Danié 11:27 - Tupanaarü Ore

²⁷ Rü ngẽma taxre i ãẽ̱xgacügü rü nügümaxã wüxi tátama i mechawa tá narüto nax nachibüexü̃ca̱x. Rü wüxichigü i nüma i norü ĩnüwa rü tá nagu narüxĩnüe nax ñuxãcü tá nügü nada̱i̱xü̃. Rü doraxü̃ tá nügümaxã nixugüe. Natürü ngẽma nagu naxĩnüexü̃ i ngẽma taxre rü taxũtáma ningu erü tauta norü ngunexü̃wa nangu.

Danié 11:27 Referans Kwoze

Wiyaegü 12:2

Rü nügütanüwa i duü̃xü̃gü rü nügü nawomüxẽẽgü. Rü mea nidexagüneta rü tama aixcümaxü̃ nixugü.

Abacú 2:3

Rü ñu̱xma rü taxũta nawa nangu nax yanguxü̃ ga yema cuxü̃ chawéxü̃. Natürü taxũtáma nangupetümare nax yanguxü̃. ¡Cumax rü mea ínanguxẽxẽ ega woo tama paxa yanguxgu! Erü aixcüma tá ningu i ngẽxguma norü ngunexü̃wa nanguxgux.

Danié 11:35

Rü ngẽxgumarüxü̃ ta i ñuxre i ngẽma nüxü̃ icuáxü̃ nax duü̃xü̃güxü̃ nangúexẽẽxü̃, rü norü uanügü rü tá nawe ningexü̃tanü. Rü ngẽmaãcü Tupana tá nüxü̃ naxü nax nape̱xewa yamexü̃ca̱x. Rü ngẽmaãcü nixĩ rü ñu̱xmata nawa nangu i ngẽma ngunexü̃ ya Tupana nagu unetaxü̃.

Wiyaegü 64:6

Rü nagu narüxĩnüe nax chixexü̃ naxügüxü̃, rü ñanagürügü: —Meama nagu tarüxĩnüe nax ñuxãcü tá tanaxü i ngẽma taxüxchaü̃xü̃ —ñanagürügü. Rü ngẽma nagü naxĩnüexü̃ i ngéma duü̃xü̃gü rü taxuwama name.

Danié 11:40

Rü ngẽxguma nawa nanguxgu nax nügü nada̱i̱xü̃ rü ngẽma súr-arü ãẽ̱xgacü rü tá ngẽma nórtearü ãẽ̱xgacüca̱x ínayagoõchi. Natürü ngẽma nórtearü ãẽ̱xgacü rü ñoma wüxi ya buanecü ya íxãũxẽmacürüxü̃ tá naxca̱x niñaama. Rü carugü i dairuxü̃ ixĩgüxü̃maxã, rü churaragü i cowarutagu ixĩxü̃maxã tá nayapaxẽxẽ i ngẽma nachixü̃ane. Rü tá namu ya norü wapurugü.

Ucu̱xẽgüchiga 26:23

Ngẽma norü dexa i ngẽma duü̃xü̃ i chixexü̃gu rüxĩnüxü̃, rü namexẽchicüraxü̃, rü ñoma wüxi ya buetare ya waixü̃münaxca̱x ya diẽrumümaxã ichaxüchicürüxü̃ nixĩ.

Ucu̱xẽgüchiga 12:20

Ngẽma duü̃xü̃gü i chixexü̃gu maxẽxü̃, rü norü ĩnüwa nangẽxma i doramare, natürü ngẽma yatü i mexü̃gu rüxĩnüxü̃arü ucu̱xẽwa, rü nangẽxma i taãxẽ.

Wiyaegü 58:2

Rü tama ngẽmaãcü nixĩ. Erü ngẽxguma texé tümaarü guxchaxü̃ pepe̱xewa mexẽẽchaü̃gu rü tama tüxü̃́ iperüxĩnüe, natürü naga pexĩnüe i ngẽma doramare pemaxã ixuxü̃ erü pexü̃́ nanaxütanü. Rü ngẽmaca̱x pegümaxã penanuexẽxẽ i duü̃xü̃gü i pechixü̃anewa.

Wiyaegü 52:1

Pa Yatü ya Poracüx ¿tü̱xcüü̃ cugü quicua̱xüxü̃ namaxã i ngẽma chixexü̃ i cuxüxü̃? Tupanaarü ngechaxü̃ rü aixcüma taguma inayacua̱x.

1 Tesalonicenses 5:1

Natürü, Pa Chauenexẽgüx, rü ngẽma norü ngunexü̃ rü taunecü i tá nagu nangupetüxü̃ i ngẽma pemaxã nüxü̃ chixuxü̃, rü taxuca̱xma pexca̱x chanaxümatü i ngẽmachiga.

Ngechuchuarü ngúexü̃gü ga yamugüxü̃arü puracüchiga 17:31

Yerü nüma ga Tupana rü marü nüxü̃ naxuneta i wüxi i ngunexü̃ i nagu tá aixcüma guxü̃ i ñoma i naanecüã̱x i duü̃xü̃güna naca̱xaxü̃ i norü maxü̃chiga. Rü marü nüxü̃ naxuneta ya wüxi ya yatü ya Ngechuchu, rü yimá tá nixĩ ya duü̃xü̃güna cacü. Rü Tupana rü guxãxü̃ma nüxü̃ nacua̱xẽxẽ ga yema ga yexguma Ngechuchuxü̃ wena namaxẽẽgu —ñanagürü ga Pauru.

Ngechuchuarü ngúexü̃gü ga yamugüxü̃arü puracüchiga 1:7

Rü Ngechuchu nanangãxü̃, rü ñanagürü: —Pema rü taxuca̱xma nüxü̃ pecuáxchaü̃ i ñuxgu tá nixĩ i ngẽma ngunexü̃ i choxna naxca̱x pecaxü̃, erü Chaunatüxicatama nüxü̃́ nangẽxma i pora nax nüxü̃ naxunetaxü̃ i ngẽma ngunexü̃.

Danié 11:29

Rü ngẽxguma nawa nanguxgu nax wena naporaxü̃, rü wena tá Súranearü ãẽ̱xgacüarü churaragüxü̃ nayadai. Natürü ngẽma daiwa rü taxũtáma narüporamae yexguma noxri nügü nadaixgurüxü̃.

Danié 10:1

Rü gumá norü tomaepü̱x ga taunecü nax ãẽ̱xgacü yixĩxü̃ ga Chíru ga Pérchiaanewa, rü choma ga Danié ga Betachámaxã choxü̃ naxugüe rü Tupana choxü̃ nüxü̃ nadauxẽxẽ i ngẽma tá ngupetüxü̃. Rü yema nüxü̃ chadauxü̃ rü aixcüma nixĩ, natürü poraãcü naguxcha nax nüxü̃ icuáxü̃ nax ta̱xacüchiga yixĩxü̃. Natürü ga choma rü meama chanangugü nax ta̱xacüchiga yixĩxü̃ rü yemaacü nüxü̃ chacua̱xama ga yema nüxü̃ chadauxü̃.

Echequié 17:9

¡Rü chauégagu Iraétanüxü̃maxã nüxü̃ ixu i ñaa ore i ñaxü̃! “Cori ya Tupana rü ñanagürü: ‘Ngẽma úbane rü taxũtáma naya. Rü ngẽma nüxíraxü̃xü̃ i ĩyü tá nanatuxü̃chuma̱xã, rü ñu̱xũchi tá nanayixẽxẽ i norü o. Rü tá narüñẽxẽxgü i ngẽma natanügü i ngexwaca rüxügüxü̃, rü tá nayu. Rü taxũtáma nanaxwa̱xe i muxü̃ i duü̃xü̃gü rüe̱xna wüxi i duü̃xü̃ i poraxü̃ nax nabéãxü̃.

Ucu̱xẽgüchiga 19:21

Nüma ya yatü, rü nagu narüxĩnü i muxü̃ma i ngẽma naxüxchaü̃xü̃, natürü Cori ya Tupana naxwa̱xexü̃ãcü tá nixĩ i yanguxü̃.

Wiyaegü 62:9

¿Rü ta̱xacüwa name i ngẽma nax nadiẽruã̱xgüxü̃ i duü̃xü̃gü rü ngẽma nax nangearü diẽruã̱xgüxü̃? Rü nümagü rü ngẽxguma chi wüxigu yáruü̃wa nangugügu, rü ñoma buanecürüxü̃ tama nayá.

2 Chamué 13:26

Rü yexguma nüma ga Acharóü̃ rü Dabíxü̃ ñanagürü: —Ngẽxguma cuma taxuacüma chauxü̃tawa cuxũxgu, rü name nixĩ i cuchicüxü chauxü̃tawa naxũ i chauenexẽ i Anóü̃ —ñanagürü. Rü yexguma nüma ga ãẽ̱xgacü rü Acharóü̃na naca rü ñanagürü: —¿Tü̱xcüü̃ cunaxwa̱xe nax Anóü̃ ngéma cuxü̃tawa ũxü̃? —ñanagürü.

Danié 11:28

Rü ngẽma Nórtearü ãẽ̱xgacü rü nachixü̃aneca̱x tá nataegu namaxã i guxü̃ma i ngẽmaxü̃gü i daiwa napuxü̃xü̃. Natürü norü ĩnüwa rü tama nataãxẽ namaxã i ngẽma uneta i Iraétanüxü̃maxã naxüxü̃ ya Tupana, rü tá nagu nidaucüraxü̃ ya Tupanapata. Rü ngẽmawena tá nachixü̃aneca̱x nataegu.

Danié 8:17

Rü yexguma ga nüma ga Gábi rü cha̱u̱xca̱x nixũ. Choma rü chaba̱i̱xãchi rü nape̱xegu chanangücuchi waixü̃müanegu. Natürü ga nüma rü ñanagürü choxü̃: —Pa Yatüx, name i nüxü̃ cucua̱x i ngẽma nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃ —ñanagürü.