Danié 11:6 - Tupanaarü Ore

⁶ Rü ñuxre ya taunecüwena rü ngẽma taxre i ãẽ̱xgacügü rü tá nügümaxã inaxuneta nax nügü nangü̃xẽẽgüxü̃ca̱x. Rü ngẽma súranearü ãẽ̱xgacü rü tá ngẽma nórteanearü ãẽ̱xgacüna ngĩxü̃ namu i naxacü nax ngĩmaxã naxãmaxü̃ca̱x nax ngẽmaãcü tama nügümaxã nanuexü̃ca̱x i ngẽma taxre i nachixü̃anearü ãẽ̱xgacügü. Natürü ngẽma uneta rü nagu tá narüchixe, erü tá ngĩxü̃ nima̱xgü i naxma̱x wüxigu namaxã ya ngĩne rü ngĩte rü ngĩrü puracütanüxü̃.

Danié 11:6 Referans Kwoze

Danié 11:13

Rü ngẽma nórteanearü ãẽ̱xgacü rü tá nananutaque̱xe i nüxíraxü̃güxü̃arü yexera rümumaexü̃ i to i norü churaragü. Rü mea tá nixãxne. Rü ngẽmaãcü ñuxre ya taunecüwena rü tá wenaxarü ngẽma súranearü ãẽ̱xgacüca̱x ínayaxüãchi.

Danié 11:40

Rü ngẽxguma nawa nanguxgu nax nügü nada̱i̱xü̃ rü ngẽma súr-arü ãẽ̱xgacü rü tá ngẽma nórtearü ãẽ̱xgacüca̱x ínayagoõchi. Natürü ngẽma nórtearü ãẽ̱xgacü rü ñoma wüxi ya buanecü ya íxãũxẽmacürüxü̃ tá naxca̱x niñaama. Rü carugü i dairuxü̃ ixĩgüxü̃maxã, rü churaragü i cowarutagu ixĩxü̃maxã tá nayapaxẽxẽ i ngẽma nachixü̃ane. Rü tá namu ya norü wapurugü.

Danié 11:15

Rü nümatama i ngẽma nórtearü ãẽ̱xgacü rü tá ínangu. Rü wüxi ya ĩane ya ípoxegunecüwagu tá waixü̃mümaxã nanagünagü rü ngẽmawa tá dauxü̃ naxĩgü rü tá yima ĩanegu nachocu. Rü woo ngẽma nüxü̃ rücua̱xmaegüxü̃ i súranearü churaragü rü taxucürüwatama ínayachaxãchixẽẽgü i ngẽxguma nachocuxgu i ngẽma uanüarü churaragü.

Danié 11:7

Natürü wüxi i ngĩtanüxü̃ rü tá ãẽ̱xgacüwa nangu i súranewa, rü tá naxca̱x ínayaxüãchi i ngẽma nórteanearü churaragü. Rü tá namaxã inacua̱xgü i ngẽma nórtecüã̱xarü poxü̃chica. Rü tá ngẽma nórteanearü churaragüxü̃ narüporamaegü.

Chacaría 11:16

Erü choma rü tá ñaa nachixü̃anegu chanamu i wüxi i dauruxü̃ i tama norü carnéru i inaxüanemarexü̃gu rüxĩnüxü̃. Rü taxũtáma naxca̱x nadau i ngẽma rütaxuxü̃. Rü taxũtáma nanaxüxü̃ i ngẽma napíxü̃. Rü taxũtáma nanaxüwemü i ngẽma turaexü̃. Natürü tá nayama̱x i ngẽma rüngümaexü̃ rü meatama tüxü̃ nangõ̱x. Rü taxuxü̃táma tümamachi ínayaxüxẽxẽ woo tümapatügü.

Echequié 30:21

—Pa Yatüx, choma rü marü chayapoye ya nachacüxü i ngẽma Equítuanearü ãẽ̱xgacü ya Faraóü̃. Rü taxúema nüxü̃́ tanaxüxü̃ rü taxúema nüxü̃́ tayana̱i̱xgü nax wena naporaxü̃ca̱x rü wena naya̱u̱xãxü̃ca̱x i norü tara.

Wiyaegü 10:5

Rü ngẽma naxüxü̃wa rü guxü̃guma mea nüxü̃́ ínanguxuchi. Rü nüma rü nüxü̃ naxo i curü mugü, Pa Tupanax. Rü nagu naxĩnügu rü tagutáma cunapoxcu. Rü norü uanügüxü̃ nacugü, rü nagu narüxĩnü nax taxúetama nüxü̃ rüporamaexü̃ rü tagutáma guxchaxü̃ nüxü̃́ ngẽxmaxü̃.

Yox 38:15

Rü ngẽma chixexü̃gu maxẽxü̃ rü tama norü me nixĩ i ngẽma üa̱xcüarü ngóonexü̃, erü nagu nayanachixexẽxẽ i ngẽma chixexü̃ i nagu naxĩnüexü̃.