Danié 2:46 - Tupanaarü Ore

⁴⁶ Rü yexguma nüma ga ãẽ̱xgacü ga Nabucudonochó nüxü̃ ĩnügu ga yema ore rü Daniépe̱xegu nacaxã́pü̱xü rü waixü̃mügu nayangücuchi. Rü norü duü̃xü̃güxü̃ namu nax Daniéna naxãgüãxü̃ca̱x ga norü ãmaregü rü pumarate̱xegü.

Danié 2:46 Referans Kwoze

Ngechuchuarü ngúexü̃gü ga yamugüxü̃arü puracüchiga 14:13

Rü guma ĩane íxücuxü̃wa nayexma ga tupana ga Chéuarü tupauca. Rü gumá tupaucaarü chacherdóte rü yéma nanagagü ga wocagü ga iyatüxü̃ ga putüramaxã nga̱xãẽgüxü̃. Rü nüma ga chacherdóte rü duü̃xü̃gü rü nanadaixchaü̃ ga yema wocagü naxca̱x ga Pauru rü Bernabé nax yemamaxã nüxü̃ yacua̱xüü̃güxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:25

Rü yexguma Cornériupatawa nanguxgu ga Pedru, rü ĩã̱xtüwa naxca̱x naxũ ga Cornériu, rü Pedrupe̱xegu nayacaxã́pü̱xü, rü nüxü̃ nicua̱xüxü̃.

Édra 6:10

Rü ngẽmaãcü tá nüxü̃́ natauxcha nax yimá daxũgucü ya Tupanaca̱x yagugüãxü̃ i ta̱xacü i namaxã nataãẽxü̃. Rü ñu̱xũchi chanaxwa̱xe i cha̱u̱xca̱x rü chauxacügüca̱x nayumüxẽgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:8

Rü chomatama i Cuáü̃ rü nüxü̃ chaxĩnü rü nüxü̃ chadau i guxü̃ma i ngẽma nüxü̃ chixuxü̃. Rü yemaxü̃ chaxĩnügu rü nüxü̃ chada̱u̱xguwena, rü yema orearü ngeruxü̃ ga yemaxü̃ choxü̃ dauxẽẽxü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:10

Rü choma rü yema orearü ngeruü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x. Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i mea Ngechuchuarü ore ixõgüxü̃rüxü̃ chixĩ. Rü ngẽma Ngechuchuarü ore rü yematama ore nixĩ ga Tupanaarü orearü uruü̃gü nüxü̃ ixugüexü̃ ga yexguma Tupanaãxẽ ya Üünecü nawa idexaxgu. Rü name nixĩ i Tupanaxü̃ quicua̱xüxü̃”, ñanagürü.

Lebítanüxü̃arü puracüchiga 26:31

Rü tá nagu chipogügü i perü ĩanegü rü nachitaxü̃güxica tá ngéma nayaxügü. Rü ngẽxgumarüxü̃ tá ta nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxũtáma namaxã chataãxẽ i naema i ngẽma pumarate̱xe i cha̱u̱xca̱x pigugüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:16

Rü nümagü ga yema 24 ga ãẽ̱xgacügü ga norü tochicaxü̃güwa rütogüxü̃ ga Tupanape̱xewa, rü yexma nanangücuchitanü, rü Tupanaxü̃ nicua̱xüü̃gü.

Ngechuchuarü ngúexü̃gü ga yamugüxü̃arü puracüchiga 28:6

Natürü guxü̃ma ga yema duü̃xü̃gü rü ínanangu̱xẽẽgü rü tá nacha ya naxme̱x rüe̱xna ngürüãchi nayu̱x. Rü marü nũxcüxürama ga yema nüxü̃ nax nadaunüxü̃ rü taxuxü̃ma nüxü̃ nax üpetüxü̃, rü düxwa togu narüxĩnüe rü inanaxügüe nax ñagüxü̃: —Maneca wüxi ya tupana nixĩ —ñagüxü̃.

Ore i mexü̃ ga Luca ümatüxü̃ 17:16

Rü Ngechuchupe̱xegu nanangücuchi rü moxẽ nüxna naxã. Rü yema yatü rü Chamáriaanecüã̱x nixĩ.

Danié 3:5

Rü ngẽxguma tá nüxü̃ pexĩnüegu nax yacuegüãxü̃ rü napaxgüãxü̃ i ngẽma paxetaruü̃gü rü pemax, Pa Duü̃xü̃güx, rü tá nape̱xegu pecaxã́pü̱xügü i ngẽma naxchicüna̱xã i ãẽ̱xgacü ya Nabucudonochó duü̃xü̃güxü̃ üxẽẽxü̃.

Danié 3:7

Rü yemaacü ga yexguma nüxü̃ naxĩnüegu ga yema paxetaruü̃gü ga nax yacuegüãxü̃ rü guxü̃ma ga yema muxü̃ma ga duü̃xü̃gü ga yexma ngutaque̱xexü̃ rü nape̱xegu nacaxgüã́pü̱xü, rü nüxü̃ nicua̱xüü̃gü ga yema naxchicüna̱xã ga úirunaxca̱x.

Danié 8:17

Rü yexguma ga nüma ga Gábi rü cha̱u̱xca̱x nixũ. Choma rü chaba̱i̱xãchi rü nape̱xegu chanangücuchi waixü̃müanegu. Natürü ga nüma rü ñanagürü choxü̃: —Pa Yatüx, name i nüxü̃ cucua̱x i ngẽma nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃ —ñanagürü.