Danié 11:21 - Tupanaarü Ore

²¹ Nawena rü wüxi i yatü i nüxü̃ naxoexü̃ rü tama ãẽ̱xgacüwa mexü̃ tá ãẽ̱xgacüxü̃ ningucuchi. Rü nüma tá nayacu̱x i ngẽma chixexü̃ i nagu naxĩnüxü̃, rü duü̃xü̃güxü̃ nawomüxẽẽãcüma tá ãẽ̱xgacüxü̃ ningucuchi.

Danié 11:21 Referans Kwoze

Danié 11:34

Natürü ngẽxguma tá ngẽma guxchaxü̃gü tümaca̱x íngugügu rü íxraxü̃ i ngü̃xẽxẽ tá tayauxgü. Rü woo muxü̃ i duü̃xü̃gü tümatanügu naxãgü natürü tümatanügu naxãgünetamare.

Danié 8:25

Rü ngẽma nax womüxẽẽxü̃ nacuáxü̃ rü tá nanawomüxẽxẽ i muxü̃ma i duü̃xü̃gü. Rü nügü tá nicua̱xüxü̃. Rü yíxema duü̃xẽgü ga nagu yaxõgüchiréxe rü tüxü̃ tá nadai. Rü yimá ãẽ̱xgacügüarü Ãẽ̱xgacümaxã tá nügü nadai. Rü yimá Ãẽ̱xgacü rü tá nayama̱x i ngẽma womüxẽẽwa̱xexü̃ i ãẽ̱xgacü.

Wiyaegü 55:21

Rü ngẽxguma yadexagügu rü ore i mexechixü̃maxã nidexagü, natürü i norü ĩnüwa rü daigu narüxĩnüe. Rü mexẽchixü̃ i dexamaxã nidexagü, natürü ngẽma dexagü rü ñoma taragü i nachiü̃wa ituxuchigüxü̃rüxü̃ nixĩgü.

Naúü̃ 1:14

Rü Cori ya Tupana rü Nínibearü ãẽ̱xgacüxü̃ ñanagürü: —Cuma rü taxũtáma cuxü̃́ nangema i cutaagü i nüxí cuchicüxü ãẽ̱xgacü ixĩgüxü̃. Rü yima curü tupaucawa ngẽxmagüxü̃ i curü tupananetachicüna̱xãgü rü tá nagu chipogügü. Rü ngẽxma tátama cuxü̃ chata̱x, erü cuma rü wüxi i duü̃xü̃ i chixexü̃arü üruxü̃ quixĩ —ñanagürü.

Danié 11:32

Rü nüma i ngẽma ãẽ̱xgacü rü tá ãmaregü nüxna naxãgü i ngẽma Tupanana ixĩgachixü̃. Natürü ngẽma Iraétanüxü̃ i aixcüma Tupanaga ĩnüexü̃ rü taxũtáma ngẽma ãẽ̱xgacüga naxĩnüe.

Danié 11:20

Rü ngẽma Nórteanearü ãẽ̱xgacüwena rü to i ãẽ̱xgacü tá nachicüxü ningucuchi. Rü ngẽma ãẽ̱xgacü rü norü duü̃xü̃xü̃ tá namu nax duü̃xü̃gütanüwa naya̱u̱xãxü̃ca̱x i taxü̃ i diẽru i ãẽ̱xgacü nagu unetaxü̃ nax ngẽmaãcü nadiẽruã́xü̃ca̱x i norü naane. Natürü ñuxre i ngunexü̃wenatama tá nayama̱xgü i ngẽma ãẽ̱xgacü, rü taxũtáma daigu nayu.

Danié 11:7

Natürü wüxi i ngĩtanüxü̃ rü tá ãẽ̱xgacüwa nangu i súranewa, rü tá naxca̱x ínayaxüãchi i ngẽma nórteanearü churaragü. Rü tá namaxã inacua̱xgü i ngẽma nórtecüã̱xarü poxü̃chica. Rü tá ngẽma nórteanearü churaragüxü̃ narüporamaegü.

Danié 8:23

Rü ngẽxguma tá norü gu̱xwa nangu̱xgu nax nachixü̃anegümaxã inacua̱xgüxü̃ i ngẽma ãgümücü i ãẽ̱xgacügü, rü ngẽxguma norü gu̱xwa nanguxgu i ngẽma taxü̃ i chixexü̃, rü ñu̱xũchi wüxi i ãẽ̱xgacü i chixecümaxü̃ rü womüxẽẽwa̱xexü̃ tá ningucuchi.

Danié 8:9

Rü guma wüxi ga naxchata̱xcurewa rü wüxi ga íxrane ga naxchata̱xcure nayarügo. Rü guma naxchata̱xcurearü pora rü súrwa, rü éstewa, rü ñu̱xũchi yema mexü̃ ga naane ga Iraéanewa nangu.

Danié 7:8

Rü yexguma yema naxchata̱xcurexü̃ chadawenügu, rü nüxü̃ chadau ga natanüwa nax iyanagoxü̃ ga to ga rüxíxramaexü̃ ga naxchata̱xcure. Rü nanapuxü̃gü ga tomaepü̱x ga naxchata̱xcuregü nax yemaacü naxãchicaxü̃ca̱x ga yema nawa iyacuáxü̃ ga iyarügoxü̃ ga naxchata̱xcure. Rü nüxü̃ chadau nax naxãxẽtüxü̃ ga yema naxchata̱xcure rü guma naxetügü rü duü̃xü̃xetürüxü̃ nixĩgü. Rü nüxü̃́ nayexma ta ga wüxi ga naã̱x ga namaxã poraãcü nügü yacua̱xüüxü̃.

Ichaía 32:5

Rü duü̃xü̃gü rü taxũtáma mexü̃ i duü̃xü̃ãcüma nanaxugü i ngẽma chixexü̃gu maxü̃xü̃. Rü ngẽma dauxcüraxü̃wa̱xexü̃ rü taxũtáma ñoma duü̃xü̃ i mexü̃ãcüma namaxã nixĩgü.

Wiyaegü 15:4

rü tama nanaãẽraxü̃xe i ngẽma chixexü̃ üxü̃, rü nüxü̃ ngechaü̃xe i ngẽma duü̃xü̃ i Tupanaxü̃ ngechaü̃xü̃, rü naxüamáxe i ngẽma nagu taxunetaxü̃ woo tüxü̃́ naguxchagu nax tayanguxẽẽxü̃,

1 Chamué 3:13

Yerü marü namaxã nüxü̃ chixuchire̱x rü poxcu i taguma guxü̃gu tá chanapoxcue i ngẽma nanegü naxca̱x i ngẽma chixexü̃ i nüma marü nüxü̃ nacuáxü̃. Yerü ga nanegü rü chixexü̃ chomaxã nixugüxe rü nüma rü tama nüxna nachogü naxca̱x ga yema chixexü̃ ga naxügüxü̃.

Danié 4:17

Rü yema nixĩ ga yema naimaxã naxuegugüxü̃ ga yema ixüünexü̃ ga dauxü̃cüã̱x ga dauruü̃gü ixĩgüxü̃. Yerü nanaxwa̱xegü nax guxü̃ma i duü̃xü̃gü nüxü̃ cua̱xgüxü̃ nax nüma ya Tupana ya Guxãétüwa Ngẽxmacü rü nüxü̃́ nangẽxmaxü̃ i pora nax namaxã inacuáxü̃ i ngẽma nachixü̃anegüarü ãẽ̱xgacügü i ñoma i naanewa ngẽxmagüxü̃. Rü nüma nixĩ i nüxü̃ naxunetaxü̃ i ngẽma nüma nanaxwa̱xexü̃ nax ãẽ̱xgacügü yixĩgüxü̃. Rü nüma rü nüxü̃́ nangẽxma i pora nax nachixü̃anearü ãẽ̱xgacüxü̃ yangucuchixẽẽãxü̃ i ngẽma duü̃xü̃ i noxri taxuxü̃ma ixĩxü̃’, ñanagürü ga yema dauxü̃cüã̱x.