Danié 2:27 - Tupanaarü Ore

²⁷ Rü nüma ga Danié nanangãxü̃ rü ñanagürü: —Pa Ãẽ̱xgacüx, nataxuma i wüxi i duü̃xü̃ i nüxü̃ cuáxü̃ rü bai i wüxi i ẽxü̃guxü̃xü̃ cuáxü̃, rüe̱xna yuüxü̃, rüe̱xna woramacuriwa ngúexü̃ i nüxü̃ cuáxü̃ i ngẽma cunegü i cuma nüxü̃ cucuáxchaü̃xü̃.

Danié 2:27 Referans Kwoze

Danié 2:2

Rü yemaca̱x naxca̱x nangema ga norü ucu̱xẽruü̃gü ga iyuüxü̃ rü yema ẽxü̃guxü̃xü̃ cua̱xgüxü̃ rü nape̱xexü̃ cua̱xgüxü̃ rü yema cua̱x nüxü̃́ yexmagüxü̃. Rü nüma ga yema iyuüxü̃ rü ãẽ̱xgacüxü̃tawa naxĩ. Rü nüma ga ãẽ̱xgacü rü yemagüna naca nax nüxü̃ yaxugüexü̃ca̱x nax ta̱xacüchiga yixĩxü̃ ga yema nagu naxãnegüxü̃.

Ichaía 44:25

Rü ngẽma orearü uruü̃güneta rü ngẽxguma nüxü̃ yaxugüegu nax ta̱xacü tá ngupetüxü̃, rü choma rü nüxü̃́ ichayanaxoxẽxẽ nax tama yanguxü̃ca̱x i ngẽma nüxü̃ yaxugüexü̃. Rü ngẽma ẽxü̃guxü̃xü̃ cua̱xgüxü̃ rü choma nixĩ ichanatoõẽmarexü̃ nax tama nüxü̃ nacua̱xgüxü̃ca̱x i ta̱xacüchiga yixĩxü̃ i ngẽma nüxü̃ yaxugüexü̃. Rü ngẽma duü̃xü̃gü i cua̱x nüxü̃́ ngẽxmagüxü̃ rü choma nixĩ i nügümaxãtama chanaxutagagüxẽẽxü̃ nax ngẽma norü cua̱x rü taxuwama namexü̃.

Ichaía 19:3

Rü tá íchananu̱xãẽxẽẽgü nax tama naãẽxü̃ yacuáxü̃ca̱x. Rü ngẽma nagu naxĩnüexü̃ rü tá nüxü̃́ nagu chanachixexẽxẽ. Rü ngẽmaca̱x i nümagü rü tá norü tupananetachicüna̱xãgüna rü yuüxü̃güna nacagü. Rü tá yuetaãẽca̱x nangemagü nax nüxna nacagüxü̃ca̱x. Rü ñu̱xũchi duü̃xü̃gü i ẽxü̃guxü̃arü uruü̃güna tá nacagü.

Naanearü ügüchiga 40:8

Rü nümagü rü nanangãxü̃gü, rü ñanagürügü: —Ngewa̱x chütacü rü taxãnegüe. Rü tataxuma ya texé ya tomaxã nüxü̃ ixuxe nax ta̱xacüchiga yixĩxü̃ i ngẽma nagu taxãnegügüxü̃ —ñanagürügü. Rü yexguma ga Yúche rü ñanagürü: —¿Taux ẽ̱xna ya Tupana yixĩxü̃ ya yimá nango̱xẽẽcü nax ta̱xacüchiga yixĩxü̃? ¡Rü chomaxã nüxü̃ pixu i ngẽma penegü! —ñanagürü.

Naanearü ügüchiga 41:8

Rü moxü̃ãcü ga pa̱xmama rü poraãcü naxoegaãxẽ naxca̱x ga yema nanegü. Rü naxca̱x nangema ga guxü̃ma ga yema iyuüxü̃ rü duü̃xü̃gü ga nüxü̃ cua̱xüchigüxü̃ ga Equítuanecüã̱x. Rü nüma ga Faraóü̃ rü namaxã nüxü̃ nixu ga nanegü. Natürü taxuxü̃ma ga yema yuüexü̃ nüxü̃ nacua̱x nax ta̱xacüchiga yixĩxü̃ ga yema nanegü.

Yeremía 10:7

Rü tataxuma ya texé i ñoma i naanewa i tama cuxü̃ muü̃xe Pa Guxü̃ i Nachixü̃anearü Ãẽ̱xgacüx. Rü cumawaxi nixĩ i namexü̃ nax cuxü̃ tamuü̃exü̃. Rü natanüwa i guxü̃ma i ngẽma nüxü̃ cua̱xüchixü̃ rü ãẽ̱xgacügü ixĩgüxü̃ i ñoma i naanewa ngẽxmagüxü̃, rü nataxuma i to i cumaxã wüxiguxü̃.

Danié 1:20

Rü nüma ga ãẽ̱xgacü rü yexguma norü ucu̱xẽca̱x nüxna nacaxgu nax mea nachixü̃anemaxã inacuáxü̃ca̱x, rü Daniéwa rü namücügüwa nüxü̃ inayangau nax 10 e̱xpü̱xcüna guxü̃ma ga yema norü ucu̱xẽruü̃gü ga yuüexü̃arü yexera nüxü̃ yacua̱xüchixü̃.

Danié 4:7

Rü guxü̃ma ga yema yuüxü̃gü rü yema ẽxü̃guxü̃ cua̱xgüxü̃ rü yema nüxü̃ icua̱xüchixü̃ rü yema woramacuriwa ngúexü̃ ga Babiróniaanecüã̱x rü chauxü̃tawa naxĩ. Rü choma rü namaxã nüxü̃ chixu ga yema nagu chaxãnegüxü̃, natürü tama nüxü̃ nacua̱xgü nax ta̱xacüchiga yixĩxü̃ ga yema nagu chaxãnegüxü̃.