Danié 12:13 - Tupanaarü Ore

¹³ Natürü i cumax, Pa Danié rü name i cutaãxẽ ñu̱xmata nawa nangu i ngẽma ngunexü̃ i nagu curüngü̃xü̃. Rü ngẽxguma tá nawa nanguxgu nax ícurüdaxü̃ rü tá cunayaxu i curü ãmare ya Tupana tá cuxna ãxü̃ —ñanagürü.

Danié 12:13 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 14:13

Rü ñu̱xũchi nüxü̃ chaxĩnü ga wüxi ga naga ga daxũguxü̃ ga naanewa inaxũxü̃ ga ñaxü̃ choxü̃: “¡Naxümatü i ñaa ore i tá cumaxã nüxü̃ chixuxü̃! Rü ñu̱xmaü̃cüü tá tataãẽgü ya yíxema tórü Coriaxü̃́ mea yaxõgüãcüma yuexe. Erü Tupanaãxẽ ya Üünecü rü ñanagürü: ‘Ngü̃, ngẽmáacü tá tataãẽgü ya yíxema, erü tá itarüngüe nüxna i tümaarü puracügü. Rü ngẽma mexü̃ i taxügüxü̃ rü tümamaxã wüxigu daxũguxü̃ i naanewa tá naxũ’ ”, ñanagürü.

2 Corintios 5:1

Nüxü̃ tacua̱x rü ngẽxguma iyanaxoxgu i ñaa toxone i paxaãchi toxü̃́ ngẽxmaxü̃, rü daxũguxü̃ i naanewa tá tanayaxu i wüxi i toxone i tagutáma iyarüxoxü̃ i Tupanatama toxca̱x mexẽẽxü̃ rü tama i duü̃xü̃gü.

Chacaría 3:7

—Cori ya Tupana ya Guxãétüwa Ngẽxmacü rü ñanagürü cuxü̃: “¡Chaucümagu ixũ rü yanguxẽxẽ i guxü̃ma i ngẽma cumaxã nüxü̃ chixuxü̃! Rü ngẽxguma ngẽmaãcü cunaxü̱xgu, rü cuxme̱xgu tá chanaxǘ ya chopata ya taxü̃ne rü naa̱xtü nax nüxna cudauxü̃ca̱x. Rü tá cuxna chanaxã i cuchica i natanüwa i ñaa chorü duü̃xü̃gü i daxũcüã̱x i choxü̃́ puracüexü̃.

Danié 12:3

Rü ngẽma naãẽxü̃ icuáxü̃ i Tupanaga ĩnüexü̃ rü ñoma ngóonexü̃rüxü̃ tá nanangóonexẽẽgü. Rü ngẽma to̱xguexü̃ ngúexẽẽxü̃ nax Tupanawe tarüxĩxü̃ca̱x rü ñoma woramacurigürüxü̃ tá ngéma nanaitanü.

Ore i mexü̃ ga Matéu ümatüxü̃ 19:28

Rü Ngechuchu nanangãxü̃ rü ñanagürü nüxü̃: —Aixcüma pemaxã nüxü̃ chixu rü ngẽma ngunexü̃ ya Tupana nagu nangexwaca̱xü̃xẽẽxü̃ i guxü̃ma, rü Tupana Nane ya duü̃xü̃xü̃ ixĩcü rü norü tochica i mexẽchixü̃wa tá narüto. Rü pema i 12 i chorü ngúexü̃gü nax chowe perüxĩxü̃, rü pema rü tá ta pexü̃́ nangẽxma i perü tochicaxü̃ i chauxü̃tawa. Rü ngéma tá perütogü nax namaxã ipecuáxü̃ca̱x i ngẽma 12 i Iraétücumügü.

Ore i mexü̃ ga Luca ümatüxü̃ 21:36

Rü ngẽmaca̱x name nixĩ i pegü ípemexẽẽgü. ¡Rü guxü̃guma peyumüxẽgü nax ngẽmaãcü tama pexü̃ naxüpetüxü̃ca̱x i guxü̃ma i ngẽma ãũcümaxü̃gü i tá íngugüxü̃, rü aixcüma pimexü̃ca̱x i ngẽxguma nape̱xewa pengugügu ya Tupana Nane ya duü̃xü̃xü̃ ixĩcü! —ñanagürü ga Ngechuchu.

Wiyaegü 16:5

Pa Corix, cuma nixĩ i ñoma i õnarüxü̃ choxü̃ cuporaxẽẽxü̃. Rü ñoma chorü copa i mexü̃rüxü̃ quixĩ. Rü cuxme̱xwa nangẽxma i chorü maxü̃.

2 Tesalonicenses 1:7

Rü pema i ñu̱xma ngúxü̃ pingegüxü̃ rü Tupana tá tüxü̃ inarüngü̃güxẽxẽ. Rü ngẽma tá nanaxü ya Tupana i ngẽxguma üxüemagu daxũwa ne naxũxgu ya tórü Cori ya Ngechuchu ya Cristu wüxigu namaxã i norü orearü ngeruü̃gü i poraexü̃.

Wiyaegü 1:5

Rü ngẽmaca̱x i ngẽma duü̃xü̃gü i chixexü̃gu maxẽxü̃ rü ngẽxguma Tupana nüxü̃ icagügu, rü taxumaxãtama nügü ínapoxü̃gü i ngẽxguma poxcu namaxã naxuegugu. Rü ngẽma chixexü̃gu maxẽxü̃ rü tá nangechica natanüwa i ngẽma duü̃xü̃gü i Tupanape̱xewa imexü̃.

Danié 12:4

¡Natürü i cumax, Pa Daniéx, rü cuxicatama nüxü̃ nacua̱x i ngẽma ore i cumaxã nüxü̃ chixuxü̃! ¡Rü ñu̱xũchi nañaxtachipe̱xe i ngẽma popera ñu̱xmatáta nawa nangu i ngẽma ngunexü̃ i nagu yacuáxü̃ i ngẽma guxchaxü̃gü! Rü muxü̃tama i duü̃xü̃gü rü guxü̃wama tá naxca̱x nadaugü i cua̱x nax ngẽmaãcü yexera nüxü̃ nacua̱xgüxü̃ca̱x i ngẽma tá ngupetüxü̃ —ñanagürü.

Ínachoxü̃xü̃chiga 33:14

Rü yexguma ga Tupana rü Moichéxü̃ nangãxü̃ rü ñanagürü: —Chomatátama cuxü̃ chaxümücü, rü tá cuxü̃ charüngü̃xẽxẽxü̃ —ñanagürü.

Wiyaegü 16:9

Rü ngẽmaca̱x i ñu̱xma rü poraãcü chataãxẽ rü taxuca̱xtama ta̱xacüca̱x chaxoegaãxẽ.