Danié 12:2 - Tupanaarü Ore

² Rü guxü̃ma i marü yuexü̃ rü tá ínarüdagü. Rü nümaxü̃ rü maxü̃ i taguma gúxü̃ca̱x tá ínarüdagü, rü togü rü ãneca̱x rü poxcuca̱x tá ínarüdagü.

Danié 12:2 Referans Kwoze

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

Ore i mexü̃ ga Matéu ümatüxü̃ 25:46

Rü ngẽma duü̃xü̃gü rü tá poxcu i taguma gúxü̃wa naxĩ. Natürü ngẽma duü̃xü̃gü i aixcüma mea Tupanaca̱x maxẽxü̃ rü tá nanayauxgü i maxü̃ i taguma gúxü̃ —ñanagürü ga Ngechuchu.

Echequié 37:12

Natürü i choma rü cuxü̃ chamu nax chauégagu namaxã quidexaxü̃ ¡rü ñacurügü tá nüxü̃! “Nüma ya Cori ya Tupana rü ñanagürü pexü̃: ‘Pa Chorü Duü̃xü̃gü i Iraétanüxü̃x, rü tá pexü̃ íchanguxü̃xẽxẽ nawa i ngẽma nachixü̃anegü i nagu pepoxcuexü̃, rü tá perü naaneca̱x pexü̃ chawoeguxẽxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:12

Rü nüxü̃ chadau ga yema yuexü̃ ga yaexü̃ rü buexü̃ ga yema tochicaxü̃wa rütocüpe̱xegu chigüxü̃. Rü ningena ga poperagü. Rü yexgumarüxü̃ ta ningena ga yema popera i nagu yawǘgüxü̃ i ngẽma duü̃xü̃gü i nüxü̃́ ngẽxmaxü̃ i maxü̃ i taguma gúxü̃. Rü yema yuexü̃ rü yexgumarüxü̃ ga ñuxãcü nax namaxẽxü̃ ga wüxichigü rü yexgumarüxü̃ ga ñuxãcü nax yema poperagu naxümatüxü̃ ga nachiga ga wüxichigü ga duü̃xü̃ rü yemaacü namaxã nüxü̃ nixu nax ngextá tá naxĩxü̃.

Ngechuchuarü ngúexü̃gü ga yamugüxü̃arü puracüchiga 24:15

Rü choma rü ta yema nũxcümaü̃güxü̃rüxü̃ Tupanaaxü̃́ chayaxõ. Rü naxrüxü̃ chayaxõ rü tá wena nax namaxẽxü̃ i ngẽma yuexü̃ i mexü̃gü rü chixexü̃gü.

1 Tesalonicenses 4:14

Rü yixema nax yaxõgüxü̃ nax Ngechuchu nayuxü̃ rü wena namaxü̃xü̃, rü ngẽxgumarüxü̃ ta tayaxõgü nax Tupana tá wüxigu Ngechuchumaxã ínadagüxẽxẽxü̃ i guxü̃ma i ngẽma nüxü̃́ yaxõgüãcüma yuexü̃.

Ichaía 66:24

Rü ñanagürü ta: —Ngẽxguma ínachoxü̃gu i ngẽma chorü duü̃xü̃gü rü tá nüxü̃ nadaugü nax nayuexü̃ i ngẽma duü̃xü̃gü i chomaxã rüxuanügüxü̃. Rü ngẽma õ̱xmigü i nangõ̱xgüxü̃ rü taguma nayue, rü yima üxüema ya ínaguxü̃ne rü taguma nixo. Rü guxü̃ma i duü̃xü̃gü i ngéma chopetüxü̃ rü tá poraãcü naxã̱ũ̱ã̱xgü i ngẽxguma nüxü̃ nadaugügu —ñanagürü ga Tupana.

Yeremía 20:11

Natürü i cumax, Pa Corix, Pa Tupanax, rü chauxü̃tawa cungexma ñoma wüxi i churara i poraxüchixü̃rüxü̃. Rü ngẽmaca̱x i ngẽma chowe ingẽxü̃tanüxü̃ rü cuxme̱xgu tá nayi, rü tagutáma choxü̃ narüporamaegü. Rü ngẽma nagu naxĩnüxü̃ rü chixri tá nüxü̃́ ínanguxuchi rü tá naxãnee. Rü ngẽma chixexü̃ i naxügüxü̃ rü tagutáma nüxna inarüxo.

Ochéa 13:14

¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.

Romanos 9:21

Rü ngẽma üwechiruxü̃ rü waixü̃müwa nanaxü i ta̱xacü i nüma naxüxchaü̃xü̃. Rü ngẽxguma nanaxwa̱xegu, rü ngẽma waixü̃müwa nanaxü i wüxi i nawechi nax norü meruxü̃ yixĩxü̃ca̱x. Rü ngẽxguma nanaxwa̱xegu, rü ngẽmatama waixü̃müwa nanaxü i wüxi i nawechi nax norü guxchirepáü̃ yixĩxü̃ca̱x.

Ngechuchuarü ngúexü̃gü ga yamugüxü̃arü puracüchiga 7:60

Rü yemawena rü inacaxã́pü̱xü, rü tagaãcü aixta naxü, rü ñanagürü: —Pa Cori Pa Tupanax, ¡Taxṹ i ñaa pecaduca̱x cunapoxcuexü̃ i ñaa duü̃xü̃gü! —ñanagürü. Rü yexguma yema ñaxguwena rü nayu.

Ucu̱xẽgüchiga 12:8

Yimá yatü ya mea naãẽxü̃ cuácü, rü duü̃xü̃gü nüxü̃ nicua̱xüü̃gü naxca̱x i norü cua̱x. Natürü ngẽma yatü i tama naãẽxü̃ cuáxü̃, rü duü̃xü̃gü nüxü̃ naxoe.