Danié 11:37 - Tupanaarü Ore

³⁷ Rü ngẽma ãẽ̱xgacü rü taxũtáma nüxna nacua̱xãchi i ngẽma nũxcümaü̃güxü̃ i norü o̱xigüarü tupanagü, rü woo ga yema tupanagü ga ngexü̃gü nüxü̃ icua̱xüü̃güxü̃, rü woo i ta̱xacürü to i tupana. Erü nügügu tá nayaxõ nax guxü̃ma i tupanagüxü̃ nayexeramaexü̃ i nüma.

Danié 11:37 Referans Kwoze

2 Tesalonicenses 2:4

Rü ngẽma Tupanaarü uanü rü tá Tupanamaxã rü guxü̃ma i ngẽma Tupanaarü ixĩgüxü̃maxã narüxuanü. Rü tá naxchi naxai i guxü̃ma i ngẽmaxü̃gü i namaxã Tupanaxü̃ icua̱xüü̃güxü̃. Rü Tupanapata ya taxü̃newa tá nayarüto ñoma Tupana yixĩxü̃rüxü̃. Rü nüma rü tá nügü nixu nax Tupana yixĩxü̃.

Ichaía 14:13

Rü cumax rü cugüãẽwa nagu curüxĩnü rü ñacurügü: “Choma rü daxũguxü̃ i naanegu i Tupanaarü ẽxtagüétügu tá chaxĩnagü nax ngéma charütoxü̃ca̱x. Rü yima ma̱xpǘne ya nórtewaama üxü̃ne i nawa nangutaque̱xene i ngẽma tupanagü i duü̃xü̃gü namaxã tupanaã́xü̃ rü yimawa tá chanangexmaxẽxẽ i chorü tochicaxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:3

Rü ngẽma duü̃xü̃gü rü nanachu̱xu nax yangĩgüxü̃ i duü̃xü̃gü. Rü duü̃xü̃güna nanachu̱xu nax nangõ̱xgüãxü̃ i ñuxre i õnagü rü woochire̱x Tupana nanaxü i guxü̃ma i õnagü nax moxẽ naxca̱x inaxãgüãcüma nangõ̱xgüãxü̃ca̱x i norü duü̃xü̃gü i yaxõgüxü̃ i norü orexü̃ cua̱xgüxü̃.

Echequié 24:16

—Pa Yatüx, cuma rü tüxü̃ cungechaü̃xüchi ya cuxma̱x, natürü i choma rü ngürüãchimare tá tüxna chanayaxu i tümaarü maxü̃. Rü tama chanaxwa̱xe nax tümaca̱x cuxaxuxü̃ rü cungechaü̃xü̃ naxrüxü̃ i ngẽma togü i duü̃xü̃gü ega nayutanügu. Rü bexma tá ngúxü̃ quinge. Rü tama chanaxwa̱xe nax ngepatexeãcü rü ngearü chapatuãcü quixũxü̃. Rü tama chanaxwa̱xe i cunangṍxü̃ i ngẽma paũ i ngẽma togü i duü̃xü̃gü ngṍxü̃ i ngẽxguma nayutanügu —ñanagürü choxü̃ ga Tupana.

Charumóü̃arü wiyae 7:10

Choma rü chaute ya choxü̃́ ngúchaü̃cüarü chixĩ. Rü nüma rü poraãcü nüxü̃́ changúchaü̃.

Wenaxarü naxümatü ga Tupanaarü mugü 21:11

rü ngẽxguma natanüwa wüxíe i petanüwa ngĩxü̃ tada̱u̱xgu rü tüxü̃́ nangúchaü̃gu i wüxi i nge i mechametücü rü ngĩmaxã taxãma̱xgu,

Wenaxarü naxümatü ga Tupanaarü mugü 5:21

¡Rü taxũtáma cugüxü̃́ tüxü̃ cungúchaü̃xẽxẽ ya cumücüma̱x, rüe̱xna napata, rüe̱xna norü naane, rüe̱xna norü mugüruxü̃, rüe̱xna naxü̃taxü̃, rüe̱xna norü woca i puracüruxü̃, rüe̱xna norü búru, rü bai i ta̱xacü i noxrü ixĩxü̃!” ñanagürü ga Tupana.

Naanearü ügüchiga 3:16

Rü yexguma ga Tupana rü yema ngexü̃ ñanagürü: —Tá chanayexeraguxẽxẽ nax cuxü̃́ nangúxü̃ i ngẽxguma cuxãxãcügux. Rü cuxü̃́ nangúãcü tá cuxíxraxacü. Natürü taxũtáma nüxü̃ curüxo nax cute cuxü̃́ ngúchaü̃xü̃. Rü nüma rü tá cumaxã inacua̱x —ñanagürü.

Naanearü ügüchiga 3:5

Erü Tupana rü meama nüxü̃ nacua̱x ega penangõ̱xgu i ngẽma nanetüarü o rü tá nüxü̃ pecua̱x i ta̱xacü nixĩ i mexü̃, rü ta̱xacü nixĩ i chixexü̃, rü Tupanarüxü̃ tátama pixĩgü —ñanagürü ngĩxü̃.

Danié 8:11

Rü nüma ga yema íxraxü̃ ga naxchata̱xcure rü yema Tupanaarü churaragüeruxü̃ nügü narüyexeraxẽẽchaxü̃. Rü inayanaxoxẽxẽ nax Tupanaca̱x yagugüãxü̃ ga ãmaregü ga wüxichigü ga ngunexü̃gu. Rü nanaxãũãchixẽxẽ ga guma Tupanapata.

Danié 11:36

Rü ngẽma Nórtearü ãẽ̱xgacü rü guxü̃ma i ngẽma nüma nanaxwa̱xexü̃ tá naxümare. Rü tá nügü nicua̱xüxü̃ rü tá nügügu nayaxõ nax guxü̃ma i tupananetagüarü yexera naporamaexü̃. Rü Tupanamaxã tá naguxchiga. Rü guxü̃táma i ngẽma naxüxü̃wa rü mea tá nüxü̃́ ínanguxuchi rü ñu̱xmata Tupana naxca̱x ínanguxẽxẽ i norü poxcu. Erü ngẽma Tupana ueguxü̃ rü tá nayanguxẽxẽ.

Danié 11:38

Rü tá nüxü̃ nicua̱xüxü̃ama i ngẽma norü tupana i poxü̃ruxü̃ ixĩxü̃. Rü ngẽma nixĩ i wüxi i tupana ga tama norü o̱xigü nüxü̃ cua̱xgüxü̃. Rü ngẽma tupanana tá nanaxã i úirugü, rü diẽrumügü, rü nuta ya ngã̱xãẽruü̃gü, rü ngẽmaxü̃gü i tatanüxü̃.

Ichaía 14:14

Rü ngẽma caixanexü̃arü yexeragu tá chaxĩnagü rü naxrüxü̃ tátama chixĩ ya yimá Tupana ya Guxãétüwa Ngẽxmacü”, ñacurügü i cugüãẽwa.

Echequié 28:2

—Cumax, Pa Yatüx, ¡Yima Tíruarü ãẽ̱xgacümaxã nüxü̃ ixu i ñaa ore! Cori ya Tupana rü ñanagürü cuxü̃: “Cumax, Pa Tírucüã̱xgüarü Ãẽ̱xgacüx, cugü quicua̱xüxü̃ rü cugügu curüxĩnügu rü wüxi i tupana quixĩ rü Tupanaarü toruü̃wa curüto. Rü cuxca̱x rü taxucürüwa curü uanügü cuxü̃ narüporamae erü márcutüwa cungexma. Natürü i cumax rü tama wüxi i tupana quixĩ. Rü wüxi i duü̃xü̃mare quixĩ woo nagu curüxĩnügu nax wüxi i tupanaarü cua̱x cuxü̃́ ngẽxmaxü̃.