Danié 2:20 - Tupanaarü Ore

²⁰ —Guxü̃guma namecümaxüchi ya Tupana, erü noxrü nixĩ i guxü̃ma i cua̱x rü guxü̃ma i pora.

Danié 2:20 Referans Kwoze

Wiyaegü 113:2

Rü name i ñu̱xma rü guxü̃guma mea nachiga idexagüxü̃.

Yox 12:13

Natürü ya Tupana rü nüxü̃ cua̱xüchicü rü poraxüchicü nixĩ. Rü nüma rü nagu narüxĩnü i ta̱xacü tá naxüxü̃ rü ñu̱xũchi nayanguxẽxẽ i ngẽma nagu naxĩnüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:12

Rü tagaãcü ñanagürügü: “Yimá Carnéru ga pecaduarü ütanüca̱x yucü rü yimá nixĩ yamecü nax guxü̃arü ãẽ̱xgacü yixĩxü̃, rü guxü̃arü yora yixĩxü̃. Rü name nax guxü̃ i cua̱x nüxü̃́ ngẽxmaxü̃, rü guxü̃arü yexera naporaxü̃. Rü nüma nixĩ i namexü̃ nax guxãma nüxü̃ ngechaü̃güxü̃ rü nataxẽẽgüxü̃ rü nüxü̃ icua̱xüü̃güxü̃”, ñanagürügü.

Yeremía 32:19

Rü ngẽma nagu curüxĩnüxü̃ rü nataxüchi, rü ngẽma cuxüxü̃ rü namexẽchi. Rü cuma nüxü̃ cudau i guxü̃ma i ngẽma naxügüxü̃ i duü̃xü̃gü. Rü cuma rü wüxichigüna cunaxã i ngẽma nüxna üxü̃. Rü mexü̃maxã nüxü̃́ cunaxütanü i ngẽma mexü̃ ügüxü̃. Rü cunapoxcu i ngẽma chixexü̃ ügüxü̃.

Wiyaegü 147:5

Rü nüma ya tórü Tupana rü guxü̃étüwa ücü nixĩ rü naporaxüchi. Rü norü cua̱x rü taguma inayagu̱x.

Popera ga Yúda ümatüxü̃ 1:24

Rü yimá nüxicatama Tupana ixĩcü ya tórü Maxẽxẽẽruxü̃ ixĩcü, rü nüxü̃́ nangẽxma i pora nax pexna nadauxü̃ nax tama pecadugu peyixü̃ca̱x. Rü nüxü̃́ nangẽxma i pora nax iyanaxoxẽẽãxü̃ca̱x i perü chixexü̃gü nax ngẽmaãcü ngearü pecaduãcüma rü taãẽãcüma nape̱xewa pengugüxü̃ca̱x i ngextá nüma ínaxüünexü̃wa ãẽ̱xgacü íyixĩxü̃wa. Rü tanaxwa̱xe i tórü Cori ya Ngechuchu ya Cristuégagu Tupanaxü̃ ticua̱xüü̃gü, erü nüma rü naxüüne, rü guxü̃étüwa nangẽxma, rü guxü̃arü yexera napora, rü guxü̃maxã inacua̱x. Rü yemaacü nixĩ ga nũxcüma, rü ngẽmaãcü nixĩ i ñu̱xmax, rü guxü̃gutáma ngẽmaãcü nixĩ. Rü ngẽmaãcü yixĩ.

Ucu̱xẽgüchiga 8:14

Choma rü nagu charüxĩnü i ngẽma chaxüxchaü̃xü̃, rü chomatátama chanaxü i ngẽma nagu charüxĩnüxü̃, erü choxrü nixĩ i ngẽma mexü̃ i ĩnü rü ngẽma pora.

Wiyaegü 115:18

Natürü i yixema i ñu̱xma nax imaxẽxü̃ rü tá nüxü̃ ticua̱xüxü̃gü i ñu̱xmax rü guxü̃gutáma ¡Rü ngĩxã nüxü̃ ticua̱xüxü̃gü ya Cori ya Tupana!

Nüxíraxü̃xü̃ ga popera ga ãẽ̱xgacügüchiga 8:56

—Poraãcü tamaxã namecüma ya tórü Cori ya Tupana ya tüxü̃ ípoxü̃cü nüxna i tórü uanügü, yema inaxunetaxü̃rüxü̃, yerü nüma rü aixcüma nayanguxẽxẽ ga guxü̃ma ga yema norü unetagü ga mexü̃ ga norü duü̃ ga Moichéwa nüxü̃ yaxuxü̃.

Ore i mexü̃ ga Matéu ümatüxü̃ 6:13

¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.

Wiyaegü 62:11

Tupana rü wüxi i orexü̃ nixu, rü choma rü marü taxree̱xpü̱xcüna nüxü̃ chaxĩnü i ngẽma ore. Cuma, Pa Corix, rü cupora rü aixcüma toxü̃ cungechaü̃. Rü yíxema mexü̃ ügüxe rü cuma rü tá tüxna cunaxã i ngẽma natanü i tüxna üxü̃. Natürü yíxema chixexü̃ ügüxe rü tá tanayaxu i ngẽma poxcu i tüxna üxü̃.

Wiyaegü 50:23

Rü yíxema moxẽ choxna ãxe rü choxü̃ ticua̱xüxü̃. Rü choma rü tá tüxü̃ chamaxẽxẽ ya yíxema aixcüma chauga ĩnüxẽ —ñanagürü ya Tupana.

Wiyaegü 41:13

Rü namecümaxüchi ya Cori ya Iraétanüxü̃arü Tupana. Rü nüma rü guxü̃guma nangẽxmaecha. ¡Rü ngẽmaãcü yixĩ!

Norü taxre ga to ga popera ga ãẽ̱xgacügüchiga ümatüxü̃ 20:21

Rü yexguma marü duü̃xü̃gümaxã yadexa̱xguwena rü nüxü̃ naxuneta ga ñuxre ga wiyaetanüxü̃ nax nagu yacu̱xgüxü̃ca̱x ga naxchirugü ga üünexü̃. Rü ñu̱xũchi yema churaragüpe̱xegu naxĩ. Rü yemaacü Tupanaxü̃ nicua̱xüü̃güetanü namaxã ga ñaa wiyae ga ñaxü̃: —¡Moxẽ nüxna pexãgü ya Tupana! Erü nüma rü guxü̃guma tüxü̃ nangechaü̃ —ñaxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:20

Rü yemawena rü nüma ga Dabí rü ñanagürü nüxü̃ ga guxü̃ma ga yema duü̃xü̃gü ga yexma ngutaque̱xegüxü̃: —Ñu̱xma rü chanaxwa̱xe i nüxü̃ picua̱xüü̃gü ya Cori ya tórü Tupana —ñanagürü. Rü yexguma ga yema duü̃xü̃gü rü norü o̱xigüarü Cori ya Tupanaxü̃ nicua̱xüü̃gü. Rü Tupanape̱xegu rü ãẽ̱xgacü ga Dabípe̱xegu nacaxã́pü̱xügü.

Wiyaegü 113:1

Name nixĩ i Cori ya Tupanaxü̃ ticua̱xüü̃gü. ¡Pa Norü Duü̃xü̃güx nüxü̃ picua̱xüü̃gü!

Echequié 28:3

¿Rü cumax, Pa Tíruarü Ãẽ̱xgacüx, nagu curüxĩnügu rü Tupanaarü orearü uruxü̃ i Daniéarü yexera nüxü̃ curücua̱xmae? ¿Ẽ̱xna nagu curüxĩnügu rü nataxuma i ta̱xacü i cuxca̱x ẽxü̃guxü̃?

Neemía 9:5

Rü ñu̱xũchi yema Lebítanüxü̃ ga Yochué, rü Caxmié, rü Baní, rü Achaxnía, rü Cherebía, rü Odía, rü Chebanía rü Petaía rü duü̃xü̃güxü̃ ñanagürügü: —¡Ẽcü, ipechigü rü ñu̱xma rü guxü̃guma nüxü̃ picua̱xüü̃gü ya Cori ya Tupana! Rü naéga rü naxüüne rü guxü̃étüwa nangẽxma. Rü ngẽmaca̱x name nixĩ i nüxü̃ ticua̱xüü̃gü —ñanagürügü.