Danié 2:40 - Tupanaarü Ore

⁴⁰ Rü ngẽmawena rü tá ínangu i to i ãẽ̱xgacü i poraxü̃ i ñoma fierurüxü̃ taixü̃. Rü ngẽxgumarüxü̃ i ngẽma fieru rü guxü̃ma i ta̱xacüxü̃ napuxãchixẽxẽ rü inanaxoxẽxẽ, rü ngẽxgumarüxü̃ tá nixĩ i ngẽma ãẽ̱xgacü rü tá nax nadaiaxü̃ rü iyanaxoxẽẽãxü̃ i guxü̃ma i ngẽma togü i ãẽ̱xgacügü.

Danié 2:40 Referans Kwoze

Danié 7:7

Rü yema norü ãgümücü ga ngo̱xo ga chorü ngo̱xetüwa nüxü̃ chadauxü̃ rü naxãũcümaxü̃chi, rü muü̃ tüxna naxã yerü naporaxüchi. Rü napüta rü nita rü fierunaxca̱x nixĩgü. Rü guxü̃ma ga yema nangṍxü̃ rü íxraxü̃gu nanawaü̃gü. Rü yema íyaxüxü̃ rü nagu napúgü. Yema ngo̱xo rü nanatoraxü̃ natanüwa ga yema togü ga ngo̱xogü ga chaunegüwa nüxü̃ chadauxü̃. Rü 10 ga naxchata̱xcure nüxü̃́ nayexma ga naeruwa.

Ore i mexü̃ ga Cuáü̃ ümatüxü̃ 11:48

Ngẽxguma chi tama yayauxgügu, rü guxü̃táma i duü̃xü̃gü rü tá nüxü̃́ nayaxõgü, rü Rómacüã̱xgüarü churaragü rü núma chi naxĩ rü nagu napogüe ya tórü Tupanapata ya taxü̃ne, rü nayanaxoxẽxẽ i tachiü̃ane —ñanagürügü.

Amúx 1:3

Rü Cori ya Tupana rü nüxü̃ nixu rü ñanagürü: —Ngẽma Damácucüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chapoxcuexü̃, yerü nüma rü nanadai ga chorü duü̃xü̃gü ga Garaáxcüã̱xgü ñoma fierumena̱xãmaxã ta̱xacü ipoxü̃rüxü̃.

Danié 9:26

Rü ngẽma 62 i yüxüwena rü tá nayama̱xgü ya yima ãẽ̱xgacü ya mecü. Rü ngẽmawena rü tá ningucuchi i wüxi i ãẽ̱xgacü. Rü ngẽma norü duü̃xü̃gü rü tá nagu napogüe ya Yerucharéü̃ rü yima Tupanapata ya taxü̃ne. Rü ngẽma Yerucharéü̃gu nax napogüexü̃ rü ñoma wüxi ya mucü ya ngürüãchi guxü̃wama inanguanexẽẽcürüxü̃ tá nixĩ. Rü ngẽma dai rü taxũtáma ínayachaxãchi rü ñu̱xmatáta mea nagu napogüe ya yima ĩane, yerü yemaacü nanaxuegu ga Tupana.

Danié 8:24

Rü tá nawa nangu nax naporaxüchixü̃, natürü taxũtáma noxrütama poramaxã nixĩ. Rü nüma rü tá poraãcü togü i nachixü̃anegüxü̃ nachixexẽxẽ. Rü guxü̃ma i ngẽma naxüxü̃ rü tá mea nüxü̃́ ínanguxuchi. Rü tá nanadai i muxü̃ma i ãẽ̱xgacügü i poraexü̃, rü muxü̃ma i Tupanaarü duü̃xü̃gü.

Danié 2:33

Rü guma naparagü rü fierunaxca̱x nixĩ. Rü ngãxü̃ ga nacutügü rü fierunaxca̱x nixĩ rü to ga norü ngãxü̃ ga guma nacutügü rü waixü̃münaxca̱x nixĩ.

Yeremía 15:12

Rü Tupana rü ñanagürü: —¿Texé tá nüxü̃ tarüporamae i ngẽma duü̃xü̃gü i nórtewaama ne ĩxü̃ i ñoma fierurüxü̃ rü bróũcherüxü̃ poraxüchixü̃?

Yox 9:17

Rü wüxi i taxü̃ i guxchaxü̃ chi cha̱u̱xca̱x ínanguxẽxẽ, rü yexeraãcü chi nanamuxẽxẽ i ngẽma chorü o̱xrigü woo taxuxü̃ma i chixexü̃ chaxüxgu.

Danié 2:39

Rü cuwena, Pa Ãẽ̱xgacüx, rü tá nangẽxma i to i nachixü̃anecüã̱x i ãẽ̱xgacü i nüxí tá ichixü̃ rü togü i nachixü̃anegümaxã icuáxü̃, natürü taxũtáma curü poramaxã nawüxigu. Rü ngẽmawena tá nangẽxma i to i ãẽ̱xgacü i muxü̃ma i nachixü̃anegümaxã icuáxü̃. Rü ngẽmachiga nixĩ i ngẽma naxchicüna̱xãxü̃ne i bróũchenaxca̱x.

Danié 2:41

Rü cumax, Pa Ãẽ̱xgacüx, rü yexgumarüxü̃ ta nüxü̃ cudau ga guma nacutüme̱xẽ rü nümáne rü waixü̃münaxca̱x nixĩ rü naigü rü fierunaxca̱x nixĩ. Rü ngẽma tamaxã nüxü̃ nixu rü ngẽma nachixü̃ane rü woo ñoma fierurüxü̃ natai, natürü ngẽma norü duü̃xü̃gü rü tama wüxigu narüxĩnüe rü taxü̃ i guxchaxü̃gü nügümaxãtama inaxügü. Rü yexgumarüxü̃ ga guma nacutüme̱xẽ rü nümáne rü waixü̃münaxca̱x nixĩ rü naigü rü fierunaxca̱x nixĩ rü ngẽxgumarüxü̃ ta i ngẽma nachixü̃ane rü wüxiwa rü tá napora rü towa rü tá natura.