Danié 2:28 - Tupanaarü Ore

²⁸ Natürü nangẽxma ya wüxi ya Tupana i daxũguxü̃ i naanewa ya nüxü̃ cuácü i ẽxü̃guxü̃ i ore, Pa Ãẽ̱xgacüx, rü nüma nixĩ i cuxü̃ nüxü̃ nacua̱xẽẽxü̃ i ngẽma tá yixcüra ngupetüxü̃. Rü tá cumaxã nüxü̃ chixu, Pa Ãẽ̱xgacüx, ga yema nüxü̃ cudauxü̃ ga cunegüwa ga yexguma cupegu.

Danié 2:28 Referans Kwoze

Naanearü ügüchiga 40:8

Rü nümagü rü nanangãxü̃gü, rü ñanagürügü: —Ngewa̱x chütacü rü taxãnegüe. Rü tataxuma ya texé ya tomaxã nüxü̃ ixuxe nax ta̱xacüchiga yixĩxü̃ i ngẽma nagu taxãnegügüxü̃ —ñanagürügü. Rü yexguma ga Yúche rü ñanagürü: —¿Taux ẽ̱xna ya Tupana yixĩxü̃ ya yimá nango̱xẽẽcü nax ta̱xacüchiga yixĩxü̃? ¡Rü chomaxã nüxü̃ pixu i ngẽma penegü! —ñanagürü.

Amúx 4:13

Rü choma rü Cori ya Tupana ya Guxãétüwa Ngẽxmacü nixĩ i chauéga. Rü choma nixĩ i ma̱xpǘnegü rü buanecü chango̱xẽẽxü̃. Rü choma nixĩ i yatüxü̃ nüxü̃ chacua̱xẽẽxü̃ i ngẽma nagu charüxĩnüxü̃. Rü choma nixĩ i waanexü̃xü̃ chayanguxuchixẽẽxü̃ i ngóonexü̃. Rü choma nixĩ i ñoma i naanearü máxpü̱xanexü̃gu chixũgüxü̃. Rü Cori ya Tupana ya Guxãétüwa Ngẽxmacü nixĩ i chauéga.

Danié 10:14

Rü ngẽmaca̱x i ñu̱xma rü nua chaxũ nax cumaxã nuxü̃ chayarüxuxü̃ca̱x i ngẽma tá yixcüra ngupetüxü̃ namaxã i cutanüxü̃ i Iraétanüxü̃. Rü yema nüxü̃ cudauxü̃ ga yexguma Tupana cuxca̱x nango̱xẽẽgu, rü ngẽma tá yixcüra cutanüxü̃maxã ngupetüxü̃chiga nixĩ —ñanagürü choxü̃.

Danié 2:22

Rü nüma rü tüxü̃ nüxü̃ nacua̱xẽxẽ i ngẽma cua̱x i ẽxü̃guxü̃. Rü nüxü̃ nacua̱x i ngẽma ẽanexü̃wa üxü̃ erü nüma rü ngóonexü̃wa nangẽxma.

Naanearü ügüchiga 49:1

Rü nüma ga Acóbu rü guxü̃ma ga nanegüca̱x naca rü ñanagürü: —¡Nua chauxü̃tawa pexĩ! Rü pemaxã tá nüxü̃ chixu i ngẽma tá pexü̃ ngupetüxü̃.

Ichaía 2:2

Ngẽma ngunexü̃gü i nawa iyacua̱xgüxü̃gu, rü yima ma̱xpǘne i Cori ya Tupanapata ya taxü̃ne íngẽxmaxü̃wa rü guxü̃ne ya naigü ya ma̱xpǘnearü yexera tá poraãcü natachiga. Rü guxü̃ i nachixü̃anecüã̱x i duü̃xü̃güaxü̃́ tá nangúchaü̃ nax íyadaugüãxü̃. Rü guxü̃ma i nachixü̃anegücüã̱x i duü̃xü̃gü rü tá ngéma naxĩ.

Naanearü ügüchiga 41:16

Rü yexguma ga Yúche rü nanangãxü̃ rü ñanagürü: —Pa Chorü Ãẽ̱xgacüx, ngẽma rü tama chowa nangẽxma, natürü Tupana tá nixĩ ya cuxca̱x nango̱xẽẽcü —ñanagürü.

Norü taxre ga popera ga Pedru ümatüxü̃ 3:3

Natürü guxü̃arü yexera chanaxwa̱xe i nagu perüxĩnüe i ñaa ore i pemaxã tá nüxü̃ chixuxü̃. Rü ngẽxguma nagúxchaü̃gu i ñoma i naane, rü tá ínangugü i duü̃xü̃gü i nagu ĩxü̃ i naxü̃nearü ngúchaü̃gü. Rü nümagü rü tá nacugüeãcüma ñanagürügü: “Dücax, Cristu inaxuneta nax wena núma naxũxü̃. ¿Rü ta̱xacü namaxã nangupetü i ñu̱xma nax tama ínanguxü̃? Rü marü düxwa nayue ga tanatügü, natürü noxri naane üxgumama rü nanaxairügumaraü̃echa i guxü̃ma”, ñanagürügü tá.

Ore i mexü̃ ga Matéu ümatüxü̃ 6:9

Rü ngẽmaca̱x rü ñaãcü tá peyumüxẽgü i pemax: ‘Pa Tonatü ya Daxũgucüx, üünecü nixĩ i cuéga.

Ochéa 3:5

Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.

Danié 4:5

Natürü wüxi ga chütaxü̃gu ga yexguma marü chapexgu rü chaxãnegü. Rü namaxã chaba̱i̱xãchi ga yema nagu chaxãnegüxü̃ yerü yema chaunegüwa nüxü̃ chadauxü̃ rü naxãũcümaxü̃chi, rü yemaca̱x poraãcü chamuü̃.

Wiyaegü 115:3

Natürü tanangãxü̃ rü ñatagürügü: —Torü Tupana rü daxũguxü̃ i naanewa nangẽxma. Rü nüma rü nanaxü i guxü̃ma i ta̱xacü i nüma nanaxwa̱xexü̃ —ñatagürügü.

Popera ga Yudíugü ga yaxõgüxü̃ca̱x ümatüxü̃ 1:1

Nũxcüma ga Tupana rü mue̱xpü̱xcüna rü naguxü̃raü̃xü̃ãcüma norü orearü uruü̃güwa tórü o̱xigümaxã nidexa.

Danié 2:47

Rü yemawena rü Daniéxü̃ ñanagürü: —Aixcümaxü̃chima ya yimá perü Tupana nixĩ ya guxü̃ma i togü i tupanagüxü̃ rüporamaecü. Rü nüma rü guxü̃ma i ãẽ̱xgacügüarü Cori nixĩ. Rü nüma rü inanawe̱x i ngẽma ẽxü̃guxü̃ rü ngẽmaca̱x cuxü̃ nüxü̃ nacua̱xẽxẽ i ngẽma chaunegü —ñanagürü.

Echequié 38:16

Rü tá naxca̱x ícuyagoõchi i chorü duü̃xü̃gü i Iraétanüxü̃. Rü cumax, Pa Góx, rü curü churaragümaxã tá cunapaxẽxẽ i norü naane ñoma wüxi i caixanexü̃ i waemaxü̃rüxü̃. Rü ngẽma nawa iyacuáxü̃ i ngunexü̃gügu rü tá cuxü̃́ chanatauxchaxẽxẽ nax naxca̱x ícuyagoõchixü̃ca̱x i chorü naane. Rü ngẽmaãcü tá chanaxü nax ngẽma togü i nachixü̃anegü cugagu choxü̃ cua̱xgüxü̃ca̱x i ngẽxguma nape̱xewa tá ichanawe̱xgu i chorü üüne’ ”, ñanagürü ya Tupana.

Yeremía 30:24

Rü ngẽma Cori ya Tupanaarü nu rü taxũtáma ínayachaxãchi ñu̱xmatáta yanguxẽẽã i ngẽma nüma nagu naxĩnüxü̃. Rü nawa tá nangu i ngunexü̃ i nagu tá nüxü̃ pecuáxü̃ i ta̱xacüchiga yixĩxü̃ i ngẽma pemaxã nüxü̃ chixuxü̃.

Wenaxarü naxümatü ga Tupanaarü mugü 31:19

Rü ñu̱xma rü chanaxwa̱xe nax cuma rü Yochué penaxümatüxü̃ i ñaa wiyae, rü ñu̱xũchi Iraétanüxü̃xü̃ namaxã penangúexẽẽxü̃ nax nagu nawiyaegüxü̃ca̱x rü ngẽmawa nüxna nacua̱xãchiexü̃ca̱x i ngẽma choma pemaxã nüxü̃ chixuxü̃.

Wenaxarü naxümatü ga Tupanaarü mugü 4:30

Rü nawena nax nawa pechopetüxü̃ i guxü̃ma i ngẽma ngúxü̃gü rü guxchaxü̃gü, rü ngẽxguma wena Cori ya Tupanaca̱x pewoegu̱xgu rü naga pexĩnüegu, rü nüma rü namecümaxüchi rü taxũtáma pexü̃ ínawogü rü taxũtáma pexü̃ nadai, rü taxũtáma nüxü̃ narüngüma ga yema uneta ga perü o̱xigümaxã nüxü̃ yaxuxü̃.

Norü taxre ga popera ga Timutéuca̱x naxümatüxü̃ ga Pauru 3:1

Rü chanaxwa̱xe i nüxü̃ cucua̱x rü ngẽxguma nagúxchaü̃gu i naane rü tá ínangugü i ãũcümaxü̃gü rü guxchaxü̃gü naxca̱x i duü̃xü̃gü.

Echequié 38:8

Rü mucü ya taunecü ngupe̱xtüguwena rü cuxca̱x tá ínangu i wüxi i mu nax naxca̱x ícuyagoõchixü̃ca̱x i wüxi i nachixü̃ane ga daiwa yexmaxü̃ natürü i ñu̱xma rü wenaxarü marü mexü̃. Rü yema duü̃xü̃gü rü noxri muxü̃ma ga nachixü̃anegu nawoonemare rü norü naane rü poraãcü nangeãcu. Natürü wenaxarü Iraéane i máxpü̱xanexü̃ca̱x nawoegu. Rü ñu̱xma rü guxü̃ma i nümagü rü ngéma nangẽxmagü rü taãẽãcü ngéma namaxẽ.

Yeremía 48:47

Natürü wüxi i ngunexü̃ rü tá Moátanüxü̃güxü̃ charüngü̃xẽẽxü̃ rü nachixü̃aneca̱x tá chanawoeguxẽxẽ. Rü choma ya Cori ya Tupana nixĩ i ngẽma ñachaxü̃ —ñanagürü. Rü nua nixĩ i yacuáxü̃ i ore i Yeremía nüxü̃ ixuxü̃ i Moáanearü poxcuchiga.

Iraétanüxü̃arü muxchiga 24:14

Rü name nax chauchixü̃aneca̱x chataeguxü̃, natürü naxü̃pa nax íchixũxü̃ rü tá cumaxã nüxü̃ chixu i ngẽma guxchaxü̃gü i tá curü duü̃xü̃güca̱x ínanguxẽẽgüxü̃ i ngẽma Iraétanüxü̃ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:1

Ñaa nixĩ ga yema ore ga Tupana Ngechuchu ya Cristuxü̃ nüxü̃ nacua̱xẽẽxü̃ nax nüxĩ́ norü duü̃xü̃güxü̃ nüxü̃ nacua̱xẽẽxü̃ca̱x i ngẽma paxa tá ínguxü̃. Rü nüma ga Ngechuchu ya Cristu rü norü orearü ngeruxü̃ ga daxũcüã̱xü̃ namu nax norü duü̃ ga Cuáü̃maxã nüxü̃ yaxuxü̃ca̱x.

Naanearü ügüchiga 41:25

Rü yexguma ga Yúche rü Faraóü̃xü̃ nangãxü̃, rü ñanagürü: —Pa Chorü Ãẽ̱xgacüx, ngẽma taxre i cunegügü rü wüxitama i ĩnüchiga nixĩ. Rü Tupana rü cumaxã nüxü̃ nixu i ngẽma nüma tá naxüxü̃.

Yeremía 10:7

Rü tataxuma ya texé i ñoma i naanewa i tama cuxü̃ muü̃xe Pa Guxü̃ i Nachixü̃anearü Ãẽ̱xgacüx. Rü cumawaxi nixĩ i namexü̃ nax cuxü̃ tamuü̃exü̃. Rü natanüwa i guxü̃ma i ngẽma nüxü̃ cua̱xüchixü̃ rü ãẽ̱xgacügü ixĩgüxü̃ i ñoma i naanewa ngẽxmagüxü̃, rü nataxuma i to i cumaxã wüxiguxü̃.

Echequié 28:3

¿Rü cumax, Pa Tíruarü Ãẽ̱xgacüx, nagu curüxĩnügu rü Tupanaarü orearü uruxü̃ i Daniéarü yexera nüxü̃ curücua̱xmae? ¿Ẽ̱xna nagu curüxĩnügu rü nataxuma i ta̱xacü i cuxca̱x ẽxü̃guxü̃?

Danié 1:20

Rü nüma ga ãẽ̱xgacü rü yexguma norü ucu̱xẽca̱x nüxna nacaxgu nax mea nachixü̃anemaxã inacuáxü̃ca̱x, rü Daniéwa rü namücügüwa nüxü̃ inayangau nax 10 e̱xpü̱xcüna guxü̃ma ga yema norü ucu̱xẽruü̃gü ga yuüexü̃arü yexera nüxü̃ yacua̱xüchixü̃.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

Danié 2:45

Rü yimá ãẽ̱xgacüchiga nixĩ ga gumá nuta ga nüxü̃ cudaucü ga taxúema nüxü̃ cuxnetaãcüma ma̱xpǘnewa yarüdixicü rü íraxü̃gu napocü ga yema naxchicüna̱xã ga fierunaxca̱x, rü bróũchenaxca̱x, rü waixü̃münaxca̱x rü úirunaxca̱x. Rü yemaacü ga nüma ga Tupana ya poraxüchicü rü cuxü̃ nanawe̱x, Pa Ãẽ̱xgacüx, i ngẽma yixcüra tá ngupetüxü̃. Rü yema cunegüwa nüxü̃ cudauxü̃ rü aixcüma nixĩ, rü ngẽma cumaxã nüxü̃ chixuchigaxü̃ rü aixcüma tá ningu —ñanagürü ga Danié.