Danié 2:35 - Tupanaarü Ore

³⁵ Rü yexguma ga yema fieru rü waixü̃mü rü bróũche rü diẽrumü rü úiru rü wüxixü̃cüütama nixãte̱xeãchi. Rü ñoma trigu icuexechite̱xegurüxü̃ nixĩ ga buanecü yangexü̃, rü taxuxü̃ma yéma nayaxüãchi ga yema naxchicüna̱xã. Natürü gumá nuta ga yema naxchicüna̱xãétüwa dixpütacü rü wüxi ga taxü̃ne ga ma̱xpǘnexü̃ nanaca̱xichi rü guxü̃ma ga ñaa naane rü namaxã nanapá.

Danié 2:35 Referans Kwoze

Wiyaegü 37:10

Rü paxa tá inayarüxo i ngẽma chixexü̃ ügüxü̃. Rü woo tá naxca̱x cuda̱u̱xgu rü taxugutáma nüxü̃ icuyangau.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Ochéa 13:3

Rü ngẽmaca̱x i ngẽma duü̃xü̃gü rü tá ngürüãchimare narüxogü, ngẽma caixanexü̃ i pa̱xmama rücaxixü̃rüxü̃. Rü ñoma cherena i ngunetüxü̃ ínguxü̃rüxü̃ tá narüxogü. Rü ñoma wüxi i naixatü i marü ipaxü̃ i buanecü ngextá cuemarexü̃rüxü̃ tá narütaxu rü ñoma üxüarü caxixü̃rüxü̃ tá narüxo.

Ichaía 11:9

Rü guxü̃nema ya yima ma̱xpǘne ya chopata nawa ngẽxmanewa rü tataxuma ya texé ya chixexü̃ ǘxe. Erü ngẽma már i dexámaxã napaxü̃rüxü̃ rü ñoma i naane rü ngẽma duü̃xü̃gü i choxü̃ cua̱xgüxü̃maxã tá nanapá.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:8

Natürü ga yema coya rü norü orearü ngeruü̃gü rü tama Tupanaarü orearü ngeruü̃güxü̃ narüporamaegü. Rü ñu̱xũchi ga yema coya rü namücügü rü daxũguxü̃ ga naanewa rü nangechica.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

1 Corintios 15:25

Erü nüma ya Cristu rü ãẽ̱xgacü tá nixĩ ñu̱xmatáta nüxü̃ naporamae i guxü̃ma i norü uanügü.

Miquéa 4:13

¡Inachi rü nadai, Pa Ĩane ya Chióü̃x! Erü choma ya Cori ya Tupana rü ñachagürü: —Choma rü tá cuxna chanaxã i pora nax ñoma wüxi i woca i yatüxü̃ i fierumaxã ãxchata̱xcurexü̃ rü bróũchemaxã ixãpatüxü̃rüxü̃ cunada̱i̱xü̃ca̱x i muxü̃ma i duü̃xü̃gü. Cuma rü tá nüxna cunapuxü̃ i ngẽma norü ngẽmaxü̃gü i chixexü̃wa nayauxgüxü̃, rü ñu̱xũchi tá choxna cunana i choma nax guxü̃ i naanemaxã ichacuáxü̃ —ñachagürü i choma ya Cori ya Tupana.

Wiyaegü 103:16

Rü ngẽxguma buanecü nagu nguxgu i ngẽma putürachacu rü ngẽxma narüxo rü taguma texé wena nüxü̃ tadau.

Wiyaegü 86:9

Pa Corix, cuma nixĩ ga cunangóexẽẽxü̃ i guxü̃ma i nachixü̃anegü. Rü ngẽma nachixü̃anegü rü tá cuxca̱x naxĩ nax cuxü̃ nataxẽẽgüxü̃ca̱x rü cuxü̃ yacua̱xüü̃güxü̃ca̱x.

Wiyaegü 46:9

Yerü guxü̃wama ga ñoma i naanewa rü marü inayanaxoxẽxẽ nax nügü nada̱i̱xü̃ ga duü̃xü̃gü. Rü nüxü̃́ nayachixegüxẽxẽ ga norü würagü rü wocaxegü. Rü ínanagu ga naweü̃gü ga daiwa namaxã naxĩxü̃ne.

Wiyaegü 37:36

Natürü ngẽxguma wena ínangexmaxü̃wa chaxüpetügux, rü naxca̱x chadau rü marü nataxuma, rü taxuxü̃ma ichayangau.

Wiyaegü 22:27

Rü Pa Guxãma i Pema i Ñoma i Naanewa Maxẽxex ¡rü nüxna pecua̱xãchie ya Cori ya Tupana rü naxca̱x pexĩ! ¡Rü nape̱xegu pecaxã́pü̱xügü rü nüxü̃ picua̱xüü̃gü!

Ichaía 8:9

¡Pa Nachixü̃anegü i Yáxü̃wa Ngẽxmagüxü̃, iperüxĩnüe i ñaa ore! Rü woo aixta pexüegu nax daiwa pexĩxü̃ca̱x, rü tá pexchama pedai. Rü woo pegü pemexẽẽgügu nax daiwa pexĩxü̃ca̱x, rü tá pexchama peyue. Rü woo pegü pemexẽẽgügu nax daiwa pexĩxü̃ca̱x, rü tá pexchama íxraxü̃gu pepoü̃gü.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

Chacaría 12:3

Rü ngẽma ngunexü̃gu rü Yerucharéü̃ rü wüxi ya nuta ya yaxüchicüxü̃ tá chayanguxuchixẽxẽ na̱xcha̱xwa i ngẽma togü i nachixü̃anegü. Rü tü̱xchiama tá tayapi̱x ya texé ya nangenagüchaü̃xe. Rü guxü̃ma i ngẽma nachixü̃anegü rü tá nügü nanutaque̱xegü nax Yerucharéü̃maxã nügü nada̱i̱xü̃ca̱x.