Danié 2:45 - Tupanaarü Ore

⁴⁵ Rü yimá ãẽ̱xgacüchiga nixĩ ga gumá nuta ga nüxü̃ cudaucü ga taxúema nüxü̃ cuxnetaãcüma ma̱xpǘnewa yarüdixicü rü íraxü̃gu napocü ga yema naxchicüna̱xã ga fierunaxca̱x, rü bróũchenaxca̱x, rü waixü̃münaxca̱x rü úirunaxca̱x. Rü yemaacü ga nüma ga Tupana ya poraxüchicü rü cuxü̃ nanawe̱x, Pa Ãẽ̱xgacüx, i ngẽma yixcüra tá ngupetüxü̃. Rü yema cunegüwa nüxü̃ cudauxü̃ rü aixcüma nixĩ, rü ngẽma cumaxã nüxü̃ chixuchigaxü̃ rü aixcüma tá ningu —ñanagürü ga Danié.

Danié 2:45 Referans Kwoze

Ichaía 28:16

Rü ngẽmaca̱x ya Cori ya Tupana rü ñanagürü: —Chióü̃gu tá chanaxǘ ya wüxi ya nuta ya chomatama ichaxunetacü ya mexẽchicü. Rü yimáwa tá nixĩ inaxügüxü̃ i guxü̃ma i ngẽma chaxüxü̃. Rü yíxema nagu iyauxãchíxe rü taxuca̱xma taxoegaãxẽ.

Naanearü ügüchiga 41:32

Pa Ãẽ̱xgacüx, taxree̱xpü̱xcüna nagu cuxãnegü i ngẽmatama nanegü, erü nüma ya Tupana rü aixcüma tá nanaxü i ngẽma. Rü paxatáma nanaxü.

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.

Wiyaegü 48:1

Nüma ya Cori ya Tupana rü guxãétüwa nangẽxma rü name nax nüxü̃ icua̱xüü̃güxü̃ nawa ya yima norü ĩane ya norü ma̱xpǘne ya üünene ya Chióü̃wa ngẽxmane.

2 Chamué 7:22

Rü ngẽmaãcü, Pa Chorü Cori ya Tupanax, rü nataxuma i ta̱xacü i curüxü̃ ixĩxü̃. Erü nataxuma i to ya Tupana i curüxü̃ ixĩxü̃, rü cuxicatama nixĩ i aixcüma Tupana quixĩxü̃ yema tochixẽmaxãtama nüxü̃ taxĩnüexü̃rüxü̃.

Wenaxarü naxümatü ga Tupanaarü mugü 10:17

Erü yimá perü Cori ya Tupana rü ngẽma duü̃xü̃gü namaxã tupanaã̱xgüxü̃étüwa nangẽxma, rü guxü̃ma i ãẽ̱xgacügüétüwa nangẽxma. Rü nüma nixĩ i poraxüchicü rü ãũcümacü rü guxü̃maxã icuácü. Rü naxca̱x rü guxãma i yixema rü tawüxigu, rü tama diẽru nayaxu ega texé tügü ütanüchaü̃gu.

Naanearü ügüchiga 41:28

Rü ngẽmachiga nixĩ ya Tupana cumaxã nüxü̃ ixuxü̃, Pa Chorü Ãẽ̱xgacüx. Rü ngẽmaãcü tá nanaxü ya Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:17

Rü ñu̱xũchi nüxü̃ chadau ga wüxi ga Tupanaarü orearü ngeruxü̃ ga daxũcüã̱x ga üa̱xcügu chixü̃. Rü nüma rü tagaãcü ñanagürü nüxü̃ ga guxü̃ma ga ngurucugü ga yexma íxexeü̃xü̃tanüxü̃: “¡Nua pexĩ rü pengutaque̱xegü naxca̱x i õna i taxü̃ ya Tupana pexca̱x mexẽẽxü̃ nax penangṍxü̃ca̱x i nachixü̃anegüarü ãẽ̱xgacügümachi, rü churaragüarü ãẽ̱xgacügümachi, rü yatügü i poraxü̃machi, rü cowarugümachi, rü ngẽma cowaruétügu ĩxü̃machi, rü ngẽma coriã̱xgüxü̃machi rü ngẽma ngearü coriã̱xgüxü̃machi rü ngẽma buxü̃gümachi rü ngẽma yaxü̃gümachi!” ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:1

Rü yemawena ga choma ga Cuáü̃ rü ichadauwenü rü nüxü̃ chadau ga wüxi ga ĩã̱x ga iwãxnaxü̃ ga daxũguxü̃ ga naanewa. Rü yema naga ga nacornétagaraü̃xü̃ ga noxri nüxü̃ chaxĩnüxü̃ ga chomaxã idexaxü̃, rü ñanagürü choxü̃: “¡Nuxã naxĩnagü! Rü tá cuxü̃ nüxü̃ chadauxẽxẽ i ngẽma yixcüra tá ngupetüxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:19

Rü ñu̱xma rü chanaxwa̱xe i cunaxümatü i ngẽma marü nüxü̃ cudauxü̃. Rü ngẽma nixĩ i ngẽma ñu̱xma ngupetüxü̃, rü ngẽma yixcüra tá ngupetüxü̃.

Ore i mexü̃ ga Luca ümatüxü̃ 17:20

Rü Parichéugü rü Ngechuchuna nacagü, rü ñanagürügü: —¿Ñuxgu tá nixĩ nax yangucuchixü̃ ya Tupana nax ãẽ̱xgacü yixĩxü̃ca̱x i núma? —ñanagürügü. Rü Ngechuchu nanangãxü̃, rü ñanagürü: —Norü nguchiga ya Tupana rü taxũtáma nüxü̃ tacua̱x nax ta̱xacürü ngunexü̃gu tá ínanguxü̃.

Ore i mexü̃ ga Matéu ümatüxü̃ 24:35

Rü ñoma i naane rü ngẽma daxũwa nüxü̃ idauxü̃ rü tá nagu̱x. Natürü chorü ore rü tagutáma inayarüxo rü aixcüma tá ningu.

Ore i mexü̃ ga Matéu ümatüxü̃ 21:24

Rü Ngechuchu nanangãxü̃ rü ñanagürü: —Choma rü tá ta pexna chaca, rü ngẽxguma choxü̃ pengãxü̃gu i ngẽma pexna naxca̱x chaca̱xaxü̃, rü choma rü tá ta pemaxã nüxü̃ chixu nax texé choxü̃ muxü̃ nax nua changu̱xẽẽtaexü̃. ¿Rü texé tanamu ga Cuáü̃ ga báiü̃xẽẽruxü̃ nax duü̃xü̃güxü̃ ínabaiü̃xẽẽxü̃ca̱x? ¿Tupana yixĩxü̃ ga namucü rü ẽ̱xna wüxi i duü̃xü̃mare? —ñanagürü. Rü yexguma ga yema ãẽ̱xgacügü rü inanaxügüe ga nügümaxã nax yaporagatanücüüxü̃. Rü nügümaxãtama ñanagürügü: —¿Ñuxũ ñagügüxü̃ tá? Erü ngẽxguma chi nüxü̃ ixuxgu nax Tupana núma namuxü̃ rü nüma rü tá ñanagürü tüxü̃: “¿Rü tü̱xcüü̃ ga tama nüxü̃́ peyaxõgüxü̃?” ñanagürü tá.

Chacaría 12:3

Rü ngẽma ngunexü̃gu rü Yerucharéü̃ rü wüxi ya nuta ya yaxüchicüxü̃ tá chayanguxuchixẽxẽ na̱xcha̱xwa i ngẽma togü i nachixü̃anegü. Rü tü̱xchiama tá tayapi̱x ya texé ya nangenagüchaü̃xe. Rü guxü̃ma i ngẽma nachixü̃anegü rü tá nügü nanutaque̱xegü nax Yerucharéü̃maxã nügü nada̱i̱xü̃ca̱x.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

Danié 2:24

Rü yemawena ga Danié rü Arióxü̃tawa naxũ yerü yema nixĩ ga ãẽ̱xgacü muxü̃ nax nadaiaxü̃ca̱x ga guxü̃ma ga yema ãẽ̱xgacüarü ucu̱xẽruü̃gü ga Babiróniaanecüã̱x. Rü yemaca̱x nüxna nayachogü rü ñanagürü nüxü̃: —¡Taxṹ i cunada̱i̱xü̃ i ngẽma ucu̱xẽruü̃gü! ¡Rü ãẽ̱xgacüxü̃tawa choxü̃ naga! Rü choma tá namaxã nüxü̃ chixu i ngẽma nanegü —ñanagürü.

Wiyaegü 145:3

Rü nüma ya Cori ya Tupana rü nüxü̃ nacua̱xüchi rü ngẽmaca̱x name nax nüxü̃ icua̱xüü̃güxü̃. Rü ngẽma tórü cua̱x rü tama nawa nangu nax nüxü̃ icuáxü̃ca̱x i ñuxãcü nüxü̃ nacua̱xüchixü̃ i nümax.

Wiyaegü 135:5

Rü choma rü meama nüxü̃ chacua̱x rü nüma ya Cori ya tórü Tupana rü guxü̃ma i ngẽma duü̃xü̃gü namaxã tupanaã́xü̃étüwa naxü.

Wiyaegü 96:4

Erü nüma ya Cori ya Tupana rü guxãétüwa nangẽxma, rü ngẽmaca̱x name nax nüxü̃xicatama icua̱xüü̃güxü̃. Erü nüma rü naxãũcümaxü̃chi rü guxü̃ma i ngẽma duü̃xü̃gü namaxã tupanaã́xü̃étüwa nangẽxma.

Yox 36:26

Rü ngẽma nax guxü̃arü yexera yixĩxü̃ ya Tupana rü taxucürüwa nüxü̃ tacua̱xéga nax ñuxãcü yixĩxü̃. Rü taxucürüwa tayaxugü nax ñuxre yixĩxü̃ i norü taunecü.

Neemía 9:32

Rü ngẽmaca̱x, ¡Pa Torü Tupanax! cuma nax tacü, rü poracü, rü ãũcümacü nax quixĩxü̃ rü taguma nüxü̃ icuyarüngüma i ngẽma curü uneta rü curü ngechaü̃ toxca̱x. Rü ñu̱xma rü tama tanaxwa̱xe nax cunangupetüxẽẽmarexü̃ ga guxü̃ma ga yema ngúxü̃gü ga yangegüxü̃ ga torü ãẽ̱xgacügü, rü yema ĩanemaxã icua̱xgüxü̃, rü chacherdótegü, rü orearü uruü̃gü, rü torü o̱xigü, rü guxü̃ma ga curü duü̃xü̃gü. Yerü yexguma Achíriaanearü ãẽ̱xgacügüme̱xẽwa tayexmagügucurüwa ngúxü̃ tingegü ñu̱xmata ñaa i ngunexü̃wa nangu.

Neemía 4:14

Rü yexguma nüxü̃ chicua̱xãchigu ga nax namuü̃exü̃ ga duü̃xü̃gü, rü nüxna chaxu ga guxü̃ma ga ãẽ̱xgacügü rü duü̃xü̃gü nax chomaxã nangutaque̱xegüxü̃ca̱x, rü ñachagürü nüxü̃: —¡Taxṹ i pemuü̃exü̃! ¡Rü nüxna pecua̱xãchie rü nüma ya Tupana rü poraxüchicü rü üünecü nax yixĩxü̃! Rü ngẽmaca̱x name nixĩ nax ípemexü̃ nax perü uanümaxã pegü pedaixü̃ rü ípenapoxü̃xü̃ i pemücügü, rü petanüxü̃ rü pepatacüã̱xgü —ñachagürü nüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:25

Erü nüma ya Cori ya Tupana rü guxãétüwa nangẽxma, rü ngẽmaca̱x name nax nüxü̃xicatama icua̱xüü̃güxü̃. Erü nüma rü naxãũcümaxü̃chi rü guxü̃ma i ngẽma tupananetagüarü yexera tanaxwa̱xe i nüxü̃ tamuü̃e.

Danié 2:28

Natürü nangẽxma ya wüxi ya Tupana i daxũguxü̃ i naanewa ya nüxü̃ cuácü i ẽxü̃guxü̃ i ore, Pa Ãẽ̱xgacüx, rü nüma nixĩ i cuxü̃ nüxü̃ nacua̱xẽẽxü̃ i ngẽma tá yixcüra ngupetüxü̃. Rü tá cumaxã nüxü̃ chixu, Pa Ãẽ̱xgacüx, ga yema nüxü̃ cudauxü̃ ga cunegüwa ga yexguma cupegu.

Danié 2:29

Rü cumax, Pa Ãẽ̱xgacüx, rü curü pechicawa cuyexma rü nagu curüxĩnü ga ta̱xacü tá nax ngupetüxü̃ ga yixcüra. Rü yexguma cuxãnegügu rü nüma ya Tupana ya nango̱xẽẽcü i ngẽma ẽxü̃guxü̃ rü cuxü̃ nüxü̃ nacua̱xẽxẽ i ngẽma tá ngupetüxü̃.

Danié 8:25

Rü ngẽma nax womüxẽẽxü̃ nacuáxü̃ rü tá nanawomüxẽxẽ i muxü̃ma i duü̃xü̃gü. Rü nügü tá nicua̱xüxü̃. Rü yíxema duü̃xẽgü ga nagu yaxõgüchiréxe rü tüxü̃ tá nadai. Rü yimá ãẽ̱xgacügüarü Ãẽ̱xgacümaxã tá nügü nadai. Rü yimá Ãẽ̱xgacü rü tá nayama̱x i ngẽma womüxẽẽwa̱xexü̃ i ãẽ̱xgacü.

Naanearü ügüchiga 41:26

Rü ngẽma 7 i wocagü i imexẽchixü̃, rü 7 ya taunecüchiga nixĩ. Rü ngẽmachigatama nixĩ i ngẽma 7 ya̱xa i trigu i mexẽchixü̃. Rü ngẽma taxre i cunegü rü ngẽmachigatama nixĩ.

Wiyaegü 2:9

Rü fierumena̱xãmaxã tá cunadai i ngẽma nachixü̃anegüarü ãẽ̱xgacügü. Rü tá íxraxü̃gu cunapoü̃gü ñoma buetare ya waixü̃münaxca̱x ipuxẽxẽxü̃rüxü̃ —ñanagürü choxü̃.

Aguéu 2:22

Rü guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü rü tá ichayanaxoxẽxẽ i norü pora. Rü tá nagu chapogü i ngẽma ãẽ̱xgacügüarü tochicaxü̃gü. Rü tá chanangüegutanü i norü carugü i daiwexü̃ wüxigu namaxã i norü ũxẽẽruü̃gü. Rü tá nayue i norü cowarugü wüxigu namaxã i ngẽma nagu ĩxü̃. Rü wüxichigü rü tá naenexẽarü taragu tátama nayu.