü̃ tá nixĩ. Rü yima ĩane rü tá inayarüxo rü tagutáma wena nanaxügü.

Yochué 6:26

Rü yemawena nüma ga Yochué rü nanaxuegu ga ñaa dexa rü ñanagürü: —Tupanape̱xewa rü chixexü̃ tá tüxü̃ nangupetü ya yíxema wena inaxügüxe nax ítanadaxẽẽxü̃ ya yimá ĩane ya Yericú. Rü ngẽxguma ítanaxügügu nax wena ítanadaxẽẽxü̃ ya yimá ĩane rü tümane ya yamaxecüca̱x tá ínangu i yu. Rü ngẽxguma nanucugu i naxtapü̱xarü ĩã̱xgü rü tümane ya rübumaecüca̱x tá ínangu i yu —ñanagürü.

Danié 4:9

“Pa Betachá i Guxü̃ i Chorü Ucu̱xẽruü̃güerux, rü choma nüxü̃ chacua̱x rü yimá Tupana ya Üünecüãxẽ cumaxã inacua̱x rü ngẽmaca̱x nüxü̃ cucua̱x i guxü̃ma i ẽxü̃guxü̃. Rü chanaxwa̱xe i ícurüxĩnü i ngẽma cumaxã tá nüxü̃ chixuxü̃ i chaunegüwa nüxü̃ chadauxü̃ rü ñu̱xũchi chanaxwa̱xe i chomaxã nüxü̃ quixu nax ta̱xacüchiga yixĩxü̃.