Danié 2:30 - Tupanaarü Ore

³⁰ Rü ngẽxgumarüxü̃ ta ya Tupana rü cha̱u̱xca̱x nanango̱xẽxẽ ga yematama cuma nagu cuxãnegüxü̃. Natürü tama ngẽma togüarü yexera nüxü̃ charücua̱xmaexü̃ca̱x nixĩ i choxü̃ nüxü̃ nacua̱xẽẽxü̃ i ngẽma. Rü cha̱u̱xca̱x nanango̱xẽxẽ nax cumaxã nüxü̃ chixuxü̃ca̱x nax ta̱xacüchiga yixĩxü̃ ga yema cunegü nax ngẽmaãcü cuma rü ta nüxü̃ cucuáxü̃ca̱x.

Danié 2:30 Referans Kwoze

Naanearü ügüchiga 41:16

Rü yexguma ga Yúche rü nanangãxü̃ rü ñanagürü: —Pa Chorü Ãẽ̱xgacüx, ngẽma rü tama chowa nangẽxma, natürü Tupana tá nixĩ ya cuxca̱x nango̱xẽẽcü —ñanagürü.

Ngechuchuarü ngúexü̃gü ga yamugüxü̃arü puracüchiga 3:12

Rü yexguma Pedru nüxü̃ da̱u̱xgu ga yema duü̃xü̃gü ga yéma naxca̱x ĩtaque̱xegüxü̃, rü ñanagürü nüxü̃: —Pa Chautanüxü̃ i Iraétanüxü̃güx, ¿Tü̱xcüü̃ peba̱i̱xãchie namaxã i ngẽma ñaa yatümaxã ngupetüxü̃? ¿Rü tü̱xcüü̃ toxü̃ perüdaunü ñoma torü poramaxã rü torü mexü̃maxã tanamexẽẽxü̃rüxü̃?

2 Corintios 4:15

Rü guxü̃ma ga yema toxü̃ ngupetüxü̃ rü perü mexü̃ca̱x nixĩ nax yexeraãcü yamuetanüxü̃ca̱x i ngẽma duü̃xü̃gü ya Tupana nüxü̃ rüngü̃xẽẽgüxü̃. Rü ngẽmaãcü tá düxwa namuxũchi i ngẽma duü̃xü̃gü i moxẽ Tupanana ãgüxü̃ rü nüxü̃ icua̱xüü̃güxü̃.

Romanos 8:28

Rü nüxü̃ tacua̱x rü tümaarü mexü̃ca̱x nixĩ ya Tupana ínangu̱xẽẽxü̃ i guxü̃ma i ngẽma tüxü̃ üpetüxü̃ ya yíxema nüxü̃ ngechaü̃güxe ga nüma nagu naxĩnüxü̃ca̱x tüxü̃ nadexe.

Ore i mexü̃ ga Márcu ümatüxü̃ 13:20

Rü ngẽxguma Tupana tama nanoxrexẽẽgu i ngẽma ngunexü̃gü, rü taxúetama tamaxü̃. Natürü Tupana rü marü nananoxrexẽxẽ i ngẽma ngunexü̃gü erü tüxü̃ nangechaü̃ ya yíxema noxrüxü̃ tüxü̃ nadexe.

Ore i mexü̃ ga Matéu ümatüxü̃ 24:22

Rü ngẽxguma Tupana tama nanoxrexẽẽgu i ngẽma ngunexü̃gü, rü taxúetama tamaxü̃. Natürü Tupana tá nananoxrexẽxẽ i ngẽma ngunexü̃gü tümaca̱x ya yíxema nüma tüxü̃ nadexe.

Amúx 4:13

Rü choma rü Cori ya Tupana ya Guxãétüwa Ngẽxmacü nixĩ i chauéga. Rü choma nixĩ i ma̱xpǘnegü rü buanecü chango̱xẽẽxü̃. Rü choma nixĩ i yatüxü̃ nüxü̃ chacua̱xẽẽxü̃ i ngẽma nagu charüxĩnüxü̃. Rü choma nixĩ i waanexü̃xü̃ chayanguxuchixẽẽxü̃ i ngóonexü̃. Rü choma nixĩ i ñoma i naanearü máxpü̱xanexü̃gu chixũgüxü̃. Rü Cori ya Tupana ya Guxãétüwa Ngẽxmacü nixĩ i chauéga.

Danié 2:49

Rü nüma ga Danié rü ãẽ̱xgacüna naca nax nüxü̃ naxunetaxü̃ca̱x ga namücügü ga Chadrá rü Mechá rü Abex-negó nax yemagü norü ngü̃xẽẽruü̃gü yixĩgüxü̃ca̱x ga Babiróniaanewa. Rü nüma ga Danié rü ãẽ̱xgacüpatawatama nayexma nax yéma nüxü̃ nangü̃xẽẽxü̃ca̱x.

Danié 1:17

Rü yema ãgümücü ga ngextü̱xüxü̃gü, rü Tupana rü cua̱x nüxna naxã nax nüxü̃ nacua̱xgüxü̃ca̱x ga naguxü̃raü̃xü̃ ga cua̱x ga poperagu ümatüxü̃. Rü nüma ga Tupana rü naétü Daniéxü̃ narüngü̃xẽxẽ nax nüxü̃ nacuáxü̃ca̱x nax ta̱xacüchiga yixĩxü̃ ega texé ngo̱xetügu rüe̱xna ãnegügu.

Ichaía 45:4

Rü poraãcü nüxü̃ changechaü̃ i chorü duü̃xü̃gü i Iraétanüxü̃ i Acóbuarü duü̃xü̃gü, rü ngẽmaca̱x cuégamaxã cuxca̱x chaca rü cuxü̃ chaxuneta nax ãẽ̱xgacü quixĩxü̃ca̱x woo tama choxü̃ cucua̱x i cumax.

Wiyaegü 139:2

Rü cuma nüxü̃ cucua̱x i guxü̃ma i ngẽma chaxüxü̃. Rü woo curü yáxü̃wa changexmagu rü nüxü̃ cucua̱xama i ngẽma nagu charüxĩnüxü̃.

Danié 2:47

Rü yemawena rü Daniéxü̃ ñanagürü: —Aixcümaxü̃chima ya yimá perü Tupana nixĩ ya guxü̃ma i togü i tupanagüxü̃ rüporamaecü. Rü nüma rü guxü̃ma i ãẽ̱xgacügüarü Cori nixĩ. Rü nüma rü inanawe̱x i ngẽma ẽxü̃guxü̃ rü ngẽmaca̱x cuxü̃ nüxü̃ nacua̱xẽxẽ i ngẽma chaunegü —ñanagürü.