Danié 2:31 - Tupanaarü Ore

³¹ Rü yema cunegüwa, Pa Ãẽ̱xgacüx, rü nüxü̃ cudau nax cupe̱xegu nachixü̃ ga wüxi ga naxchicüna̱xã ga taxü̃ ga iya̱u̱xracüüxü̃ ga namaxã ibaixãchixü̃.

Danié 2:31 Referans Kwoze

Abacú 1:7

Rü niporaxüchi rü nixãũcümaxü̃chi, rü ngẽma norü mugüxicatama nixĩ i naga naxĩnüexü̃. Rü tama naga naxĩnüe i togü i mugü.

Ichaía 13:11

Rü nüma ya Cori ya Tupana rü ñanagürü: —Tá chanapoxcue i ñoma i naanecüã̱x naxca̱x i ngẽma norü chixexü̃. Rü ngẽma duü̃xü̃gü i chixexü̃gu maxẽxü̃ rü tá chanapoxcu naxca̱x i ngẽma nax namáetagüxü̃. Rü tá ichayanaxoxẽxẽ i nacüma i namaxã nügü ínatagüxü̃ i ngẽma duü̃xü̃gü i nügü icua̱xüü̃güxü̃. Rü tá chanaxãneexẽxẽ i ngẽma nügü írütagüxü̃ rü ngẽma taxuwama toguexü̃ mexẽẽgüxü̃.

Ore i mexü̃ ga Luca ümatüxü̃ 4:5

Rü yexguma ga ngo̱xo ga Chataná rü wüxi ga ma̱xpǘnechitaeruwa nanaga. Rü yéma paxaãchi nüxü̃ nüxü̃ nadauxẽxẽ ga guxü̃ma ga nachixü̃anegü ga ñoma ga naanecüã̱x.

Ore i mexü̃ ga Matéu ümatüxü̃ 4:8

Rü yexguma ga nüma ga ngo̱xo ga Chataná rü wüxi ga ma̱xpǘne ga máchanexü̃chinewa nanaga. Rü yéma Ngechuchuxü̃ nanawe̱x ga guxü̃nema ga ñoma ga naanecüã̱x ga nachixü̃anegü nax ñuxãcü yamexẽchixü̃.

Danié 3:1

Rü nüma ga ãẽ̱xgacü ga Nabucudonochó rü norü duü̃xü̃güxü̃ namu nax naxügüã̱xü̃ca̱x ga wüxi ga naxchicüna̱xã ga úirunaxca̱x. Rü yema naxchicüna̱xã rü nüxü̃́ nayexma ga 30 metru ga norü máchane, rü norü taxü̃ne rü 3 metru nixĩ. Rü ñu̱xũchi nüma ga ãẽ̱xgacü rü norü duü̃xü̃güxü̃ namu nax metachinüxü̃ ga Dúragu ãégaxü̃gu nachixẽẽgüãxü̃ca̱x ga Babiróniaanewa.

Danié 4:36

Rü yexgumatama chauãẽxü̃ chicua̱xãchi rü wenaxarü Tupana choxü̃ narüngü̃xẽxẽ rü chauchicaca̱xtama choxü̃ nataeguxẽxẽ nax ãẽ̱xgacü chixĩxü̃. Rü duü̃xü̃gü rü chomaxã nataãẽgü, rü noxrirüü̃tama namaxã ichacua̱x rü chapora. Rü yema chorü ucu̱xẽruü̃gü rü chorü ngü̃xẽẽruü̃gü rü cha̱u̱xca̱x nayadaugü nax wenaxarü chauchixü̃anearü ãẽ̱xgacüxü̃ choxü̃ yangucuchixẽẽgüxü̃ca̱x. Rü noxriarü yexera pora choxü̃́ nayexma.

Danié 2:36

Rü yema nixĩ ga yema cunegü. Rü ñu̱xmax, Pa Ãẽ̱xgacüx, rü tá cumaxã nüxü̃ chixu nax ta̱xacüchiga yixĩxü̃ ga yema cunegü.

Danié 2:37

Rü cuma nixĩ, Pa Ãẽ̱xgacüx, i guxü̃ma i togü i ãẽ̱xgacügüétüwa cuxüxü̃ i ñu̱xmax, erü nüma ya Tupana ya daxũgucü rü cuxü̃ inamu nax ãẽ̱xgacü quixĩxü̃ca̱x rü cuporaxü̃ca̱x rü guxü̃ma i nachixü̃anegü cuxü̃ cua̱xüü̃güxü̃ca̱x.