Danié 2:29 - Tupanaarü Ore

²⁹ Rü cumax, Pa Ãẽ̱xgacüx, rü curü pechicawa cuyexma rü nagu curüxĩnü ga ta̱xacü tá nax ngupetüxü̃ ga yixcüra. Rü yexguma cuxãnegügu rü nüma ya Tupana ya nango̱xẽẽcü i ngẽma ẽxü̃guxü̃ rü cuxü̃ nüxü̃ nacua̱xẽxẽ i ngẽma tá ngupetüxü̃.

Danié 2:29 Referans Kwoze

Danié 2:28

Natürü nangẽxma ya wüxi ya Tupana i daxũguxü̃ i naanewa ya nüxü̃ cuácü i ẽxü̃guxü̃ i ore, Pa Ãẽ̱xgacüx, rü nüma nixĩ i cuxü̃ nüxü̃ nacua̱xẽẽxü̃ i ngẽma tá yixcüra ngupetüxü̃. Rü tá cumaxã nüxü̃ chixu, Pa Ãẽ̱xgacüx, ga yema nüxü̃ cudauxü̃ ga cunegüwa ga yexguma cupegu.

Amúx 4:13

Rü choma rü Cori ya Tupana ya Guxãétüwa Ngẽxmacü nixĩ i chauéga. Rü choma nixĩ i ma̱xpǘnegü rü buanecü chango̱xẽẽxü̃. Rü choma nixĩ i yatüxü̃ nüxü̃ chacua̱xẽẽxü̃ i ngẽma nagu charüxĩnüxü̃. Rü choma nixĩ i waanexü̃xü̃ chayanguxuchixẽẽxü̃ i ngóonexü̃. Rü choma nixĩ i ñoma i naanearü máxpü̱xanexü̃gu chixũgüxü̃. Rü Cori ya Tupana ya Guxãétüwa Ngẽxmacü nixĩ i chauéga.

Danié 2:47

Rü yemawena rü Daniéxü̃ ñanagürü: —Aixcümaxü̃chima ya yimá perü Tupana nixĩ ya guxü̃ma i togü i tupanagüxü̃ rüporamaecü. Rü nüma rü guxü̃ma i ãẽ̱xgacügüarü Cori nixĩ. Rü nüma rü inanawe̱x i ngẽma ẽxü̃guxü̃ rü ngẽmaca̱x cuxü̃ nüxü̃ nacua̱xẽxẽ i ngẽma chaunegü —ñanagürü.

Danié 2:22

Rü nüma rü tüxü̃ nüxü̃ nacua̱xẽxẽ i ngẽma cua̱x i ẽxü̃guxü̃. Rü nüxü̃ nacua̱x i ngẽma ẽanexü̃wa üxü̃ erü nüma rü ngóonexü̃wa nangẽxma.

Echequié 38:10

Rü Choma ya Cori ya Tupana rü cumaxã nüxü̃ chixu: “Rü ngẽma ngunexü̃gu rü chixexü̃ i ĩnü tá cuwa nangu.

Naanearü ügüchiga 41:25

Rü yexguma ga Yúche rü Faraóü̃xü̃ nangãxü̃, rü ñanagürü: —Pa Chorü Ãẽ̱xgacüx, ngẽma taxre i cunegügü rü wüxitama i ĩnüchiga nixĩ. Rü Tupana rü cumaxã nüxü̃ nixu i ngẽma nüma tá naxüxü̃.

Danié 2:23

Rü moxẽ cuxna chaxã rü cuxü̃ chicua̱xüxü̃, Pa Chaunatügüarü Tupanax, erü cua̱x choxna cuxã rü choxü̃ cuporaxẽxẽ. Rü ñu̱xmax rü choxü̃ nüxü̃ cucua̱xẽxẽ i ngẽma cuxna naxca̱x taca̱xaxü̃, rü toxü̃ nüxü̃ cucua̱xẽxẽ i ngẽma nanegü i ãẽ̱xgacü naxca̱x oegaãẽxü̃ —ñanagürü.

Danié 2:45

Rü yimá ãẽ̱xgacüchiga nixĩ ga gumá nuta ga nüxü̃ cudaucü ga taxúema nüxü̃ cuxnetaãcüma ma̱xpǘnewa yarüdixicü rü íraxü̃gu napocü ga yema naxchicüna̱xã ga fierunaxca̱x, rü bróũchenaxca̱x, rü waixü̃münaxca̱x rü úirunaxca̱x. Rü yemaacü ga nüma ga Tupana ya poraxüchicü rü cuxü̃ nanawe̱x, Pa Ãẽ̱xgacüx, i ngẽma yixcüra tá ngupetüxü̃. Rü yema cunegüwa nüxü̃ cudauxü̃ rü aixcüma nixĩ, rü ngẽma cumaxã nüxü̃ chixuchigaxü̃ rü aixcüma tá ningu —ñanagürü ga Danié.