Danié 11:20 - Tupanaarü Ore

²⁰ Rü ngẽma Nórteanearü ãẽ̱xgacüwena rü to i ãẽ̱xgacü tá nachicüxü ningucuchi. Rü ngẽma ãẽ̱xgacü rü norü duü̃xü̃xü̃ tá namu nax duü̃xü̃gütanüwa naya̱u̱xãxü̃ca̱x i taxü̃ i diẽru i ãẽ̱xgacü nagu unetaxü̃ nax ngẽmaãcü nadiẽruã́xü̃ca̱x i norü naane. Natürü ñuxre i ngunexü̃wenatama tá nayama̱xgü i ngẽma ãẽ̱xgacü, rü taxũtáma daigu nayu.

Danié 11:20 Referans Kwoze

Ichaía 60:17

Rü choma ya perü Tupana, rü mexü̃wa rü taãẽwa tá pexü̃ chamaxẽxẽ. Rü choma rü bróũchechicüxü tá pexna chanaxã i úiru, rü fieruchicüü tá pexna chanaxã i diẽrumü, rü mürapewachicüü tá pexna chanaxã i bróũche rü nutagüchicüxü tá pexna chanaxã i fieru.

Danié 11:21

Nawena rü wüxi i yatü i nüxü̃ naxoexü̃ rü tama ãẽ̱xgacüwa mexü̃ tá ãẽ̱xgacüxü̃ ningucuchi. Rü nüma tá nayacu̱x i ngẽma chixexü̃ i nagu naxĩnüxü̃, rü duü̃xü̃güxü̃ nawomüxẽẽãcüma tá ãẽ̱xgacüxü̃ ningucuchi.

Danié 11:7

Natürü wüxi i ngĩtanüxü̃ rü tá ãẽ̱xgacüwa nangu i súranewa, rü tá naxca̱x ínayaxüãchi i ngẽma nórteanearü churaragü. Rü tá namaxã inacua̱xgü i ngẽma nórtecüã̱xarü poxü̃chica. Rü tá ngẽma nórteanearü churaragüxü̃ narüporamaegü.

Ucu̱xẽgüchiga 30:33

Ngẽxguma chi lechi quibáegu rü tá nawa cunayaxu i mantequiya. Rü ngẽxguma chi cugüráü̃ quidagügu, rü tá cuduráü̃, rü ngẽxguma chi toguxemaxã cunuxgu rü dai tá ínangu —ñanagürü ga Agúru.

Norü taxre ga popera ga ãẽ̱xgacügüchiga 23:35

Rü nüma ga Yoaquíü̃ rü Necáuna nanaxã ga yema diẽrumü rü úiru ga naxca̱x ínacaxü̃ nax duü̃xü̃gü nüxna naxãxü̃ca̱x. Rü wüxichigü ga Yudáanecüã̱x ga duü̃xü̃gü rü nanaxütanü ga yema úiru rü diẽrumü ga ãẽ̱xgacü nagu unetaxü̃ nax naxütanügüãxü̃ca̱x.

Abacú 1:1

Ñaa nixĩ ga yema ore ga Cori ya Tupana norü orearü uruxü̃ ga Abacúmaxã nüxü̃ yaxuxü̃ ga yexguma nango̱xetügu.