Danié 11:41 - Tupanaarü Ore

⁴¹ Rü nagu tá naxücu i Iraétanüxü̃arü naane i mexẽchixü̃, rü muxü̃tama i duü̃xü̃güxü̃ nadai. Natürü taxũtáma naxme̱xgu nayi i ngẽma Edóü̃anecüã̱xgü, rü Moáanecüã̱xgü, rü ñu̱xũchi ngẽma rümumaexü̃ i Amóü̃anecüã̱x.

Danié 11:41 Referans Kwoze

Yeremía 48:47

Natürü wüxi i ngunexü̃ rü tá Moátanüxü̃güxü̃ charüngü̃xẽẽxü̃ rü nachixü̃aneca̱x tá chanawoeguxẽxẽ. Rü choma ya Cori ya Tupana nixĩ i ngẽma ñachaxü̃ —ñanagürü. Rü nua nixĩ i yacuáxü̃ i ore i Yeremía nüxü̃ ixuxü̃ i Moáanearü poxcuchiga.

Yeremía 49:6

Natürü ngẽmawena rü tá Amóü̃tanüxü̃xü̃ charüngü̃xẽxẽxü̃ nax nawoeguxü̃ca̱x. Rü choma ya Cori ya Tupana nixĩ i ngẽma ñachaxü̃ —ñanagürü.

Danié 11:45

Rü ñu̱xũchi ngẽma metachinüxü̃ i Yerucharéü̃arü rü márpechinüarü ngãxü̃wa ngẽxmaxü̃gu tá nayatexechigü i norü churaragüpatagü i naxchirunaxca̱x. Natürü ngẽxma tátama nixĩ i nayuxü̃, rü taxúetama nüxü̃ tarüngü̃xẽxẽ —ñanagürü.

Danié 11:16

Rü ngẽma ãẽ̱xgacü i ngẽxma ücuxü̃ rü nüma nanaxwa̱xexü̃ tá namaxã naxü i ngẽma nüxü̃ naporamaexü̃. Rü taxúetama tapora nax ítayachaxãchixẽẽxü̃. Rü Iraétanüxü̃arü naane i mexẽchixü̃wa tá nangẽxma rü tá namaxã inacua̱x.

Danié 8:9

Rü guma wüxi ga naxchata̱xcurewa rü wüxi ga íxrane ga naxchata̱xcure nayarügo. Rü guma naxchata̱xcurearü pora rü súrwa, rü éstewa, rü ñu̱xũchi yema mexü̃ ga naane ga Iraéanewa nangu.

Yeremía 9:26

Rü ngẽmaãcü tá chanapoxcue i ngẽma Equítuanecüã̱xgü, rü Yudátanüxü̃, rü Edóü̃tanüxü̃, rü Amóü̃tanüxü̃, rü Moátanüxü̃, rü ñu̱xũchi guxü̃ma i ngẽma duü̃xü̃gü i ínachianexü̃wa maxẽxü̃ rü nügü idüerugüxü̃ i nügü iwiü̃cha̱xmüü̃pe̱xechiraü̃gümarexü̃ natürü tama chauga ĩnüexü̃. Rü tá chanapoxcue i guxü̃ma i ngẽma Iraétanüxü̃ erü chixexü̃gu namaxẽ rü tama chauga naxĩnüe —ñanagürü.

Danié 11:42

Rü ngẽma norü churaragü rü togü i nachixü̃anegu tá nachocu. Rü woo i ngẽma Equítuane rü taxũtáma niña nax naxme̱xgu nanguxü̃.