Danié 2:23 - Tupanaarü Ore

²³ Rü moxẽ cuxna chaxã rü cuxü̃ chicua̱xüxü̃, Pa Chaunatügüarü Tupanax, erü cua̱x choxna cuxã rü choxü̃ cuporaxẽxẽ. Rü ñu̱xmax rü choxü̃ nüxü̃ cucua̱xẽxẽ i ngẽma cuxna naxca̱x taca̱xaxü̃, rü toxü̃ nüxü̃ cucua̱xẽxẽ i ngẽma nanegü i ãẽ̱xgacü naxca̱x oegaãẽxü̃ —ñanagürü.

Danié 2:23 Referans Kwoze

Ínachoxü̃xü̃chiga 3:15

Rü ñanagürü ta ga Tupana Moichéxü̃: —¡Rü namaxã nüxü̃ ixu i ngẽma Iraétanüxü̃, rü ñacugürü tá: “Nüma ya Cori ya Tupana ya perü o̱xigüarü Tupana ya Abraáü̃arü rü Ichaáarü rü Acóbuarü Tupana, rü guma nixĩ ga petanüwa choxü̃ mucü”, ñacugürü tá nüxü̃! Rü Cori ya Tupana nixĩ i chauéga i tagutáma iyagúxü̃. Rü ngẽma chauégamaxã tá nixĩ i guxü̃gutáma duü̃xü̃gü choxü̃ cuáxü̃.

Ore i mexü̃ ga Luca ümatüxü̃ 10:21

Rü yexgumatama ga Tupanaãxẽ ga Üünexü̃ rü poraãcü Ngechuchuxü̃ nataãẽxẽxẽ. Rü ñanagürü ga Ngechuchu: —Pa Chaunatüx, Pa Dauxü̃guxü̃ i Naane rü Ñoma i Naanearü Yorax, cuxü̃ chicua̱xüxü̃, yerü ñaa chorü ngúexü̃güxü̃ nüxü̃ cucua̱xẽxẽ i ngẽma ore ga na̱xcha̱xwa quicúxü̃ i ngẽma duü̃xü̃gü i ñoma i naanewa nüxü̃ cua̱xüchigüxü̃. Rü yemaacü cunaxü, Pa Chaunatüx yerü yemaacü nixĩ ga cunaxwa̱xexü̃ —ñanagürü.

Ore i mexü̃ ga Matéu ümatüxü̃ 11:25

Rü yexguma rü ñaãcü nayumüxẽ ga Ngechuchu, rü ñanagürü: “Pa Chaunatü ya Daxũguxü̃ i Naane rü Ñoma i Naanearü Yorax, cuxü̃ chicua̱xüxü̃, erü ñaa chorü ngúexü̃güxü̃ nüxü̃ cucua̱xẽxẽ i ñaa ore i naxcha̱xwa iquicúxü̃ i duü̃xü̃gü i ñoma i naanewa nüxü̃ cua̱xüchigüxü̃.

Amúx 3:7

Rü nüma ya Cori ya Tupana rü taguma ta̱xacü naxü ega tama noxri norü orearü uruxü̃gümaxã nüxü̃ yaxuxgu.

Danié 1:17

Rü yema ãgümücü ga ngextü̱xüxü̃gü, rü Tupana rü cua̱x nüxna naxã nax nüxü̃ nacua̱xgüxü̃ca̱x ga naguxü̃raü̃xü̃ ga cua̱x ga poperagu ümatüxü̃. Rü nüma ga Tupana rü naétü Daniéxü̃ narüngü̃xẽxẽ nax nüxü̃ nacuáxü̃ca̱x nax ta̱xacüchiga yixĩxü̃ ega texé ngo̱xetügu rüe̱xna ãnegügu.

Ichaía 12:1

Rü ngẽma ngunexü̃gu rü tá ñacurügü: —Moxẽ cuxna chaxã, Pa Corix, yerü woo chomaxã cunu ga noxri, natürü curü nu rü marü nangupetü. Rü ngẽmaca̱x wena cha̱u̱xca̱x cunatáeguxẽxẽ ga yema taãxẽ ga noxri choxü̃́ yexmaxü̃.

Wiyaegü 50:14

Rü choma ya Tupana ya Guxü̃étüwa Ngẽxmaxe rü ngẽma ãmare i chanaxwa̱xexü̃ nixĩ nax moxẽ choxna pexãxü̃ rü aixcüma peyanguxẽẽxü̃ i ngẽma perü unetagü.

Wiyaegü 25:14

Rü nüma ya Cori ya Tupana rü tümamücü nixĩ ya yíxema nüxü̃ ngechaü̃güxe. Rü tümaca̱x nanango̱xẽxẽ i norü uneta.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:5

Natürü wüxi ga yema 24 ga ãẽ̱xgacügü, rü ñanagürü choxü̃: “¡Taxṹ i cuxaxuxü̃! Erü yimá Leóü̃ ya Yudátanüxü̃ ya Dabítaxa ixĩcü, rü marü nüxü̃ narüyexera i ngẽma yu. Rü nüma nixĩ i naporaxü̃ nax yagáutanüãxü̃ca̱x i ngẽma 7 i norü ñaxtachipe̱xexü̃ rü íyadixgüãxü̃ca̱x i ngẽma popera”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:1

Ñaa nixĩ ga yema ore ga Tupana Ngechuchu ya Cristuxü̃ nüxü̃ nacua̱xẽẽxü̃ nax nüxĩ́ norü duü̃xü̃güxü̃ nüxü̃ nacua̱xẽẽxü̃ca̱x i ngẽma paxa tá ínguxü̃. Rü nüma ga Ngechuchu ya Cristu rü norü orearü ngeruxü̃ ga daxũcüã̱xü̃ namu nax norü duü̃ ga Cuáü̃maxã nüxü̃ yaxuxü̃ca̱x.

Ore i mexü̃ ga Cuáü̃ ümatüxü̃ 11:41

Rü yexguma ínananguxgachigü ga gumá nuta. Rü Ngechuchu daxũgu nadawenüãcüma ñanagürü: —Pa Chaunatü, moxẽ cuxna chaxã erü marü choxü̃ cuxĩnü.

Ngu̱xẽẽtaeruü̃arü ore 9:18

Rü yimá naxnegüarü yexera narümemae i ngẽma cua̱x. Natürü wüxie̱xpü̱xcüna nax chixexü̃ ixüxü̃ rü inayanaxoxẽxẽ i muxü̃ma i mexü̃gü.

Ngu̱xẽẽtaeruü̃arü ore 7:19

Rü ngẽma cua̱x rü 10 i ãẽ̱xgacügü i wüxi ya ĩanemaxã icua̱xgüxü̃arü poraarü yexera tüxü̃ naporaxẽxẽ ya yíxema cua̱x tüxü̃́ ngẽxmaxe.

Ucu̱xẽgüchiga 24:5

Ngẽma yatü i pora nüxü̃́ ngẽxmaxü̃arü yexera narümemae ya yimá yatü ya cua̱x nüxü̃́ ngẽxmacü. Rü ngẽma poraarü yexera narümemae i cua̱x.

Ucu̱xẽgüchiga 21:22

Ngẽma cua̱x nüxü̃́ ngẽxmaxü̃ rü naxca̱x ínayagoõchi ya wüxi ya ĩane ya meama ípoxegune, rü nayawa̱xgüxẽxẽ i naxtapü̱x i norü duü̃xü̃gü nagu yaxõgüxü̃. Rü ngẽmaãcü nayapu ya yima ĩane.

Ucu̱xẽgüchiga 8:14

Choma rü nagu charüxĩnü i ngẽma chaxüxchaü̃xü̃, rü chomatátama chanaxü i ngẽma nagu charüxĩnüxü̃, erü choxrü nixĩ i ngẽma mexü̃ i ĩnü rü ngẽma pora.

Norü taxre ga to ga popera ga ãẽ̱xgacügüchiga ümatüxü̃ 20:6

Rü nayumüxẽ rü ñanagürü: —Pa Cori Pa Torü O̱xigüarü Tupanax, cuma rü daxũguxü̃ i naanewa cungexma rü cuma nixĩ i namaxã icucuáxü̃ i guxü̃ma i nachixü̃anegü. Cuma rü guxü̃étüwa cungexma rü guxü̃arü yexera cupora. Rü ngẽmaca̱x tataxuma ya texé ya cuxü̃ rüyexeraxe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:13

Rü ngẽmaca̱x, Pa Torü Tupanax, i ñu̱xmax rü moxẽ cuxna taxãxü̃ rü cuxü̃ ticua̱xüü̃güxü̃ erü cuxüüne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:10

Rü yexguma ga nüma ga Dabí rü Cori ya Tupanaxü̃ nicua̱xüxü̃ nape̱xewa ga guxü̃ma ga yema duü̃xü̃gü ga yexma ngutaque̱xexü̃ rü ñanagürü: —Pa Cori ya Torü O̱xi ga Iraéarü Tupanax, rü guxü̃gutáma cuxü̃ ticua̱xüü̃gü.

Nüxíraxü̃xü̃ ga popera ga ãẽ̱xgacügüchiga 18:36

Rü yexguma orawa nanguxgu nax yaguãxü̃ ga wocaxacü, rü nüma ga Tupanaarü orearü uruxü̃ ga Ería rü naxca̱x nixũ ga yema ãmarearü guruxü̃. Rü tagaãcü ñanagürü: —Pa Corix, ya Abraáü̃arü rü Ichaáarü rü Iraéarü Tupanax ¡cugü inawe̱x i ñu̱xmax nax cuma quixĩxü̃ i Iraéanecüã̱xarü Tupana, rü choma nax chixĩxü̃ i curü duü̃xü̃, rü cuma quixĩxü̃ i choxü̃ cumuxü̃ nax chanaxüxü̃ca̱x i guxü̃ma i ñaa chaxüxü̃!

Nüxíraxü̃xü̃ ga popera ga ãẽ̱xgacügüchiga 8:57

Rü ñu̱xma ya Cori ya Tupana rü nataxü̃tagu ga yexguma tórü o̱xigütanüwa nayexmagurüxü̃. Rü taxũtáma tüxna nixũgachi rü taxũtáma tüxü̃ ínawogü.

Naanearü ügüchiga 18:17

Rü yexguma ga Cori ya Tupana rü ñaxü̃gu narüxĩnü: “Name nixĩ i Abraáü̃maxã nüxü̃ chixu i ngẽma tá chaxüxü̃.

Ore i mexü̃ ga Cuáü̃ ümatüxü̃ 15:15

Choma rü marü tama chorü mugüruü̃ãcü pexü̃ chaxu. Erü wüxi i mugüruxü̃ rü tama nüxü̃ nacua̱x i ngẽma norü cori üxü̃. Natürü ñu̱xma rü chomücügümaxã pexü̃ chaxu, yerü pexü̃ nüxü̃ chacua̱xẽxẽ ga guxü̃ma ga ore ga Chaunatü chomaxã nüxü̃ ixuxü̃.

Ngu̱xẽẽtaeruü̃arü ore 9:16

Rü choma rü nüxü̃ chixu rü ngẽma yigü nax írüporaxü̃arü yexera rümemaexü̃ nixĩ nax cua̱x tüxü̃́ ngẽxmaxü̃, woo ega tama naga naxĩnüegu i ngẽma norü cua̱x ya yimá yatü ya ngearü diẽruã́cü, rü tama nüxü̃ naxĩnüechaü̃gu i norü ore.

Naanearü ügüchiga 31:42

Rü yexguma taxũchima chomaxã nayexmagu ga Abraáü̃arü Tupana ga chaunatü ga Ichaá nüxü̃ icua̱xüxü̃cü, rü nüxü̃ chacua̱x nax taxuxü̃ma i ngẽmaxü̃maxã chi choxü̃ ícumuxũchixü̃. Natürü Tupana rü nüxü̃ nadau nax changechaü̃xü̃, rü nüxü̃ nadau i ngẽma puracü i chaxüxü̃, rü ngẽmaca̱x nixĩ i ngewa̱x chütacü i cuxü̃ nax naxoregüxü̃ —ñanagürü ga Acóbu.

Wiyaegü 21:2

Rü cuma rü marü nüxna cunaxã i ngẽma norü ngúchaü̃ ixĩxü̃, rü tama nüxna cunachu̱xu i ngẽma naxca̱x cuxna naca̱xaxü̃.

Wiyaegü 21:4

Rü cuxna naca nax cunamáarü maxü̃ã̱xẽẽxü̃ca̱x, rü cuma rü cunama̱xẽxẽ i norü maxü̃.

Yeremía 33:3

“¡Choxna naca rü tá cuxü̃ changãxü̃! Rü tá cuxü̃ nüxü̃ chacua̱xẽxẽ i ta̱xacü i taxü̃ i ẽxü̃guxü̃ i taguma nüxü̃ cucuáxü̃.