Danié 11:36 - Tupanaarü Ore

³⁶ Rü ngẽma Nórtearü ãẽ̱xgacü rü guxü̃ma i ngẽma nüma nanaxwa̱xexü̃ tá naxümare. Rü tá nügü nicua̱xüxü̃ rü tá nügügu nayaxõ nax guxü̃ma i tupananetagüarü yexera naporamaexü̃. Rü Tupanamaxã tá naguxchiga. Rü guxü̃táma i ngẽma naxüxü̃wa rü mea tá nüxü̃́ ínanguxuchi rü ñu̱xmata Tupana naxca̱x ínanguxẽxẽ i norü poxcu. Erü ngẽma Tupana ueguxü̃ rü tá nayanguxẽxẽ.

Danié 11:36 Referans Kwoze

2 Tesalonicenses 2:4

Rü ngẽma Tupanaarü uanü rü tá Tupanamaxã rü guxü̃ma i ngẽma Tupanaarü ixĩgüxü̃maxã narüxuanü. Rü tá naxchi naxai i guxü̃ma i ngẽmaxü̃gü i namaxã Tupanaxü̃ icua̱xüü̃güxü̃. Rü Tupanapata ya taxü̃newa tá nayarüto ñoma Tupana yixĩxü̃rüxü̃. Rü nüma rü tá nügü nixu nax Tupana yixĩxü̃.

Wenaxarü naxümatü ga Tupanaarü mugü 10:17

Erü yimá perü Cori ya Tupana rü ngẽma duü̃xü̃gü namaxã tupanaã̱xgüxü̃étüwa nangẽxma, rü guxü̃ma i ãẽ̱xgacügüétüwa nangẽxma. Rü nüma nixĩ i poraxüchicü rü ãũcümacü rü guxü̃maxã icuácü. Rü naxca̱x rü guxãma i yixema rü tawüxigu, rü tama diẽru nayaxu ega texé tügü ütanüchaü̃gu.

Danié 11:16

Rü ngẽma ãẽ̱xgacü i ngẽxma ücuxü̃ rü nüma nanaxwa̱xexü̃ tá namaxã naxü i ngẽma nüxü̃ naporamaexü̃. Rü taxúetama tapora nax ítayachaxãchixẽẽxü̃. Rü Iraétanüxü̃arü naane i mexẽchixü̃wa tá nangẽxma rü tá namaxã inacua̱x.

Danié 2:47

Rü yemawena rü Daniéxü̃ ñanagürü: —Aixcümaxü̃chima ya yimá perü Tupana nixĩ ya guxü̃ma i togü i tupanagüxü̃ rüporamaecü. Rü nüma rü guxü̃ma i ãẽ̱xgacügüarü Cori nixĩ. Rü nüma rü inanawe̱x i ngẽma ẽxü̃guxü̃ rü ngẽmaca̱x cuxü̃ nüxü̃ nacua̱xẽxẽ i ngẽma chaunegü —ñanagürü.

Ichaía 14:13

Rü cumax rü cugüãẽwa nagu curüxĩnü rü ñacurügü: “Choma rü daxũguxü̃ i naanegu i Tupanaarü ẽxtagüétügu tá chaxĩnagü nax ngéma charütoxü̃ca̱x. Rü yima ma̱xpǘne ya nórtewaama üxü̃ne i nawa nangutaque̱xene i ngẽma tupanagü i duü̃xü̃gü namaxã tupanaã́xü̃ rü yimawa tá chanangexmaxẽxẽ i chorü tochicaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:7

Rü ngẽxguma tá nawa nanguxgu nax yacueãxü̃ ya norü cornéta i ngẽma norü 7 i Tupanaarü orearü ngeruxü̃, rü ngẽxguma tá nixĩ i yanguxü̃ ga yema noxri ẽxü̃guxü̃ ga Tupanaarü uneta, yema nũxcümaü̃güxü̃ ga norü orearü uruü̃gümaxã nüxü̃ yaxuxü̃ ga Tupana”, ñanagürü.

Ichaía 10:25

Erü marü noxretama i ngunexü̃ nataxu nax naxca̱x íchananguxẽẽxü̃ i norü poxcu, rü ngẽma chorü numaxã tá chanadai.

Wiyaegü 136:2

¡Moxẽ nüxna pexã ya yimá Tupana ya guxü̃ma i tupananetagüétüwa ngẽxmacü! Erü ngẽma norü ngechaü̃ rü taguma inayagu̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:17

Rü nüma ga Tupana rü yema 10 ga ãẽ̱xgacügüãẽwa nanagu̱xẽxẽ nax naxügüã̱xü̃ca̱x ga yema nanaxwa̱xexü̃ ga Tupana. Rü ngẽmaca̱x i ngẽma ãẽ̱xgacügü, rü tá wüxigu nagu narüxĩnüe nax ngẽma ngo̱xoxü̃ naporaxẽẽgüxü̃ nax norü ãẽ̱xgacü yixĩxü̃ca̱x. Rü ngẽmaãcü tá nixĩ ñu̱xmatáta Tupana yanguxẽxẽ i ngẽma norü orewa nüxü̃ yaxuxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:3

Rü yexguma Tupanaãxẽ ya Üünecü yemaacü choxü̃ ngo̱xetüxẽẽgu, rü yema orearü ngeruxü̃ ga daxũcüã̱x rü chianewa choxü̃ naga. Rü yéma ngĩxü̃ chadau ga wüxi ga nge ga wüxi ga ngo̱xo ga dauxü̃étüwa rütocü. Rü yema ngo̱xo rü guxü̃wama naxãégaxü̃ne, rü yema naégagü rü Tupanamaxã naguxchiga. Rü 7 nixĩ ga naeru rü 10 ga naxchata̱xcure.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:14

Natürü ga Tupana rü ngĩxü̃ naxüxpe̱xatü ga yema nge. Rü ĩyüpe̱xatürüxü̃ nita. Rü yemaacü ga yema nge rü iyagóe rü yema nachica ga chianexü̃wa yexmaxü̃wa iña na̱xcha̱xwa ga yema ãxtape ga Chataná. Rü yema nachicawa tá nixĩ ya Tupana ngĩxna dauxü̃, rü ngĩxü̃ üwemüxü̃ i tomaepü̱x ya taunecüarü ngãxü̃.

Ngechuchuarü ngúexü̃gü ga yamugüxü̃arü puracüchiga 4:28

Rü yemaacü ga yema ãẽ̱xgacügü rü nayanguxẽxẽ ga guxü̃ma ga yema cuma nũxcümama nagu curüxĩnüxü̃ rü nüxü̃ quixuxü̃ rü tá nax yanguxü̃.

Ore i mexü̃ ga Cuáü̃ ümatüxü̃ 6:38

Yerü tama choxrütama ngúchaü̃ nax chaxüxü̃ca̱x nixĩ nax daxũguxü̃ ga naanewa ne chaxũxü̃. Natürü núma chaxũ nax chanaxüxü̃ca̱x i norü ngúchaü̃ ya Chaunatü ya núma choxü̃ mucü.

Ore i mexü̃ ga Cuáü̃ ümatüxü̃ 5:30

Choma rü taxucürüwa ta̱xacü chaxü chauechamatama ega tama choxü̃ naxüxẽẽãgu ya Chaunatü. Rü Chaunatü chomaxã nüxü̃ ixuxü̃ãcüma nixĩ i nüxna chacaxü̃ i duü̃xü̃gü i norü maxü̃chiga. Rü ngẽxguma nüxna chacaxgu rü aixcüma meama chanangugü i duü̃xü̃gü. Erü tama choxrütama ngúchaü̃ nixĩ i ngẽma chaxüxü̃, natürü Chaunatü ya nua choxü̃ mucüarü ngúchaü̃ nixĩ i ngẽma chaxüxü̃.

Danié 12:7

Rü yexguma ga yema yatü ga línuchimaxã ãxchiruxü̃ ga natüétügu chíxü̃ rü naxunagütanü ga naxme̱x rü Tupana ya Maxü̃cüégagu nanaxuegu rü ñanagürü: —Tomaepü̱x ya taunecüarü ngãxü̃ nataxu. Rü ngẽxguma marü íyachaxãchigügu nax nadaigüãxü̃ i Tupanaarü duü̃xü̃gü, rü ngẽxguma tá nixĩ i yaguxü̃ i ngẽma nüxü̃ chixuxü̃ —ñanagürü.

Danié 11:3

Natürü ngẽmawena rü tá nixücu i wüxi i ãẽ̱xgacü i poraxü̃ i muxü̃tama i nachixü̃anemaxã icuáxü̃. Rü nüma rü nanaxwa̱xeãcüma tá namaxã inacua̱x i ngẽma togü i nachixü̃anegü i naxme̱xwa ngẽxmagüxü̃.

Danié 8:4

Rü nüxü̃ chadau ga yema carnéru nax guma naxchata̱xcuregümaxã oésteguama, rü nórteguama, rü súrguama nacua̱i̱xgüxü̃, rü taxúema tiña naxcha̱xwa ga norü pora. Yema carnéru rü nüma nanawa̱xexü̃ naxümare, rü yemaacü yexera niporachigü.

Danié 7:8

Rü yexguma yema naxchata̱xcurexü̃ chadawenügu, rü nüxü̃ chadau ga natanüwa nax iyanagoxü̃ ga to ga rüxíxramaexü̃ ga naxchata̱xcure. Rü nanapuxü̃gü ga tomaepü̱x ga naxchata̱xcuregü nax yemaacü naxãchicaxü̃ca̱x ga yema nawa iyacuáxü̃ ga iyarügoxü̃ ga naxchata̱xcure. Rü nüxü̃ chadau nax naxãxẽtüxü̃ ga yema naxchata̱xcure rü guma naxetügü rü duü̃xü̃xetürüxü̃ nixĩgü. Rü nüxü̃́ nayexma ta ga wüxi ga naã̱x ga namaxã poraãcü nügü yacua̱xüüxü̃.

Danié 4:35

Rü ngẽma duü̃xü̃gü i ñoma i naanewa maxẽxü̃ rü cupe̱xewa, Pa Tupanax, rü taxuxü̃ma nixĩgü. Rü cuma cunaxwa̱xexü̃ãcü namaxã icucua̱x i dauxü̃guxü̃ i naane rü ñoma i naane. Rü tataxuma ya texé ya curü poraxü̃ rüyexeraxe. Rü tataxuma ya texé ya tüxü̃́ nangẽxmaxe i pora nax cuxna taca̱xaxü̃ rü ‘¿tü̱xcüü̃ cunaxü i ngẽma cuxüxü̃?’ ñachagürü.

Ichaía 46:10

Rü choma rü noxriarü ügügutama rü ñu̱xmata norü gu̱xwa nangu rü nüxü̃ chixu i ngẽma tá wüxichigü i ngunexü̃ ngupetüxü̃. Rü naxü̃patama nüxü̃ chixu i ngẽma tá ínguxü̃. Rü choma nüxü̃ chixu, rü ngẽma nagu charüxĩnüxü̃ rü tá ningu. Rü ngẽma nüxü̃ chixuxü̃ rü tá chayanguxẽxẽ.

Ichaía 26:20

Dücax, Pa Chorü Duü̃xü̃güx, rü name nixĩ i nagu pechocu ya yima pepatagü rü penawãtagü i perü ĩã̱xgü. ¡Rü paxaãchi ngẽxma picu̱xgü ñu̱xmata nüxü̃́ nangupetü i norü nu ya Cori ya Tupana!

Ucu̱xẽgüchiga 19:21

Nüma ya yatü, rü nagu narüxĩnü i muxü̃ma i ngẽma naxüxchaü̃xü̃, natürü Cori ya Tupana naxwa̱xexü̃ãcü tá nixĩ i yanguxü̃.

Wiyaegü 33:10

Rü nüma ya Cori ya Tupana rü nagu nayanaxoxẽxẽ i ngẽma nagu naxĩnüexü̃ i ngẽma duü̃xü̃gü i tama nüxü̃́ yaxõgüxü̃.

Yochué 22:22

—Cori ya Tupana ya gúxü̃ i tupananetagüarü Tupana ixĩcü rü nüxü̃ nacua̱x nax tama namaxã tanuexü̃ca̱x rüe̱xna nüxna tixĩgachixü̃ca̱x nixĩ i tanaxüxü̃ i ñaa ãmarearü guruxü̃. Rü tanaxwa̱xe nax guxãma i pema rü ta nüxü̃ pecuáxü̃ i ngẽma. Rü ngẽxguma chi tama Tupanaga taxĩnüexü̃ca̱x, rüe̱xna nüxna tixĩgachitanüxü̃ca̱x tanaxü̱xgu i ñaa ãmarearü guruxü̃, rü ẽcü toxü̃ pedai. Rü toxü̃ napoxcu ya Cori ya Tupana ega tóxrütama ãmarearü guruxü̃ taxü̱xgu nax ngéma naxca̱x tayaguxü̃ca̱x i ãmaregü.

2 Tesalonicenses 2:3

¡Rü taũtáma naga pexĩnüe i ngẽma duü̃xü̃gü i ngẽmaãcü pexü̃ womüxẽẽgüchaü̃xü̃! Erü naxü̃pa nax Ngechuchu núma ũxü̃ rü tá ínangu i ngẽma yatü i Tupanaarü uanü ixĩxü̃, rü tá nananuexẽxẽ i muxü̃ma i duü̃xü̃gü i yaxõgüchiréxü̃. Natürü Tupana marü ngẽma yatümaxã nanaxuegu rü tá nax napoxcuxü̃.

2 Tesalonicenses 2:8

Rü ngẽxguma ngẽma ínachaxãchixẽẽxü̃ nüxna ixũgachigu, rü tá ínangu i ngẽma Tupanaarü uanü. Natürü nüma ya tórü Cori ya Ngechuchu rü ngẽxguma ínanguxgu rü wüxi i “cue”, ñaxü̃maxã tá nayama̱x. Rü norü ya̱u̱xracüümaxã tá inayanaxoxẽxẽ i ngẽma norü uanü.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:1

Rü nüxü̃ chadau ga wüxi ga ngo̱xo ga taxü̃ ga márwa íxüãchixü̃. Rü nüxü̃́ nayexma ga 7 ga naerugü rü 10 ga naxchata̱xcuregü. Rü wüxichigü ga naxchata̱xcu̱xre rü nüxü̃́ nayexma ga norü nga̱xcueruxü̃. Rü yema 7 ga naerugü rü nixãéga. Rü yema naégagü rü Tupanachiga chixexü̃ nixugü.

Echequié 35:13

Rü cuma rü quidexa rü curü conümaxã chauchiga quidexa rü choxü̃ cunuxẽxẽ. Rü choma rü meama nüxü̃ chaxĩnü ga curü dexa.

Danié 5:19

Rü yema pora ga Tupana nüxna ãxü̃gagu rü guxü̃ma ga ĩanecüã̱xgü rü nachixü̃anecüã̱xgü naguxü̃raü̃xü̃ ga nagawa idexagüxü̃ rü naga naxĩnüe rü nüxü̃ namuü̃e. Rü naxme̱xwa nayexma nax tüxü̃ yamáxü̃ rüe̱xna tüxü̃ namaxẽẽxü̃ ga guxema norü me ixĩxẽ. Rü tümaxe rü tüxü̃ nataxẽxẽ, rü toguxe rü tüxü̃ naxãneexẽxẽ.

Danié 5:20

Natürü yexguma nügü yacua̱xüxü̃gu rü taxúegama naxĩnügu, rü Tupana rü nüxna nanayaxu ga norü pora, rü ínanata̱xüchi ga ãẽ̱xgacü nax yixĩxü̃.

Danié 11:37

Rü ngẽma ãẽ̱xgacü rü taxũtáma nüxna nacua̱xãchi i ngẽma nũxcümaü̃güxü̃ i norü o̱xigüarü tupanagü, rü woo ga yema tupanagü ga ngexü̃gü nüxü̃ icua̱xüü̃güxü̃, rü woo i ta̱xacürü to i tupana. Erü nügügu tá nayaxõ nax guxü̃ma i tupanagüxü̃ nayexeramaexü̃ i nüma.

Ichaía 10:5

Rü Cori ya Tupana rü ñanagürü: —Achíriaanearü ãẽ̱xgacü nixĩ ya chorü naixmena̱xã ya Iraétanüxü̃xü̃ namaxã chapoxcune. Rü yima nixĩ ya chauxne ya namaxã tá chorü numaxã chacuaixetane.

Ichaía 10:23

Erü nüma ya Cori ya Tupana ya Guxãétüwa Ngẽxmacü rü guxü̃ma i Iraéanemaxã tá nayanguxẽxẽ i ngẽma poxcu i ueguxü̃.

Ichaía 14:14

Rü ngẽma caixanexü̃arü yexeragu tá chaxĩnagü rü naxrüxü̃ tátama chixĩ ya yimá Tupana ya Guxãétüwa Ngẽxmacü”, ñacurügü i cugüãẽwa.

Ichaía 30:33

Erü nũxcümacürüwatama nixĩ ga Achíriaanearü churaragüca̱x rü norü ãẽ̱xgacüca̱x ínamexẽẽãxü̃ i wüxi i nachica i taxü̃ rü mátamaxü̃ i üxü nawa ngẽxmaxü̃. Rü ngéma nangẽxma ya tacü ya üxü i muxü̃ma i üxü nawa ngẽxmane. Rü nüma ya Cori ya Tupana rü wüxi i cuemaxã tá nayanaixẽxẽ. Rü ñoma üxüema i achúfremaxã inaixü̃rüxü̃ tá nixĩ.

Ichaía 57:9

Rü tupananeta i Molóxca̱x pibuxmü rü naxca̱x ngéma penana i oribuarü chíxü̃gü rü muxü̃ma i pumaragü, rü naxca̱x pedaugü i yuetaãẽgüarü ucu̱xẽgü.

Echequié 28:2

—Cumax, Pa Yatüx, ¡Yima Tíruarü ãẽ̱xgacümaxã nüxü̃ ixu i ñaa ore! Cori ya Tupana rü ñanagürü cuxü̃: “Cumax, Pa Tírucüã̱xgüarü Ãẽ̱xgacüx, cugü quicua̱xüxü̃ rü cugügu curüxĩnügu rü wüxi i tupana quixĩ rü Tupanaarü toruü̃wa curüto. Rü cuxca̱x rü taxucürüwa curü uanügü cuxü̃ narüporamae erü márcutüwa cungexma. Natürü i cumax rü tama wüxi i tupana quixĩ. Rü wüxi i duü̃xü̃mare quixĩ woo nagu curüxĩnügu nax wüxi i tupanaarü cua̱x cuxü̃́ ngẽxmaxü̃.

Chacaría 11:16

Erü choma rü tá ñaa nachixü̃anegu chanamu i wüxi i dauruxü̃ i tama norü carnéru i inaxüanemarexü̃gu rüxĩnüxü̃. Rü taxũtáma naxca̱x nadau i ngẽma rütaxuxü̃. Rü taxũtáma nanaxüxü̃ i ngẽma napíxü̃. Rü taxũtáma nanaxüwemü i ngẽma turaexü̃. Natürü tá nayama̱x i ngẽma rüngümaexü̃ rü meatama tüxü̃ nangõ̱x. Rü taxuxü̃táma tümamachi ínayaxüxẽxẽ woo tümapatügü.