Danié 11:40 - Tupanaarü Ore

⁴⁰ Rü ngẽxguma nawa nanguxgu nax nügü nada̱i̱xü̃ rü ngẽma súr-arü ãẽ̱xgacü rü tá ngẽma nórtearü ãẽ̱xgacüca̱x ínayagoõchi. Natürü ngẽma nórtearü ãẽ̱xgacü rü ñoma wüxi ya buanecü ya íxãũxẽmacürüxü̃ tá naxca̱x niñaama. Rü carugü i dairuxü̃ ixĩgüxü̃maxã, rü churaragü i cowarutagu ixĩxü̃maxã tá nayapaxẽxẽ i ngẽma nachixü̃ane. Rü tá namu ya norü wapurugü.

Danié 11:40 Referans Kwoze

Danié 11:35

Rü ngẽxgumarüxü̃ ta i ñuxre i ngẽma nüxü̃ icuáxü̃ nax duü̃xü̃güxü̃ nangúexẽẽxü̃, rü norü uanügü rü tá nawe ningexü̃tanü. Rü ngẽmaãcü Tupana tá nüxü̃ naxü nax nape̱xewa yamexü̃ca̱x. Rü ngẽmaãcü nixĩ rü ñu̱xmata nawa nangu i ngẽma ngunexü̃ ya Tupana nagu unetaxü̃.

Danié 11:10

Natürü ngẽma nórtearü ãẽ̱xgacü nanegü rü daixca̱x tá nügü ínamexẽẽgü, rü muxü̃tama i churaragü tá nanutaque̱xegü. Rü wüxi i ngẽma nane rü norü churaragümaxã tá súranegu naxücu, rü guxü̃táma inayarüxoxẽxẽ ñoma mucü ya tacü ya guxü̃ma irüxoxẽẽcürüxü̃. Ngẽmawena rü wena tá ngẽma súrcüã̱xü̃ nadai rü ñu̱xmata ngẽma súranearü ãẽ̱xgacüarü poxü̃chicawa nangugü.

Ichaía 5:28

Rü yima naxnegü rü meama nixãmagu, rü guxü̃nema ya norü würagü rü meama nipe̱xe̱xcunü. Rü norü cowaruarü nga̱xcueruü̃gü rü nutarüxü̃ nataixichi. Rü naga i nachicu i norü carugü rü ñoma wüxi ya buanecü ya taxüchicürüxü̃ nixĩgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:12

Rü yema norü 6 ga orearü ngeruxü̃, rü yema taxtü ga Eufráteétügu nayabaãcu ga norü copu. Rü inayache ga yema taxtü nax wüxi ga nama nax yixĩxü̃ca̱x naxca̱x ga yema nachixü̃anegüarü ãẽ̱xgacügü ga éstewa ne ĩxü̃.

Chacaría 9:14

Rü nüma ya Cori ya Tupana rü tá norü duü̃xü̃gütanüwa nügü nawe̱x. Rü ngẽxguma nama̱xgüãgu i norü chuxchigü rü ñoma ãẽmacürüxü̃ tá nixĩgü. Rü nüma ya Cori ya Tupana rü tá nagu nicue i norü trompéta. Rü ñoma buanecü ya tacü ya súrwaama ne ũcügurüxü̃ tá nixũ.

Danié 12:4

¡Natürü i cumax, Pa Daniéx, rü cuxicatama nüxü̃ nacua̱x i ngẽma ore i cumaxã nüxü̃ chixuxü̃! ¡Rü ñu̱xũchi nañaxtachipe̱xe i ngẽma popera ñu̱xmatáta nawa nangu i ngẽma ngunexü̃ i nagu yacuáxü̃ i ngẽma guxchaxü̃gü! Rü muxü̃tama i duü̃xü̃gü rü guxü̃wama tá naxca̱x nadaugü i cua̱x nax ngẽmaãcü yexera nüxü̃ nacua̱xgüxü̃ca̱x i ngẽma tá ngupetüxü̃ —ñanagürü.

Echequié 38:4

Rü choma rü tá taxwa cua̱xwa chichocuchi rü ngẽmaãcü tá cuxü̃ íchatúxuchi cuchixü̃anewa nax daiwa cuxũxü̃ca̱x namaxã i guxü̃ma i curü churaragü i nacutügu ĩxü̃ rü curü churaragü i mea ãxchiruxü̃ i cowarugüétügu ĩxü̃. Rü nümagü rü namuxũchi rü meama taragümaxã nixãxne, rü meama nixãxchiru. Rü guxü̃raxü̃xü̃ i poxü̃ruü̃gü nüxü̃́ nangẽxma.

Yeremía 4:13

Dücax, ngẽma tórü uanügü rü ñoma caixanexü̃rüxü̃ ningaicamaetanü, rü ngẽma norü carugü i dairuxü̃ rü ñoma buanecü ya poracürüxü̃ nixĩgü. Rü ngẽma norü cowarugü rü ĩyüxü̃ narüporamaegü. Rü yíxema rü marü taxuacüma tibuxmü.

Ichaía 21:1

Ñaa nixĩ i Tupanaarü ore i chianexü̃ i márpechinüwa ngẽxmaxü̃chiga ixĩxü̃. Ñoma buanecü ya tacü ya íxã̱ũ̱xẽmacü ya súrwaama ne ũemacü rü chianexü̃waama ne ũcürüxü̃ tá ngẽma chianexü̃ i ãũcümaxü̃wa ne naxĩ i ngẽma churaragü.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:16

Rü nüxü̃ chaxĩnü nax ñuxre nax yixĩxü̃ ga yema orearü ngeruü̃güarü churaragü ga cowaruétügu ĩxü̃. Rü 200’000,000 nixĩgü.

Danié 11:22

Rü nüma i ngẽma ãẽ̱xgacü i chixecümaxü̃ rü ñoma mucü ya tacü ya guxü̃ma iyarüxoxẽẽcürüxü̃ tá inayanaxoxẽxẽ i norü uanügüarü churaragü. Rü tá ínanata̱xüchi i ngẽma ãẽ̱xgacü i namaxã uneta naxuchiréxü̃.

Danié 8:17

Rü yexguma ga nüma ga Gábi rü cha̱u̱xca̱x nixũ. Choma rü chaba̱i̱xãchi rü nape̱xegu chanangücuchi waixü̃müanegu. Natürü ga nüma rü ñanagürü choxü̃: —Pa Yatüx, name i nüxü̃ cucua̱x i ngẽma nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃ —ñanagürü.

Ichaía 66:15

Rü nüma ya Tupana rü tá üxüemagu ínangu rü yima norü carugü ya daiwexü̃ rü ñoma wüxi ya buanecü ya íxã̱ũ̱xemacürüxü̃ tá nixĩgü. Rü tá nanapoxcue i norü uanügü, rü ngẽma norü poxcu rü ñoma üxüema iya̱u̱xraxü̃rüxü̃ tá nixĩ.

Danié 11:7

Natürü wüxi i ngĩtanüxü̃ rü tá ãẽ̱xgacüwa nangu i súranewa, rü tá naxca̱x ínayaxüãchi i ngẽma nórteanearü churaragü. Rü tá namaxã inacua̱xgü i ngẽma nórtecüã̱xarü poxü̃chica. Rü tá ngẽma nórteanearü churaragüxü̃ narüporamaegü.

Danié 11:11

Rü ngẽma nax súrarü naanegu nachocuxü̃ i ngẽma nórtecüã̱xgüarü churaragü rü poraãcü tá súranearü ãẽ̱xgacüxü̃ nanuxẽxẽ. Rü ngẽmaca̱x ngẽma nórtecüã̱xarü churaragümaxã tá nügü nadai rü tá nüxü̃ narüporamae woo nax namuxü̃ i ngẽma nórtearü churaragü.

Danié 11:13

Rü ngẽma nórteanearü ãẽ̱xgacü rü tá nananutaque̱xe i nüxíraxü̃güxü̃arü yexera rümumaexü̃ i to i norü churaragü. Rü mea tá nixãxne. Rü ngẽmaãcü ñuxre ya taunecüwena rü tá wenaxarü ngẽma súranearü ãẽ̱xgacüca̱x ínayaxüãchi.

Danié 11:25

Rü ngẽma nax nügü nacuáxü̃ nax naporaxü̃ rü tama namuü̃xü̃ rü ngẽmaca̱x i nüma i Nórteanearü ãẽ̱xgacü rü muxü̃ma i norü churaragümaxã tá ngẽma Súranearü ãẽ̱xgacüca̱x ínayagoõchi. Rü nüma i ngẽma Súranearü ãẽ̱xgacü rü tá nügü namaxã nadai, natürü taxũtáma nüxü̃ narüporamae erü namücügütama tá nanaechitaegü.

Danié 11:39

Rü tá nananutaque̱xe i churaragü i togü i tupanagüxü̃ icua̱xüü̃güxü̃ nax ngẽmaãcü ínapoxü̃ãxü̃ca̱x ya yima ĩanegü ya ípoxegugüne. Rü guxãma ya yíxema nüxü̃ icua̱xüü̃güxe rü tá norü ngü̃xẽẽruü̃gü tüxü̃ nixĩgüxẽxẽ rü tá taxü̃ i naanegü tüxna naxã.

Danié 12:9

Rü nüma rü choxü̃ nangãxü̃ rü ñanagürü: —Name i aixrügumarüxü̃ mea cumaxü̃, Pa Danié. Natürü cunaxwa̱xe nax taxúetama nüxü̃ cuáxü̃ i ngẽma ore ñu̱xmatáta nawa nangu i ngẽma ngunexü̃ i nagu yacuáxü̃.

Abacú 3:14

Rü cumax, Pa Tupanax, rü noxrütama naxnegümaxã cuyama̱x ga yema ãẽ̱xgacü ga chixexü̃ üxü̃ ga yexguma norü churaragümaxã curü duü̃xü̃güca̱x íyaxüãchigu nax ñoma buanecü ya taxüchicürüxü̃ nawoonexẽẽãxü̃ca̱x ga curü duü̃xü̃gü ga tama poraexü̃ nax nügü ínapoxü̃güxü̃.

Echequié 38:9

Rü cumax, Pa Góx, rü ngẽma nachixü̃anewa tá cungu rü ñoma wüxi i caixanexü̃ i waemaxü̃rüxü̃ tá curü muxü̃ma i churaragü i muxü̃ma i nachixü̃anewa ne ĩxü̃maxã cuyapaxẽxẽ i ngẽma nachixü̃ane”, ñachagürü.